لاجئة لأحضان عسكري (حقيقه عراقيه)

البارت الثاني عشر

-فهد: كعدت الصبح بدلت ملابسي بسرعه طلعت على المركز حضرت خمس سيارات نروح للموصل انطيت للسواق مالتنا الموقع كتلهم من رخصتكم دقايق وارجعلكم رحت بلسيارة مالتي على البيت فتت على غرفه ملاك حتى بلا ما ادك الباب خجلت من نفسي

-فات فهد عليه واني شعري كفش ولابسه بجامه نوم وجان البنطرون مرفوع: ها شكو فهد
-اسف ما قصدي بس دنروح للموصل
-صدك فهدد
-يي والله تجين
-لا ما اكدر
-تمام اني رايح
-ايمت ترجع
-ما معلوم
-رحت حضنت فهد وحطيت ايدي على وجهة وكتله: دير بالك على نفسك حبيبي لا تخلي بالي
-ان شاء الله حياتي انتي هم ديري بالج على نفسج هسه اوصي مصطفى يجي ياخذج بساعه 10
-لا فهد فدوة
-حضنتها وكتلها: مستحيل اخليج هناا وحدج
-فهد
-حطيت ايدي على حلكها: لا تكملين كلام ماكو اي خجل اعتبريهم اهلج
-تمام حبيبي ان شاء الله
-يلا رويحتي اني رايح
-يلا قلبي مع السلامه......
طلع فهد كعدت تريكت وحضرت الي كم تراك حطيت عطوراتي ومكياجي حتى اروح لبيت اهل فهد بعد ما بدلت ندك الباب طلعت كلت: منوو
-اني مصطفى
-فوت مصطفى
-ها كملتي
-بعد ما بدلت فوت للاستقبال بس علما ابدل
-تمام
-فات مصطفى واني رحت بدلت طلعت... مصطفى اجيبلك ماي
-لا لا تعيشين ما اريد خلصتي
-يي خلصت
-جيبي الجنطه مالتج
-لا اني اشيلها
-جيبي بعدين فهد يطيح حضي
-هههههه لهل درجه يخوف
-اخذت الجنطه منها وطلعنا وكتلها: واكثر اني مصدوم شلون كدرتي تتحمليه هاي خمس اشهر
-هههه لا لا ينحمل
-يمعود هذا الله ما يحمله
-لا لا على فهد خطيه
-ههههه انتي خطيه مو هوا يعني بصراحه فهد صح هواي يحجي ويا بنات بس من شافج استقر

-ما فهمت شلون يعني
-باعي فهد شاف هواي بنات كالو اله احبك كالو اله نريد نحجي وياك جانو جميلات المضهر بس هوا ما انجذب او تكدرين تكولين ما حب ولا وحدا يعني جان فهد اربعه وعشرين ساعه تشوفينه يخابر ما يبطل سوالفه كل ما حجينا وياه كام يصيح ويكول اني اعيش بكيفي اني رجال اني حر فاهم موضوع الرجوله غلط يعني اني صافن شلون ثبت عليج والله
-لا تكول مغروره بس اني ياهو الي يشوفني ينجذب الي وضحكت
-لا باعي يعني صح انتي جميلة وحلوة وكذا وحتى اني من شفتج كلت ما شاء الله عليج بس فهد مو مهتم بلمضهر بس يعني اكيد شاف شي بيج حلو مو بس شكلج مثلا عنادج لسانج الطويل قوتج يعني ممكن لهذا السبب حبج
-يي والله. اكلك مصطفى
-كولي عيني
-اني ما عندي اخوه اكبر مني اكدر احجي الهم كلشي اكدر اعتبرك اخوي
-طبعا اكيد تكدرين تعتبريني اخوج اصلا جنت دحجي بهذا الموضوع بس انتي حجيتيه
-اممم زين لعد اكلك منو عدكم
-محد بس باجر حيجون عدنا بيت عمي
-اووف يربي اني منكم اخجل هل مرة من بيت عمك شنو راح اسوي
-لا يمعود شنو تخجلين احنا بيت عيالج من يوم ورايح واصلا بيت عمي مو مثل بيت خالتي ما عدهم بس ولد يعني ماكو بنات يزعجونج مثل استبرق ههههه
-لا استبرق استفزتني هذيج المرة
-وعلي اني خايف على ويلادكم انتي عصبيه وهو عصبي انتي لسانج طويل وهوا لسانه اطول انتي عنيده وهوا عنيد يا بووويه الله يعين ويلادكم خاصةً اذا جانت بنت