لاجئة لأحضان عسكري (حقيقه عراقيه)

البارت الواحد والعشرين

-فهد: سحبتها بقوة من ايدها ووكفتها بصفحه. شنو ذبيتي على هذيج الطاوله
-فهد لا تشك افهمك الموضوع من نرجع
-لا هسه احجي
-هوا ذبلي اليوزر مالته واني رجعته
-عفتها ومشيت رحت عليه
-فهههد بس تعال الله يخليك. خفت كلش منه
-رحت على هذا الولد وسحبت الورقه وكلت. هذا حساب منو بالله
-حسابي
-رحت لزمته من ياخة قميصه انت شنو
-نزل ايديك عني
-بربك اذيتك مو
-طبعا اذيتني
-ضربته بقوة وبلشت بيه ضرب اجه واحد من اصدقائه وكملتو فوكه واجه كابتن المطعم وكام يصيح واني عفته ومشيت
-اخويه شبيك ليش تتهجم عليه
-ابن الكح.... يتحارش بعرضي
-اسف اني اعتذر بمكانه بس مو من حقك تتهجم عليه يعني تكدر تشتكي عليه يم المركز
-طلعت هويتي العسكريه وكتله. ترا اني بذات نفسي ضابط تحقيق بلمركز
-احنا نعتذر منك ومن عرضك اسفين وعلي
-لا اني اريد اخذه للمركز
-ترا انت تهجمت عليه
-ولو كان اني اخذه للمركز
-مالي شغل بعد انت تصرف اخي
-رحت الى يمه وكتله هلمرة عبرتها الك لان بمزاجي بس دييير بالك تكررها مو بس ويا عرضي ويه اي بنت لكان اجيبك لو جنت بأخررر الدنيا ودكيت على صدره وكتله فهمتتت لو افهمك بطريقتي
-فهمت
-عفته وطلعت شفت ملاك يم باب المطعم . شعدج يم الباب ما طلعين بلسيارة
-خفت عليك
-يلا طلعي. طلعنا للسيارة. كله من ورا هذا اكلان الخر.. مالتج المكياج ولبس البنطرون
- يعني مو شايله طفل بيدي ورجال وياي اكيد يعني متزوجه بس هوا قليل شرف
-ملاك لا تحجين انتي بس سكتيي لخاطر ربج لان كله بسببج وبسبب اللبس والمكياج
-يعني شلون اتنقب والبس عبايه
-يكون احسن
-لا اله إلا الله
-كومي نزلي صوجي اني طلعتج
-نزلت ضاييجه من فهد وتعبانه رحت بدلت وبدلت لادم جان فهد ما موجود رجع فهد
-ها عشقي
-هلا
-رحت يمها . شبيج
-ما بيه شي
-زعلانه
-يي زعلانه منك
-اسف حبيبتي بس غيرتي رادت تجيبلي جلطه
-كمت ابجي وكتله. ليش تسوي بيه هيج كل ما ضجت
-يرووحي لا تبجين وعلي اسف اسف
-حضنته حيل وضليت ابجي
-يعشقي اسف والحسين
-تمام رضيت بس اريد اضل ابجي بحضنك
-زين ضلي حبي اذا هذا يريحج
-ضليت بحضنه لحد ما نمت كعدت على بجي ادم. بسسسس جيت جيت سويتله حليب اجيت دنطيه ضل يبجي كمت بدلت حفوضته وضل يبجي اخر شي تعصبت وضربت ممته بل كنتور وجانت ممته زجاجيّة انكسرت وكمت اصيح مو كافيي ترى دوختني
-كعدت على حس شي انكسر وملاك كامت تصيح تعدلت. شكو ملاكي
-هذا بس يعوي دوخ راسي
-تمام حبيبتي انتي نامي اني انجاز بيه
-ما يسكت
-انتي نامي اني انجاز
-قبل ما انام فكرت اذا جا الطفل الثاني شنو راح يصير بيه ورجعت لخبالي وكلت ما اخذ اي علاج وخلي ينزل الطفل . نمت وعفتهم. كعدت الصبح شفت فهد نايم وادم بحضنه جان منضرهم يجنن. كمت شفت الغرفه نضيفه فهد نضف كلشي. طلعت سويت ريوك وفتت كعدتهم. يلا حبي ما تكوم عاد

-اوك هسه انتي طلعي سوي ريوك ميييت جوع
-صاير الريوك
-تمام. طلعت غسلت ورحت اتريك
-زعلان
-لا مو زعلان بس عملتج مو حلوة ابنج هذا
-ترا ادري بس هوا
-لو كاان ابننج يا مره ابنج
-يي عصبني
-تمام ما نريد عصبيه بعد
-ان شاء الله
-لا تنسين تاخذين علاج
-ان شاء الله خلصت ريوك واخذت العلاج وفتت للحمام ذبيته وطلعت