لاجئة لأحضان عسكري (حقيقه عراقيه)

البارت السادس

تسريع الاحداث
ما اريد تصير الرواية كئيبه
بعد مرور 4 اشهر

- فهد: ملاك ميصير تضلين على هاي الحاله لابسه اسود لحد هسه ودائما تبجين ما يصير هل حال ترى
-ملاك: يعني برأيك شسوي الرجال مات بسبي
-هم كالت بسبي لج باباتي هذا قدره
-يعني لو مات بقدره شويه الوجع اخف عليه من هيج هو مات بسببي
-اااوف انتي منو يكدر يقنعج لج عيوني بلقليل نزعي الاسود المرأة الي رجلها مات نزعت الاسود شعدج انتي لابسته ميصيير بنيتي ميصير
-اصلا الاسود حلو عليه
-انتي شكد مغرورة
-هوا بس انت ما مغرور العالم كله مغرور
-تدرين صوجي كعدت يمج اروح لامي احسن الي
-يي والله احسن وجهي ما ينكعد وياه
-رجعت الى يمها وكلت الها: ما راح تبطلين حجي
-لا
-انتي شكو تعاندين
-انت شكو تتأمر
-ترى لا تشوفني هيج وياج ترى اني عصبي كلش كلش
-واني هم عصبيّة كلش كلش
-لا والله انتي ميصير الج جارة اروح من هنا احسن
-يي والله احسن راح فهد واني كعدت افكر بكلامه كلت هم صدك خلي انزع الاسود كافي عاد رحت طلعت تراك جان لونه وردي كلت خلي اشوفه اخذته ورحت يم المرايه جان كلش حلو عجبني كثير لبسته وطلعت كعدت بلحديقه جنت صافنه للسما كاعده افكر وبالي مشغووول ومشوش كثير

-فهد: فتت شفتها لابسه تراك وردي خرا بيومها طالع يجنن كلش عليها فتت وكلت الها: شنو هذا الحلو الكاعد هناا
-لا تحسب راح اكلك انت احلى لان اني احلى منك
-وگبر هم فوك ما جاي احجي وياج كلام حلو
-ما لازم محد كلك احجي
-والله طلعتي تسمعين الكلام نزعتي الاسود
-مو لان انت كلت لان اني عجبني البس هذا
-زين زين بلا حجي زايد سويتي عشه
-لا انت سوي
-ترى ما يصير اني اضل اسوي ملاك كومي انتي
-اني ما جوعانه
-لا والله انتي مو صاحيه
-ليش سويت شي غلط
-لا ابد اني غلطان
-همزين تعرف
-لا حول ولاقوة الابالله العلي العظيم اني اروح اتعشى يم اهلي
-يي روح عادي
-محتاجه شي گبل ما اروح
-فدوه اروحلك سويلي عشه
-هااا ملاك
-شبييك ترى جوعانه حرام عليك والله
-اوك اوك هسه اوصي على الانترنت
-لا انت سويلي
-هيه گوة ما اريد اسوي اني
-يي لعد ما اكل
-لا هسه اكوم اسوي
-لا ما اكل
-هسه شبيج كلت راح اسوي
-خاف اتعبك
-لا كله فدوه يروح لعيونج
-شكراااا عيوني
-ام مصالح ما بيدج
-هههههه كعدت افكر يا ربي معقوله فهد يحبني ما ادري

-فهد: جنت دا اسوي الجاي فاتت ملاك
-اساعدك بشي
-يا ريت والله
-ههه والله
-لا دا اجذب عليج
-لا حشاك اخوي
-شنو شكلتي
-لا حشاك اخوي
-بلا هاي اخوي شيليها
-اجيت الى يمه: ليش عود اشيلها
-لان اني كلتج شيليها
-وبكيفك عود
-لا مو بكيفي بس ما احبها
-اممم تمام لعد
-يلا عاد كملي الباقي انتي اني افوت بعد ما كملت كلامي
-ماكو نفوت سوا ضل وياي
-يمعووود افوت ابدل تفوتين وياي
-خجلت كلش: لا هوة بس
-ضحكت وكتلها: يلا سوي الاكل و فكري بجفصتج ورحت للغرفه
-عزااا ملاك شبيج انتي غبيه غبيه غبيه

-طلعت شفتها مكمله العشه وصافنه كتلها: بسسست وين صافن الحلو

- هاا لا مو صافنه
-رحت الى يمها كتلها صافنه بجفصتج موو
-لا اصلا ترا ما صار شي يعني
-زين خلينا نفوت ناكل جوعان كلش بالله
-يي تمام اصلا اني هم جوعانه

خلصنا عشه طلعت دا اغسل مواعين دحكت جان ما عدنا زاهي مال مواعين فتت دكل لفهد سمعته ديخابر وكال حبيبي زنوبه ان شاء اليوم اجي يمكم
ضجتت كلش ورحت للمطبخ

-فهد: جنت دا احجي ويه زينب وشفت ملاك اجت ف حبيت ادلع زينب واكول كلام حلو كلت بلكي تغار ف سديت الخط وطلعت للمطبخ حضنت ملاك وكتلها شرايده
-ما رايده شي فهد ابتعد من عني
-ليش ابتعد
-روح لحبيبتك زنوبه
-هههههه والله ولج هاي اختي
-نداريت عليه: هاي ما تعبر عليه اختي ومدري منو
-لزمتها من خصرها باثنين ايديه وكدمت راسي من يم اذنها وكلت الها: والله العظيم اختي
-وليش انت كاعد تبرر ما مجبور تبررلي ترى
-رفعت راسها بأيديا وكتلها ولج انتي شرايده بعد مني قربت من شفتها
-قرب مني دفعته بقوة وكلت: شنو هاي الحركات فهد
-ملاكي اني احبج ليش ما تفتهميني
-فهد هذا مو اسمه حب هذا اسمه اعجاب بعدين هوا انت شتعرف عني حتى تحبني
-لج شنو هوا الاعجاب تدرين انتي ملخبطتني وين ما اروح افكر بيج وتكولين اعجاب وبعدين ترى شنو هوا الضل الي ما اعرفه عنج
-فهد مو بهل سهوله تاخذ من عندي كلشي سمحتلك اصلا تلمسني القوانين الجديدة مرة ثانيه ما اسمح الك تلمسني ابد لو اش ما يصير فهمت
-انتي اصلا شعرفج بلحب ولج انتي كل عمرج 15اني راح اعلمج الرومانسيه والحب
-تدري ضحكتني حسبالك عمري صغير ما اعرف شنو الحب لك اني صح صغيرة بس والله العظيم اعرف الحب اكثر منك
-حسسيني مرة انتي تعرفين شنو هوا الحب
-مو هسه فهد
-زين لعد اكلج
-كول
-اليوم اخذج اعرفج على اهلي
-صدككك والله
-يي والله
-اكلك هم يعرفوني
-لا اني اليوم راح اخذج اعرفج عليهم
-ممممم زين كتلي من وكت حتى اروح احضر نفسي
-يلا روحي بدلي اني هم ابدل
-رحت ابدل وافكر بيه: ياربي هذا مجنون والله. كملت تبديل وطلعت شفته كاعد ينتضرني
-طلعت الافنديه لابسه بنطرون كابوي وقميص لونه وردي وكصير كلت الها: ما نطلع بهذا اللبس
-وليش عود
-كصير كلش والكابوي ضيك متطلعين
-مو بكيفك امشي انت منو
-اني ولي امرج
-لا والله
-يي والله يلا فوتي بدلي
-ما افوت ابدل
-زين لعد ماكو روحه
-يي ماكو هسه افوت ابدل وانام
-شفت المجنونه فاتت كلت: تعاي ملاك
-ها خير
-فدوه اروحلج بس غيري القميص طالع لونه فاقع ويجذب الانضار وبعدين اني عندي اخوه واليوم بيت خالي هناك وعدهم ولد ما اريدج طلعين بهذا اللون اغار عليج والله اغار

-تمام هسه افوت ابدله فتت واني الكلام الي گالو ميروح من بالي ياربي يجنننن هوا وغيرته بدلته لبست قميص اسود وطلعت. هذا حلو
ولو يعني ما سويت حل بكل الحالات انتي تجذبين الانضار
-اممم زين غير اني ماحجي هههه
-امشي بلا غرور
-ركبنا بلسيارة طلع اغاني دوخني: فهد لو سمحت طفي الاغاني
-ليش
-ترى اضوج من هاي الاجواء
-واني ما اعرف اسوق اذا ما اسمع اغاني
-زين حط سماعات
-شكد ممله عابتلج
-طفه الاغاني: برافو هوا دا كان المطلوب منك يا استازي
-شو كلبتي مصري
-مدري حبيت احجي وياك مصريي
-زين بلا مصري وصلنا
-فهد
-عيناه
-متوترة من ردة فعل اهلك
-ترى ما ياكلون بشر والله بس نزلي......

الى هنا ينتهي البارت حبايب گلبي ان شاء الله انزل البارت الجاي هم مثل هذا البارت ما اخلي يكون اقل من1000كلمه بس لا تنسون متابعه لحسابي وتعليقاتكم الحلوة وتصويتكم الي ومشكورين حبايبي