لاجئة لأحضان عسكري (حقيقه عراقيه)

البارت الثامن

فهد: شفتها كاعده تسولف ويه امي وامي جاي تضحك وياها وزينب وفاطمه كاعدين وياها كلش جانت كعدتهم حلوة: هااا ولكم لعد وين نورة
-مريم: اليوم راحو نور وام نور لبيت اهلها لو جانت موجوده جان كلش تونست ويا ملاك
-يوسف: هاا سمعت اسم بنتي ومرتي
-فهد: جنا نكول لو هما موجودين جان كلش تونسو
-يوسف: هستوني جبتها وجيت بس جايه تبدل هيه ونور وتطلع عود
-فهد: اصلا احنا رايحين ملاك يلا كومي
-ملاك: ما هسه
-فهد: كومييي شنو ما هسه
-ملاك: فهودي حببباب
-زينب: شكاعده تتوسلين فههههد عوفهاا هناا نريد نحجي وياها ما راح ناكلها ترى
-فهد: وجع لترفعين صوتج
-زينب: اذا على صوتي ف عادي بس بقيها هنا
-فهد: لا والله اني تعبان ارد انام
-زينب: روح نام بغرفتي
-فهد: لا مو مثل بيتي
-مريم: صار عنده بيت عاد ولكك دعوفها شويه
-فهد: يوم فدوه اروحلج باجر اجيبها
-مريم: تمام الله وياك
-فهد: شبيج مريم زعلتي
- مو جاي اكلك بقيها
-يوم والله كتلج باجر اجيبها يعني اني عندي دوام واكعد من الساعه 6وهسه صارت الساعه 1يعني يا دوب انام شويه
-تمام روح حبيبي روح
-فهد: بست راس امي وطلعت بلسيارة ملاك وياي كعدت من كدام. يي ملاك تبرير على الي صار
-ملاك: شنو شصار
-رفعتي صوتج عليه
-فهد شكد تلح كتلك اسفه
-ترى ما رضيت
-زين شنو يخليك ترضى
-كولي احبك
-غيره
-ماكو شي يخلني ارضى
-تمام خليك زعلان اصلا اني اعتذرت وحضنتك بس انت ما يفيد وياك شي زين
-شبيج تعصبتي ترا اني هم عصبي
-تخطاك الرحمااان انت و عصبيتك
-اكلج اكو طلب اطلبه منج
-تأمر
-مرة ثانيه لاتصيحيني فهودي كدام اهلي او كدام اي شخص لكان
-ليش
-لج اني ما اخلي اصلا احد يصيحني فهد دائما جنت اخلي العالم تصيحني ابو ادم والي يصيحني فهد اطيح حضه انتي تجين تكولين فهودي لج روحتي هيبتي
-شدعوه عيني اطيح حظ العالم
-احسه قلة احترام
-والله انت عقلك مو مثل عقل شباب هسه عقلك بعده متعلق ويه اهل قبل
-اني مو مثل اي شاب تكدرين تقارنيني اني غير عن الشباب
-شكد مغروووور
-بس سكتي رحمه لوالديج
-كول رحمه لامج لا تكول والديج
-ترى هذا ابوج
-معليك انت
-عابتلج ولج نزلي نزلي وصلنا
-يي نزلت بدلت وضليت كاعده افكر بأهلي شنو ممكن هسه صاير وياهم ضليت كاعده لحد ما فهد كعد ديروح للدوام. طلعت برا غرفتي دشوف فهد واحجي وياه شفته واكف مقابيل المرايه جان ديغسل وشعره كله مبلل وجان شكله كلش حلو
-واكف اغسل وطلعت ملاك رحت الى يمها صرت قريب من يمها وكتلها ها شرايده لحد هسه ما نايمه انتي
-رجعت الى ورا. هوا بس
-تقدمت الى يمها وسحبتها من ايدها الى يمي. كلتلج شتردين احجي
-ما ادري اذا تكدر تسويه او لا
-بس امري انتي
-اريد رقم اختي اذا تكدر تجيبه
-بس هذا اامرج
-دنكرت وكلت يي بس هذا
-متأكده
-يي والله متأكده
-رفعت راسها عليه وكتلها احبج ابتسمت وما كالت شي بستها جنت حاس راح تدفعني بس ما دفعتني بلعكس حضنتني وبادلتني البوسه

-جنت دائما اخاف لا يجي يوم واضعف كدام فهد واكوله احبك بس هلمرة صار الاتعس فهد باسني واني حضنته