لاجئة لأحضان عسكري (حقيقه عراقيه)

البارت الخامس عشر

ملاك: سديت الاتصال ويه فهد وخليت موبايلي سايلنت ورحت نمت كعدت الصبح شفت 15مكالمه و12رساله من فهد مباشرة دكيت عليه.
-فهد: سديت الاتصال ورحت حفظت صورها الي وحدها وضليت اباوع الها الى ما تعبت ونمت كعدت الصبح تقريبا الساعه 8 طبعا اليوم عطله ما رحت للدوام كمت دكيت على ملاك ضليت ادك ما تجاوب بعدين صارت الساعه 9 دكت عليه.
-هلا فهد صباح الخير
-صباح النور وينج حبيبتي
-والله جنت نايمه
-نوم العوافي حبيبتي
-ربي يعافيك بعدك زعلان
-يي والله
-اسفه والله اسفه بس لو اني يمك جان هسه راضيتك اكثر واكثر
-يروحي انتي اني والله لو ما اغار عليج ما جان سويت هيج والله
-ادري حبيبي والله
-زين جاي تدرسين زين
-يي والله جاي ادرس تدري كل اسبوع اداوم يوم (من ورى كورونا) ينطونا هل عله واجب ما الحك ادرس والله
-لو اني يمج جان درستج
-ههههه لا هوا ادبي شلون انت درسني
-دخلتي ادبي
-يي
-ييييه
-شبيك
-ما احب الادبي يا ريت دخلتي علمي
-والله يعني حسب عقلي دخلت عقلي ما يستوعب المواد العلميه يعني اذا ما اربع مرات يعيدون الشرح ما افهم
-اوك حياتي اهم شي راحتج
-يي قلبي اقلك
-شو تحجين مصلاوي
-يي ما يصيغ احكي هاكذ
-بلا بهاته احجي عدل
-ليش انا اش قلتو حتى تقول بلا بهاتي
-ملاك صيري ادمييه
-ليش اش غيشعني
-شنو
-اش غيشعني
-ملااااك تادبي
-دا اكلك شنو شايفني
-يي زين من البدايه ليش الا اصيح
-فهد
-عيناه
-احبك واعشقك واحب كل شي بيك
-ملاك وعلي بهذا كلامج تخليني بس اريد اجي اخذج من اهلج واخليج يمي
-يا تدري فهد يمكن ما اجي
-ليش يابه
-خاف لا تاكلني
-ههههههههههههههه اذا على هاي حقج يعني من هسه ترا اكول الج اذا تحجين برومانسيه زايده اكلج اكل
-عزا بعينك وبعين الي يحجي وياك
-خجلتي
-لا هوا بس
-تدرين انتي ذابحتني بهاي لا هوا بس من اول لقاء انتي تكولين لا هوا بس
-يي عابتلك شكو كاعد تقلد
-ملاك اكو شغله انبهج عليها
-شنو هيه حب
-هاي مال عابتلك تشيليها من قاموسج وتشيلين هاي مال ولك وتشيلين هاي فهودي
-يي ييي بعد بعد
-هذوا خلصو
-يي حبيبي
-يي عشقي
-فهد
-عيونه
-اكو موضوع اريد احجيه وياك بس شويه اخجل
-ليش يروحي انتي مرتي لا تخجلين مني
-فهد امي وبيبي ما يعرفون صوري عندك
-يي
-يعني اتمنى تحذفهم والله اذا يعرفون اترزل
-ولا يهمج حياتي ما اجيب الهم طاري
-يعني ما راح تحذهم
-ملاكي ليش ما تثقين بيه واذا صورج بتلفوني
-فهد مو قصه ثقه بس يعني الموضوع كله انو اني وياك ما بينه شي شرعي واني البارحه وقبل شهر باعثتلك صوري واني لابسه فساتين قصيرة وايديه طالعه وشعري طالع والله مو حلو
-لحضه هسه فهمتج يعني انتي تريدين احذفها لان لا مخطوبين ولا متزوجين اني وانتي
-يي فهد
-تمام يروحي ولا يهمج على العموم اني رايح
-وين حبيبي مو عطله
-دروح يم اهلي
-تمام قلبي روح الله وياك

-براءة: كعدت جان كوسار نايم رحت عليه كتله. كوساار
-كوسار: هاا شكو
-اريد اهلي
-حياتي بعدين
-ما عليه هسه وديني
-من كل عقلج
-يي والله
- نروح بس ما نطول عدهم لليل نرجع
-اوكي
-دكومي بدلي
-كمت بدلت وطلعنا بيت عيالي كامو يحجون بس كوسار قبل وعفناهم وطلعنا الساعه 12وصلنا تقريبا الساعه 2ونص