لاجئة لأحضان عسكري (حقيقه عراقيه)

البارت الخامس ليله الوداع

وفات واحد كال سيدي اني مباشرة دفعت فهد ورحت كعدت على الكرسي
-فهد: اني كم مرة كلت محد يطب اذا ما تدك الباب
-العفو سيدي بس السبب طارئ
-ايا كان السبب ما تفتحه بدون استائذان فهمت
-ملاك: شفته شكد عصبي وبس يصيح اني خفت منه والله
-فهد: وعيت هاي البنيه يمي كلت هسه تخاف مني خصوصا بعد ماعرفت عمرها صغير اكيد حتخاف: يي تفضل رياض شتريد شنو السبب
-وصلت الدوريه من بيت البنيه
-ملاك: كمت ركض الى يم هذا الولد: يي وشصار
-فهد: شفتها راحت تركض لهذا الولد اني ضجت سحبتها من ايدها وكفتها وراي: شصار
-مالكينه بس شخص واحد
-يي جبتو لهذا الشخص
-اخذنا للطب العدلي وجان اسمه محمد
-ملاك: شنووو لك شنو طب عدلي شنو بطيخ انت عتجذب والله مو صح
-فهد: ملاك اهدي
-هوا جذاااب مستحيل مستحيل مستحيل ما يموت عمي والله جذاب جذاب جذاب
-اني افهمج بس اكعدي ملاك وثقي بيه راح اجيبه لهذا ابوج
-شنو ثقي بيه ولكم انتو عمي ما كدرتو تنقذو شلوون اثق بيكمممم
-جانت تحجي وتبجي بحركه: ملاك عيوني انتي بس كعدي

-لا اني اروح اشوف بعيني هوا جذاب ما مات عميي ما ماتت والله ميعوفني ميعوفنييييي 😭😭
-تمام راح اخذج لعنده تمام بس اهدي
-اخذني يلا امانه اخذني
-سيدي بس من رخصتك اريد احجي وياك
-فهد: تمام تفضل
-ملاك: شفتهم ديحجون وفهد متعصب بس ما اخذت كلشي بجديه رحت الى يم فهد: يلا عاد ايمت نروح

-تمام بس اخذ مفتاح السياره: رحنا وهيه طول الطريق تبجي وتشهك وكاعده يم الشباك وبس تبجي: لزمت ايدها ملاك عيوني صدكيني كلشي راح ينحل بس لا تشيلين هم ولا تبجين
-لكككك شلوون لك ضحى بعمره علمودييي يربي ساعدني لك اني سبب بوفاته اني السببب انييي انيي
-كلمن وقدره الله كاتب اله هيج لا تلومين نفسج
-اخخخخ لو متزوجته لهذاك الرجال ولا خليت عمي يموت بسببي
-لا تضلين تلومين نفسج مالج ذنب انتي: وصلنا الطب العدلي: ملاك عيوني ايدج لاتعوف ايدي ابد لحد ما نلكه مكان عمج فهمتي
-تمام بس اريد اشوف عمي
-اوك اهدي راح اشوفج هوا: لكينه الغرفه الي هوا بيها الاطباء كلهم موجودين بلغرفه بس ملاك. اصرت انو تفوت وفاتت

-ملاك: رحت الى يم عمي ابجي واكول: لك ليييش ليش عفتني وحدي ما اكدر بدونك ما اكدر والله ما اكدر لكك ماضلي سند ضليت وحدييي راح اموت اني من بعدك لا تروح انت وعدتني تبقى وياي وتشوفني عروسه وتشوفني خريجه ليييش رحت اخخخخ لك بقيتني يتيمه بلا اهل لك بقيت وحدي ما ضل الي سندد انت ورحت منو بقالي اخخخ يا ربيييييي
-فهد: ملاك كافي عاد هالله هالله بروحج ما يصير هيج تسوين بنفسج هذا قدره
-كمت الى يمه وكلت بصوت عالي: لكك شنو هوا المايصير لك هذا سندي راااح وطكيت بايديه ما ضل الي سند رااااح لك راح ورجعت هم ابجي
-لزمت ايديها واخذتها بحضني: والله العظيم اني راح اضل يمج لاخر نفس والله بس ثقي بيه
-مو مثله والله مو مثله انت عندك اهل عندك عائله راح تلتهي بيهم لو بيه
-راح التهي بيج صدكيني ما راح اعوفج وضليت حاضنها
-حسيت بأمان بحضنه وكمت افرغ كل حزني وابجي براحتي لحد ما سمعت الاطباء يكولون راح نشيل محمد من هنا اذا تريدون ودعووه
رحت ركض ابوس راس عمي انت المفروض هسه تتزوج مو المفروض هذا مكانك لك ليش والله بعدك صغير واني احجي وابجي اجا عليه طبيب
-اختي الله يرحمه ويغفر له ويسكنه فسيح جناته بس ترا ميصير هيج هاي من اجيتي انتي تبجين رحمي نفسج
-اشكرك على النصيحه اخي حجيتهة واني ابجي وامسح بدموعي
-فهد: شفتها تحجي ويا هذا الطبيب وضجت كلش رحت عليها: ملاك نطلع
-ملاك: بس اني ما اريد اعوف عمي
-ترى انتي بلا حجاب كافي عاد صار هواي نرجع ووعد ارجعج
-انت روح جيب الي حجاب
-وتريدين اعوفج وحدج هنا
-فهد الله يخليك شبيك ما اريد اعوفه
-الطبيب: اختي اصلا خلص وقت زيارتج طلعي عاد ميصير ارتاحي و الصبح تعالو
-فهد: سمعتي يلا امشي
-ملاك: طلعت واني منهارة من البجي: فهد احنا وين رايحين
-على بيتج بلبدايه تاخذين ملابسج واغراضج وبعدين على بيتي
-شكو اني ومنو اني حتى اجي على بيتك لا رجعني لبيتي فدوة اروحلك
-لج شنو انتي منو ملاك لا تستخفين عاد كتلج خلي اخذج لبيتي
-اهلك وعائلتك شنو راح يكولون عني
-لج باباتي عوفي اهلي شعليج بيهم
-تمام اصلا اني حاسه بخوف ورعب والله
-ما طول اني يمج لتخافين اني راح اضل وياج لأخر نفس بيه اني وياج
-ببجي كلت اله: يعني متتركني ابد
-ابد ما اتركج وعد شتردين بعد
-مسحت دموعي وكلت: فهد يمكن لو اموت مو احسن
-شنو هل حجي انتي لازم تعيشين تشوفين حياتج وتكملين دراسه وتتزوجين كل هاي لازم انتي تسويها
-بس
-ملاك عيوني لاتنسين هاي وصيه عمج فهمتي
-يا ربي الندامه جاي تاكلني اكل ليش عفته جان طلعت على بابا وكتلني بدال ما يكتله
-حتى لو طلعتي جان كتلج انتي وهوا
-بلقليل ما احس بندم
-اووووه علينا ما راح تبطلين هذا الكلام
-تمام سكتت
-شفتها سكتت واندارت تبجي لزمت ايدهاوكلت الها : ملاك اسف صيحت بس ما يصير هيج تسوين بنفسج والله ميصير
-اصلا عادي ما زعلت وسحبت ايدي من ايده
-يلا وصلنا نزلي جيبي اغراضج
-اني اني
-شبيج انتي ملاك
-اني اخاف افوت وحدي للبيت
-اوك هسه انزل وياج
-تمام: نزلت من السياره ورحت للبيت رحت دفوت لغرفتي
-اني ما راح افوت وياج انتضرج هنا
-لا فدوة اروحلك والله اخاف
-اوك هسه اجي وياج: فتت وهيا جانت تطلع الجنطه مالتها وتحط بيها ملابسها اني رحت الى يم الشباك مال غرفتها وكلت: هاي غرفتج
-يي غرفتي
-اممم كلش مرتبتها
-طبعا ارتبها اني بنت مو مثلكم انتو مترتبون
-منو كلج احنا منرتب
-معروف عنكم هلشي بس تنبشون وطلعون
-هههه: جاي احجي وياها وجانت اكو بلشباك صورتين الها وحده وحدها والثانيه معاها رجال ما عرفت منو هوا اخذت الصورة الي بيها بس هيا والثانيه رحت الى يمها وكتلها: ملاك هذا منو
-هذا خالي اسمه حسن
-اممم ما شاء الله صغير
-يي واخذت الصورة من ايده وخليتها بلجنطه مالتي فهد خلي نروح لغرفة عمي اخذ منهم كم غرض
-تمام يلا
-فتت لغرفه عمي وشفت صورة هو جان حاطها بس قالبها شلتها باوعت صورته هو وخطيبته كعدت على التخت (الجرباية) وكمت ابجي
-شبيج تبجين ملاك
-شوف جان ديشوف صوره خطيبته المفروض هوا هسه يجهز على عرسه مات بسببي
-يا عيوني انتي هذا قدرة يعني حتى لو ما انتي جان هوا مات
-اني شايله هم هلبنيه رفل مسكينه شتسوي هسه
-هيه ما تزوجته تكدر تعيش حياتها وتتزوج عادي بعدين اصلا وصيه محمد تتزوج
-سمعته كال وصيه محمد تتزوج رحت الى يمه: انت منو كلك هلي وصيتهه وانت ميين تعرفهه فهدد
-على كيفج وياي ترى هوا بل اسعاف كال خلي رفل تتزوج وخلي ملاك تعيش حياتها وتتخرج ووتزوج واني فرحت كلش لان شفتها طلعت من البيت وكال اوصيكم بيها ورجع واحد كاله البنت يم الضابط فهد وهوا كال خلي فهد يدير باله عليها هيه وصيه وامانه عنده
-من سمعت الحجي كمت اضرب نفسي: لككك يعني لو رحت جان لكيته عاايش لككك صوجي اني صوجي غبيه اني غبيه وكمت ابجي غبيهههه والله
-بس سمعيني ملاك
-لكك لو رحت جان لكيته عاايش
-افهمج بس هوا ما جان يريد اصلا تروحين وتشوفيه بهذيج الحاله
-لككك اخخخخ يا ربي لييش ليش اني ما رحت ليييش
-تمام ميصير هيج خلي نروح للبيت ولا اكلج ما نلحك بس لبسي حجاب وخلي نطلع ندفن عمج وارجعج للبيت
-تمممام
-يلا امشي اخذتها وشفتها تبجي وما تسكت: ملوكه بس بس هسه راح اوديج عنده
-شلفايده بعد ما مات
-يلا ميخالف بعدين ترى هاي صار الصبح وانتي ما نايمه اريد بس نرجع كبل تنامين تعبتي كلش
-الله كريم
-وديتها ودفنه محمد الله يرحمه وقرينا الفاتحه على روحه الطاهرة وكلت يلا ملاك خلي نروح
-ما اروح اني اضل هين يم عمي ما اروح لكل مكان
-شنو ما ترحين ترى الجاي تسويه بروحج حرام وبعدين شعدج بلمكبرة ضاله يلا امشي لزمت ايدها دكومها
-سحبت ايدي كتلك ما اروح اني ما اروح افهم
-كعدت يمها يعني شلون راح نضل هنا
-انت روح شعليك بيه
-شنو شعليه بيج تمام راح انتضرج ضلينه كاعدين تقريبا ساعه كامله وهية بس تبجي وتحجي. ملاك خلي نروح
-اني اريد اشبع من عمي
-كلما تريدين تشوفيه اجيبج يمه
-اوعدني ماريد تجذب عليه
-وعد والله وعد
-مسحت دموعي وكلت تمام لعد خلي نروح
-مسكت ايدها وطلعنا للسيارة
وصلنا البيت
-يلا نزلي
-تمام نزلت شفت البيت فارغ بس اني وهوا كلت: فهدد وين اهلك لعد
-هذا البيت بيتي مو بيت اهلي
-يعني تريد نعيش اني وياك وحدنا
-يي
-لا والف لا ميصير
-شنو هوا الميصير ملاك
-شلون مرأه ورجال يعيشون بيت وحدهم وهما حتى لا اقارب لا اخوه انت شدحجي لا اني اروح لهذاك بيتي احسن
-لج عيوني انتي اني عادي اوديج يم اهلي بس اهلي بنفس المنطقه يعني ما راح نسوي شي احنا
-زين والحل
-الحل ضلي هنا شسوي مو بيدي
-الله كريم

الى هنا ينتهي البارت حبايب گلبي ان شاء الله انزل البارت الجاي هم مثل هذا البارت ما اخلي يكون اقل من 1000كلمه بس لا تنسون متابعه لحسابي وتعليقاتكم الحلوة وتصويتكم الي ومشكورين حبايبي🌹❤❤❤🌹