لاتستفزي رجولتي لكي لا أبعثر أنوثتك

حلقة _02

✨لا تـســتـفــزي رجـولـتـي كـي لا ابـعـثـر أنـوثـتـك✨
   ✨بقــلــم:نــدى عـــلامــي✨
✨تـــرجـــمـة: 𝐂𝐇𝐄𝐘𝐌𝐀 𝐋𝐒✨
💫هــدوء مــاقـــبــل الـــعــاصـــفــة💫
            💫الـــحـــلـــقــــة 2💫
طاهرة بقات تشوف فيه صح زين ويبان شخصية وعندو هيبة على وجهو ماعرفتش علاش جاها وحد الاحساس غريب وثمثم نفضت راسها : اييه  كيف هاذو يشوفو غير مع حنابهم نتي الهاي بقرايتك واديها في روحك
ليلى وهي تشوف فيه: ااااح قلبي يهبلني راه خطب وقريب يدير حفلة الخطوبة
طاهرة:خسارة مراحش يعرضوك
ليلى:دمك بارد مدي وحدة صفريطة زعرة من نفس الطبقة تاعو باباها لاباس عليه
طاهرة:ايوا قوليها لروحك هاذ الهدرة، علاش معمرة راسك بيه
ليلى:راهم كامل يهدرو عليه البنات هابلين عليه، عارفة وش معنى تتزوجي بناصر الزعيم كأنو دخلتي لاجنة برجليك د راه ملياردير ميمشيش على رجليه كل مرة طوموبيل من نوع، والخارج عندو حاحة عادية ينوض في بلاد يرقد.في اخرى وزيد عليها بوڨوووص يهببل
طاهرة:نوضي نفرزو الدار وفرغي راسك من هاذالشي
ليلى: راه ندهل نقرا على الزوج ميكفينيش الوقت طاهرة: نوضي بعدة لايمي غير الطابلة
ليلى: اوكي

#طاهرة_تحكي:
هاذي هي العيشة لي عايشة انا وختي الفقر صعيب فهاذ الزمان لازم تكون كابابل باش تقدر تعيش وسط الذياب والحمير حشاكم انا الحمد الله نخدم ونجيبها ذراعي رغم جاوني عروض باش نجيبها ساهلة نفسد ونولي عاهرة بصح مستحيل نديرها، هاذالشي  لي يدمرو بيه الواحد يبينولو انو الفساد هو الحل المناسب بصح انا منيش بهلولة لدرجة يلعبوها عليا ومستحيل نمشي في هاذيك الطريق حتا حتا ونعرف روحي نطلب في الطريق،
قريت فندقة وهزيت الديبلوم وضرك نسطاجي في وحد لوتال خمس نجوم مولاه لاباس عليه، كنت ديما نشوفو فالحرائد والمجلات وضرك كتبتلي نخدم فيه... عندي شهرين وانا نسطاجي ومحبوش يرسموني رغم عارفة روحي مليحة فهاذ الدومان بصح نصبر ناشي مشكل المهم يرسموني، حاليا خدامة في وحد اليوتيك نجيب منو مصروف للدار بصح من زهري راح يسكروه.... انا باهية وكلش كاين الفورمة والوجه وكل متطلبات الانوثة كاينين هاذالشي جايبلي مشاكل في الطريق وحتا فالخدمة، اسمي طاهرة ماما الله يهيدها سماتني على اسم جدة عمري 21 سنة، أنا من النوع لي طبعي صعيب وعنيدة لدرجة منخافش حتا ونشوف الموت بعيني...عايشة انا واختي وراجل ماما الله يرحمعا ماتت من 3 سنين وخلاتنا مع السوكارجي تاع راجلها، زطايلي وعينو زايغة من ديما يحب يتقرب مني بصح نحبسو عند حدو ونعطيه درسو،الخربة لي ساكنين فيها مكتوبة باسمو ولازم نصبرو علاما يرسموني ونروح نكري أنا ومصيبتي، ...
#باك_للقصة
ليلى وهي خارجة تتسلت مهيش حابتها تشوفها بصح معامن طاحت
طاهرة: ارواحي وين خارجة بهاذ الحالة
ليلي :وشبيا
طاهرة: تروحي تمسحي وجهك وتلبسي مليح ولا نجي نقتلك واقيل حاسبة روحك رايحة للكباري
ليلى: اوووف السخانة
طاهرة قربت ليها : السخانة البسي حاجة مبردة ماشي تعري فخاضك وناس الحومة يعسو غير في الغلطة باش يحلو فامهم ويهدرو
ليلى: #@# مدخلنيش فيهم
طاهرة جرتها من حوايجها: ايه يا لالة كس منكونش أنا وقتها  ديري لي حبيتي
ليلى تتأفأف :راه راح الحال
طاهرة:بدليييييي
ليلى حلت لبلاكار تشوف وش تلبس جبدت تيشيرت بولو كحل وسروال جينز مفتوح وكونفيرس كحلة لبستهم: ريحتي ضرك
طاهرة: البسي الطابلية وامسحي الروط من فمك  ليلى: اووووف اوكي، لبست الطابلية وجات خارجة حبستها طاهرة:عارفاتك تنحيها فالطريق
ليلى حلت الباب:  ملي عارفة علاش حارقتلي راسي  تفو على خرية وخرجت تجري
طاهرة: معليش البرهوشة راحت تجري للشباك وفي يديها صندالة بقات منها غير فردة وحدة كدور فالدار مرة مرة تحتاجها مع ليلى دلات راسها من الشباك شافتها خارجة شيرت عليها بالصندالة جاتها فالراس: اتحركي
ليلى تشوف فيها: فااااك يووووووو حمارة وراحت تجري قبل ما تلوح عليها  حاجة اخرى
💫يــــتـــبــع💫