لاتستفزي رجولتي لكي لا أبعثر أنوثتك

حلقة- 05

✨لا تـســتـفــزي رجـولـتـي كـي لا ابـعـثـر أنـوثـتـك✨
   ✨بقــلــم:نــدى عـــلامــي✨
✨تـــرجـــمـة: 𝐂𝐇𝐄𝐘𝐌𝐀 𝐋𝐒✨
💫هــدوء مــاقـــبــل الـــعــاصـــفــة💫
            💫الـــحـــلـــقــــة 5💫
طاهرة طايرة بالفرحة بقات ماشية وتفكر فالخلصة وش راح دير دير بيها سهات وهي تقسم فيها وتفكر
طاهرة تحكي:
ضرك هاذ ميات الف ريال لازم نعرف نصرفها اممم مصيبتي حابة تشري الحوايج وتدخل لنادي السباحة شحال هاذ النادي 300 درهم واقيل امم خلاص ندخلها اه الدار لازم نحوس على دار للكرا بصح ماشي ضرك حتا للخر تاع الشهر  نكون هزيت الدراهم، روحي يا سي امين ان شاء الله ديما تبقا الفوق
ماشية وتفكر حتى سمعت صوت سعاد
سعاد: ارواحي لهنا من الصباح وانا نعيط
طاهرة دارت شافت فيها: معايا امدام
سعاد: لا مع الحيط روحي اطلعي للكازينو وديري خدمتك طاهرة: اوكي قلبت الدورة وكملت ماشية
طاهرة: تفوو الغيارة تلقاها راح تموت من  الفقصة هههه  بقات تقلد  في صوت امين : مدام.سعاد  شهر هاذي شهرين ومزالها ما ترسمتش ههههههه مهبولة انا
كانت راح تضغط على الزر باش تركب فالمصعد سبقتها  شي يد دارت لقاتو هو بقات غير تدور في عنيها: سي أمين اطلع
امين شاف فيها ولات حمرة من التوتر: تبسمتلو وقلبت وجهها للجهة الاخرى وقالت بينها بين روحها: يكون سمغني وانا طالقة قرجومتي، عندك يندن ويتلفني من الخدمة.... شافت الباب تحل شافت فيه باش يدخل هو اللول
امين:تفضلي.... دخلت ودخل حتا هو
طاهرة وهي حاطة يديها على الازرار: وينا طابق اسيدي امين: الكازينو تكات على اخر طابق الكازينو جاي فاخر ايطاج كانت واقفة وتلعب بصباعها وهي تحس بيه يشوف فيها هزت عنيها لقاتو راح ياكلها بعينيه تبسمتلو ورجعت هبطت راسها هو داخ من التبسيمةوقال :شحال في عمرك هزت راسها فيه: 21 عام
امين:مزالك صغيرة
طاهرة بلا ماتحس: ونتا شحال في عمر...هاء اسمحلي ماقصدتش
امين تبسم: 28
طاهرة بقات تشوف فيه رغم لاباس عليه وكلاس مهوش متكبر  حتى تعابير وجهو يحسسوك بالراحة طبعا فالشوفة اللولة تحكم بالعكس لأنو يبان شوية متكبر هاذالشي كامل كان يدور في دماغها وفي نفس الوقت متبسمة
امين بدورو كان يشوف فيها جذباتو
تحل باب المصعد ونطق امين : تفضلي
خرجت وهو بقى يطلع ويهبط فيها فورمتها هبلاتو تبسم على تفكيرو وخرج دارت لعندو وتبسمت: اسمحلي نروح نضرب دورة...الكازينو كان كبير وفيه جميع العاب القمار ومايلعبو فيه غير ناس شكون وشكون لي عندهم الدراهم وعندهم مايخسرو يلعبو غير بالملاين
كانت تدور وتشوف السرباية إذا دايرين خدمتهم وإذا كل حاجة في بلاصتها وماناقصة والو الطوابل الكراسى المشروبات المهم كلش واي حاجة ناقصة تكتبها فالطابلات لي ديما معاها
طاهرة تهدر مع سيرفور: ركز على هذيك الطابلة فيها ناس مهيمين لازم يتهلاو فيهم لازم يوليو دي كليون دايمين هنا
السيرفور: اوكي
وقفت قدام البارمان وهي تشوف في امين لي كان واقف وفي يديه كاس ويسكي ويشوف فيها تبسمتلو وتبسملها  حتا هو... شوية شافت وحدة ناضت سلمت عليه بالوجه وداتو قعد معاها ماكانتش غير وحدها كانو معاها  بنات وشي رجال باينة لاباس عليهم من صحاب البزنس بقات متبعاتو شافتو ثقيل في التعامل معاهم رغظ كان يضحك ويتبسم بصح من الشوفة  تحس بيه شاد مهوش عاجبو الحال
طاهرة عندها قدرة تقرا شخصية بنادم غير من شوفة و تقدر تعرف طبعو
البارمان:ختي طاهرة
شافت فيه: نعم
البارمان: بقى صندوق واحد تاع ويسكي لازم يزيدو طاهرة تهدر فالكيت بلوتوث لي في وذنيها :مدام سعاد لازم نزيدو من مشروب الويسكي بقات كرطونة وحدة وشافت فالبارمان: خلاص هذا ماكان
البارمان: اه دارت تشوف في امين مالقاتوش بقات تحوس بعنيها و والو حتى حست بواحد قريب ليها دارت لقاتو هو رجعت خطوة اللور لأنو كان قريب ليها بزاف :كنتي تحوسي عليا
طاهرة هزت راسها لأنو طويل عليها: لا
تبسم وهو كيشرب من لكاس لي في يديه وغمزها: حسابلي
طاهرة بجرأة ماعرفتش منين جاتها: متقوليش كنت تعس فيا
امين وهو يمد في الكاس للبارمان باش يزيدو: اه انا نعتارف
طاهرة بلا ماتحس تبسمت ابتسامة عريضة وعضت على شفايفها هذي عادتها ديما تختم ابتسامتها بعضة على شفايفها
امين بقى يشوف فيها وفي شفايفها خاف يتهور معاها رجع اللور
طاهرة: اسمحلي نشوف وش ناقص لهيه شور بيدو لي فيها الكاس بمعنى تفضلي قعد فوق كرسي من الكراسى لي يكونو قدام لكونطوار تاع البارمان وبقى متبعها  كيفاش تتحرك وكيفاش تهدر مع الكليان و تخليهم غير يشوفو فيها يتبسمو  شاف كيفاش يشوفو فيها كامل بنظرة اعجاب بقى يفكر بانو هاذ البلاصة ماشي بلاصتها ماتستاهلش تخدم وتعذب روحها  لي كيفها يقعدو فالدار ولي حبتها تجي حتان لعندها كيف الاميرات... فوت  يديه على راسو ، مهوش فاهم وش صرالو مفاتوش ساعتين مين شافها ولا يفكر هكذا،... نفض هاذ الافكار من راسو وولا شاف فيها ملقاهاش بدا حتا هو يحوس عليها بعينيه حتا سمع  صوتها من موراه: هنا بلا ما تحوس
دار شاف فيها وهو يضحك: وكيفاش عرفتيني نحوس عليك ماشي على وحدة اخرى
طاهرة وهي ترجع في شعرها مور وذنيها :باينة من عينيك امين دور لكرسي لجيهتها : اذن نتي تقراي العينين طاهرة:ههه لا غير حدس كيفك نتا قبيلة
امين:اذن كنتي تحوسي عليا قبيلة
💫يــــتـــبــع💫