لاتستفزي رجولتي لكي لا أبعثر أنوثتك

حلقة-06

✨لا تـســتـفــزي رجـولـتـي كـي لا ابـعـثـر أنـوثـتـك✨
   ✨بقــلــم:نــدى عـــلامــي✨
✨تـــرجـــمـة: 𝐂𝐇𝐄𝐘𝐌𝐀 𝐋𝐒✨
💫هــدوء مــاقـــبــل الـــعــاصـــفــة💫
            💫الـــحـــلـــقــــة 6💫
امين: ههه صدقتك
طاهرة كانت راح تحاوبو، سمعتهم يقولو انو الكراطن تاع الويسكي وصلو : اسمحلي عيشك وخرجت لقاتهم واقفين: ارواحو من الباب اللوراني تبعوها وحطو الكراطن وراحو عيطت لوحدين يجيو يستفوهم في الفريجو قبل يبردو وخرجت للكوزينة وقفت قدام البارمان اونفاس مع الجهة لي فيها امين متولهلهاش شافت في يديه كان الكاس فارغ هزت قرعة: بس بس دار شاف فيها: نتي هنا
طاهرة وهي تدي في الكاس من يديه: شفت متقدرش تعسني
عمرتلو الكاس :الثلج
امين: لازم دارتلو الثلج ومداتولو وقت جا يشدو يديه جات على يديها حط صباعو على صباعها وبدا يحرك فيهم بشوية هي حست بيه ولحمها تبورش تبسم وقت حس  بيدها ترجف هز الكاس وشرب منو وهو يشوف فيها وهو متبسم تبسمتلو وخرجت من الكونطوار ومشات تضرب ثاني دورة ،
فاتو ساعات كانت 3 ونص تاع الصباح جا وقت يشدو الكازينو بدات تفرغ الدنيا شوية بشوية حتى ما بقى حتا واحد هي عيات رتاحت ملي مابقى حتا واحد البارمان: ختي طاهرة انا رايح تحبي نوصلك في طريقي
طاهرة: اه ايلا ممكن
البارمان: هيا
طاهرة: استنى نلبس
بارمان: تلقايني التحت نستنا فيك وراح  هي دارت تحوس على الطابليت وتليفونها نسات وين حطتهم شوية لمحتهم فوق وحد الطابلة راحت هزتهم ومع جات دور دخلت فيه :سي امين
امين يشوف فيها: خلاص رايحة؟!
طاهرة حبت ترجع اللور مقدرتش كانت موراها طابلة وهو قريب ليها بزاف :اه ىايحة حط يديه على الطابلة وكانت هي فالوسط بين يديه: مزال الحال
طاهرة بلعت ريقها وفي قلبها تقول : وشبيه هذا :سي امين راح الحال قريب 4 تاع الصباح
امين قرب وجهو لوجها: انا راح نوصلك بلا مايوصلك البارمان
طاهرة حست بانفاسو يضربو على وجهها ولات حابة غير تتفك منو هزت راسها بايه: خلاص اوكي، معليش تبعد شوية باش نهبط نلبس عليا
امين كل ما تزيد تهدر.كل ما تجذبو اكثر، قرب لشفايفها وهمس: اوكي تلقايني برا... وبعد وخلاها تفوت هي راحت تجري ركبت فالمصعد حتى تسكر الباب باش رتاحت بقى قلبها يضرب بقوة اول مرة طيح في هاذ الموقف ومعامن مع مول اكبر مجموعة فنادق مشهورة عالميا في كل دولة تقريبا عندو فندق مشهور،  ولاباس عليه ميات وحدة تتمناه حطت يديها على قلبها وهي تتفكر وقت كان قريب منها مزالت حاسة  بانفاسو لي ضربت على وجهها حست بالحرارة طالعة معاها وريقها نشف تحل الباب وخرجت هي  دخلت لغرفة الموظفين جبدت الكاب تاعها لبساتو محبتش تخليه يستنى ملازمش تغلط معاه خرجت من بعد ما فاتت سنيات حضورها ، شافت البارمان واقف بالسكوتر من نوع اروان كبير راحت ليه: شكرا اخويا لقيت لي يوصلني مرة اخرى
البارمان وهو يدير في الكاسك: ماشي مشكل ختي وقت ما حتاجيتيني هاني كاين وركب وكسيرا  ،راحت باش تركب مع امين فالطوموبيل حللها الشيفور الباب وركبت معاه اللور كان قاعد وفي يديه كاس ويسكي عرفاتو مبلي ومن النوع لي يشرب بزاف بصح ماشي لحد لادمان غير رشوق  امين شاف فيها :مرحبا بالآنسة طاهرة يخي طاهرة؟!
طاهرة تبسمت:اه
امين: الحمد الله مدي العنوان للشيفور
عطاتو العنوان دارو فالجي بي أس  باش يطلعلو :خلاص لقيتو
الشيفور: اه وكسيرا جهة العنوان هي عدلت قعدتها  وشافت فيه لقاتو  يشوف فيها وعينيه حومر علامة تدل انو بدات تدخلو السكرة بلا مايحس حط يديه على شعرها وبدا يلعب بخصلة من شعرها وفي نفس الوقت يشرب من الكاس وعينيه عليها هي مانكرتش عجبها وعجبها بزاف يعجبوها الشخصيات لي كيفو قوي وفي نفس الوقت هادي ورومانسي كيما يقولوها  الماريكانيين جنتل مان بقات تشوف فيه وتحس بيديه لي كانت تلعب في شعرها هبطت على وجهها بقى يفوت في صباعو غير بشوية حتى وصل لشفايفها حط صبعو عليهم وفوتو غير بشوية كأنو كان يقوللها تشهيتهم فهاذ اللحضة سمعو صوت الشيفور :سيدي وصلنا
امين مزال على نفس الحركة وعنيه عليها: اهبط استنى برا
هبط وخلاهم في زوج طاهرة بلعت ريقها حاسة بروحها مخدرة عرف يسيطر عليها
امين دخل يديه مور رقبتها وجرها لعندو وقرب لوذنيها: مليح ملي تلاقينا وباسها في وجهها هي هزت راسها وشافت فيه ترمش في عينيها وخدودها حومر حشمت، كان وجهها اونفاص مع وجهو وانفاسهم تخلطت هبط عنيه لشفايفها وقرب باش يبوسها رجعت اللور حتى لصقت في باب الطموبيل: سي امين طولت
رجع اللور وتبسم: نتشاوفو غدوة قرب وهز يدها وباسها: امسية سعيدة
جمعت يديها عندها ماهيش مصدقة الشي لي صاري  مدت يديها وحلات الطموبيل: تصبح على خير، شافت فس كوموبيلو يقدر يشري بيها الحومة كامل، شوية وحل الشباك تاعو: ادخلي للدار وش قاعدة تستناي
طاهرة  جات راح تحل الباب لقاتو مسكر من الداخل : ياحسراه الباب ديما محلول حتا لهاذ النهار وسكروه  شافت فيه وتبسمت ابتسامة غبية
امين هبط: كاين مشكل؟!
طاهرة:بلجو الباب وما عنديش مفاتح
امين:عيطيلهم فالتيليفون
💫يــــتـــبــع💫