لاتستفزي رجولتي لكي لا أبعثر أنوثتك

حلقة -04

✨لا تـســتـفــزي رجـولـتـي كـي لا ابـعـثـر أنـوثـتـك✨
   ✨بقــلــم:نــدى عـــلامــي✨
✨تـــرجـــمـة: 𝐂𝐇𝐄𝐘𝐌𝐀 𝐋𝐒✨
💫هــدوء مــاقـــبــل الـــعــاصـــفــة💫
            💫الـــحـــلـــقــــة 4💫
  طاهرة: والو شوف راح نخلي ساكي هنا، نجيب الدؤاهم ونرجع
مول طاكسي: اوكي معليش
دخلت الداخل تجري ديراكت لغرفة الموضفين حلت لباب لقاتهم مجمعين كامل باينة  حاجة مهمة
طاهرة:خالد ارواح عيشك
قرب لعندها: يخي لاباس
طاهرة حشمت فهاذ اللحظة، مهيش موالفة تطلب من عند اي واحد : احم نسيت دراهمي فالدار وجيت فالطاكسي  قبل ما تكمل قاطعها: هذا ماكان، علاش تلون وجهك وقاعدة تتلواي... جبد من جيبو دراهم مدهملها: هاكي اجري خلصيه وارجعي كاين اجتماع مع مول لوتيل ضرك يجي، وقاللهم الموظفين كامل يتجمعو
طاهرة : اوكي ، خرجت تجري عند مول الطاكسي دخلت راسها من الشباك
طاهرة: هاك اخويا شكرا
دا الدراهم: معليش الزين
طاهرة: روح كي نكون راجعة نعيطلك ... هزت صاكها ووقفت باش تسكرو، سمعت صوت طوموبيلات، غير طلعت راسها لقات زوج واقفين قدلمعا جدد يبرييو وزجاجهم فيمي د، رجعت اللور وقت هبطو الحراس يفتحو في البيبان اللورانيين، بقات تشوف حابة تعرف شكون راح يهبط شوية وشافتو هابط بكل اناقتو، نفسو لي تشوفو في الصحف غير هو فالحقيقة زين أكثر، نسات روحعا وبقات تشوف فيه وهو واقف يعدل في الكوستيم تاعو...هز راسو شافها واقفة بلا متتحرك قرب لعندها لأنو جاية في طريقو، هز يديه وبدا يلوح بيها قدام وجهها د، حست على روحها وقالت:  سامحني سهيت شوية 
- تبسم وهو يشوف فيها : ماشي مشكل اهرة بقات واقفة
-مممن نفوت؟!
شهقت طاهرة وقالت: اه اه فوت اسيدي
تبسملها ومشا مع الحراس متبعينو وهي بقات متبعاتو بعينيها وهي تسب في روحها: حتا انا بنت @#$ شوية وناكل الراجل، ويلي ماشي من عوايدي تفوووو عليا
  شافت مع جنابها ملقات حتا واحد ، دخلت لغرفة الموظفين ملقاتهمش :يحسراااه دخلو لغرفة لاجتماع وانا قاعدة هنا نرخف في روحي ، نحات الكاب شافت روحها فالمراية عدلت شعرها دارت شوية قلوس تلمع شفايفها مصت شفايفها وخرجت تجري لغرفة الاجتماعات
#في_غرفة_الاجتماعات كان قاعد فالمكتب لي اونفاس مع طابلة طويلة فيها كثر من 20 كرسي كانو قاعدين كامل شاف فيهم: احم كامل حاضرين
مديرة الفندق: مزالت وحدة
شاف فيها: شكون
المديرة: طاهرة علامي تنهد وطلع حاجبو كأنو يقول  واش نبقاو نستناو
المديرة: هاني رايحة نشوفها
كانت راح توقف، حتا دخلت عليهم وسكرت الباب، قلبها يخبط بقوة كان الهدوء وكامل يشوفو فيها ، حبست وطلعت راسها من بعد قوات روحها وقالت: احم اسمحولي على التاخير وراحت لبلاصتها كانت تمشي وصوت الطالون يتسمع مع الصدى لدرجة كامل بقاو يشوفو فيها وهي تمشي، عندها مشية سبيسيال كيف  عارضة ازياء فوق الخشبة فخاضها  عريانين مع اللبسة فصلتها، كانت فورمتها  تبان، كلش مفروز وباين لدرجة الاثارة والتشويق قعدت وشافت فيهم لقاتهم كامل يشوفو فيعا واولهم صاحب لوتيل  لي كان شاد ستيلو في يديه ويلعب بيه وعنيه عليها
مديرة الفندق: سي أمين مامل حاضرين ضرك
حس على روحو: احم مليح المهم جمعتكم على جال الحفل لي راح يندار بعد غدوة حبيتكم كامل تكونو حاضرين، وكلش يكون مريڨل... ناصر الزعيم كثر من صاحبي راح يحتفل بالخطوبة تاعو عندنا فالفندق وماشي غير هاذالشي رتح يجيو ناس مهمين ولاول مرة للاوتيل تاعنا باش يحضرو للحفلة حبيتكم ديرو كثرمن  جهدكم باش يكون الحفل فخم راح تكون الصحافة كاينة...وبسبة هاذ الحفل راح يزيد الفندق يتشهر خصوصا وانو  جديد ماكاملش عام من لي درنا الافتتاح حبيتو يكون فالمرتبة اللولة بين الفنادق كيما مجموعتنا الاخرى
كامل يشوفو فيه مركزين إلا طاهرة سهات تتفكر وين سمعت اسم ناصر الزعيم،  ضرها راسها بقات تفكر بالسيف أمين والموظفين دخلو في حوار على التجهيزات وكيفاش راح تكون
طاهرة طلعت راسها تشوف فيه وهو يهدر حطت يديها على خدودها وسهات فيه
طاهرة:ااااح قلبي يهبل يقتل غير الشوفة فيه تدوخ، كيما هاذو يديوهم المزعوقات لي ميشبهو لوالو، عوعلاش نديه أنا يعني عارفة ما عنديش زهر، وزايدة نافخة ؤوحي من الفوق فاللخر نبقا بايرة... بصح هذا بالضبط تمنيتو ليا، علاش انا وش بيا نهبل كارداشيان المغرب وين يلقا كيفي وكيف زيني لي يخلي الطايح اكثؤ من النايض، انا هبلت خلاص وش رلني نخلط، كامب مركزين مع السيد وانا نحلم تفوووه
ماجات  تنفض راسها من هاذ الافكار حتى شافتو يهدر  معاها شافت فيه وهي مهيش عارفة علاش كان يهدر  ولا حتا  وش قال بلعت ريقها وهي ترمش في عينيها بطريقة تدوخ ونطقت بصوت فيه ترجي: احم ممكن تعاود وش قلت عيشك
امين داخ من طريقة هدرتها نسى روحو وجاوبها بنفس طريقة هدرتها بصوت خافت ومايل للحنان: قلتلك واش نتي هي مديرة الاستقبالات والتجهيزات الجديدة
طاهرة راحت فيها ، صغرت عينيها ودارت ابتسامة خفيفة على وجهها وفوتت يديها على شعرها: اه بصح مزالني سطاج
الموظفين كامل كانو غير يشوفو فيهم كيف شي مسلسل قدلمهم سكتو وقطعو الحس بقاو متبعينهم غير هوما

💫يــــتـــبــع💫