لاتستفزي رجولتي لكي لا أبعثر أنوثتك

حلقة -03

✨لا تـســتـفــزي رجـولـتـي كـي لا ابـعـثـر أنـوثـتـك✨
   ✨بقــلــم:نــدى عـــلامــي✨
✨تـــرجـــمـة: 𝐂𝐇𝐄𝐘𝐌𝐀 𝐋𝐒✨
💫هــدوء مــاقـــبــل الـــعــاصـــفــة💫
            💫الـــحـــلـــقــــة 3💫
💕 رجعت دخلت وبديت نلايم في الخربة لس فيها بيت وصالون وكوزينة ودوش ،انا وهتي نرقدو فالبيت وهذاك البهلول يتلاح فالصالون إذا بات فالدار عاطيها غير للسكرة،
كملت شغالي وطيبت الغدا كان وحد الفخذ تاع دجاج درتو مع روز وقعدت نلعب فالتيليفون حتا داتني عيني ورقدت ما عرفتش شحال فات الوقت، حتا نضت على صوت مصيبتي تعيط من برا اوووف دارت التبهديل،  نضت شفت فالساعة كانت 6 ونص طليت عليها ك:وشبيك  ليلى: لوحي 10 دراهم ندير الكونكسيون
طاهرة :يعطيك دقة اطلعي ماعنديش
ليلى:لا عيب عليك باش نكوناكتي ونشوف حبيب قلبي ناصر الزعيم
طاهرة  تشوف إذا كاين واحد ولا لا  :ويلي شوهتينا هبلتي
ليلى: مدهلنيش هاتي 10دراهم
طاهرة: نعطيك 5 دراهم دبري راسك
ليلى:لا 5 دراهم تخلاص بالزربة وانا نحب نتفرج فاليوتيوب
طاهرة لاحت يديها فس جيبها جبدت 20 درهم لاحتهملها هاكي يعطيك مصيبة جيبي زوج
ليلى هزتها من الارض: ايه من اللول ديري هكذ، وراحت للحانوت جابت لاكارت ورجعت للدار لقات طاهرة تسخن في الغدا :هاني جيييت
طاهرة:تجيك في الراس اغسلي يديك باش ناكلو حطت الماكلة وقعدو ياكلو وليلى تاكل وعينيها فالتيليفون طاهرة: ياو حطي العفن من يديك  وشوفي واش راكي تاكلي
ليلى شافت فالطبسي: ناكل في الروز
طاهرة :راح نضربك نلسقك مع الحيط انا نهدر ونتي تتمسخري بيا
ليلى مهيش عاطيتها اهمية: شوفي هاذ ناصر الزعيم شحال باهي، هذا كون يجي يقولي هيا معايا نروح معاه باطل المهم نفوت ليلة حمرة معاه
طاهرة حالة فيها فمها ونحات بشماقها وهبطت على فخاضها بضربة: عاودي وش قلتي اهجالة، ليلة حمرة ارواحي نوريلك الليلة الحمرة كيفاش دايرة
ليلى شدتلها يديها: كنت غير نضحك خلاص منزيدش نعاود
طاهرة حطت البشماق لبساتو:نتي راكي حرايمية يعبم الله وش عندك فهذاك الراس....ماجات تكمل هدرتها حتى سمعت تيليفون يصوني :منين جاي هاذ الصوت ليلى وجهها تلون: هاا منعرف
طاهرة: هاذ السونري تاع الايفون وحنا معندناش الايفون ... اجبديه نشوفو ازربي
ليلى: معنديش
طاهرة وقفت وبدات تحوس فس جيايها  وليلى تحاول تبعد
طاهرة دخلت يديها في صدرها وجبداتو كان ايفون7
طاهرة :يا بنت لحرام منين جاك
ليلى: هاتيه هنا وش دخلك
طاهرة: اهدري ولا نكسرو على راسك، سرقتيه ولا منسن جبتيه
ليلى:ما دخلكش
طاهرة تشوف فيه يصوني بنيميرو مكتوب بابا
طاهرة: تسرقي في عباد ربي، قلتلك الخفة لي فيك راح تديك للحبس ولاير فيك فضيحة
ليلى قعدت: اووف نكون ماشية لباس عليا حتا نشوف حاحة ومنحسش بروحي نلقا روحي هزيتها حتا ومنحتاجهاش
طاهرة:لا لا نتي لازمني نديك لسبيطار المهابل ، راكي هبلتي
ليلى: روحي ليه نتي بعديني
طاهرة: اهدري من عند من جبتيه نرجعوه لماليه
  ليلى:حرام عليك عجبني ومولاتو تقدر تشري 10 منو لاباس عليها
طاهرة شدتها من شعرها: اهدري قبل ما نتقلق راكي عارفتني وش نقدر ندير
ليلى تعاند فيها : منقولش
طاهرة بدات تقرص فيها وليلى تعيط: هاني راح نقول خلاص وجعتيني بعدي عليا
طاهرة: اهدري
ليلى: في جردة دركس كانت قاعدة وحالة ساكها بانلي هزيتو ورحت هههههههه كون نخدم مع المافيا والله غير نفيدهم بزاف
طاهرة : اسكتي خليني نجاوب ونتفاهم معاك على المافيا من بعد
جاوبت على التيليفون: السلام عليكم ....وي سيدي راتي لقيتو في جردة دركس ....اه ماشي مشكل نتلاقاو قدامها ونعطيهلك ..بالسلامة وقطعت وقربت ليها: قلتي المافيا ليلى:لا لا لا غير نضحك
طاهرة: شي نهار نكسرلك هذاك الفم نوضي ازربي
لبست عليها وخرجت للجردة لقات الطفلة وباباها يستناو فيها  عطاتهم التليفون ورجعت
طاهرة تحكي:✨
هاذي هي ختي ليلى مصيبتي لي عطاني ربي أخف من الريشة طايرة وحابة توصل، نخاف عليها من الخفة لي فيها، تعجبني فيها حاجة وحدة أنها تقرا وديما تجيب تقاط ملاح الله يبارك، ذكية وان شاء الله دير حاجة مليحة فس حياتها متكونش كيفي، المهم هي شابة طويلة شوية عليا قالتلك حابة تولي عارضة أزياء، منتشابهوش انا قصيرة ومعمرة عليها عندي ترمة وصدر وكريشة صغيرة، شعري طويل شوية أكحل يلمع، وهي طويلة وضعيفة شعرها طويل وأكحل كيف شعرس وجهها طويل وعينيها كوحل صغار مرمشين وقت تضحك يتغمضو تولي تهبل، شفايفها صغار ومنفوخين ، عندعا شوية خدود خارجين ، أنا وجهي مدور عينيا كبار رماديين مرمشين وشفايفي كبار متورمسن د، خمرية يقولولي نشبع لهيفاء وهبي وكاين لي يقولو تشبهي للكارداشينز نقوللهم انا غير طاهرة برك ..
وصلت للدار دخلت لقيتها متكسلة:  خدامة باياك أنا واقيل لاسمي الطابلة واغسلي الماعن
ليلي: اوكي ...ناضتلايمت ورجعت قعدي في يديها تيليفونها
طاهرة:  القصص مرة أخرى
💫يــــتـــبــع💫