لاتستفزي رجولتي لكي لا أبعثر أنوثتك

حلقة -07

✨لا تـســتـفــزي رجـولـتـي كـي لا ابـعـثـر أنـوثـتـك✨
   ✨بقــلــم:نــدى عـــلامــي✨
✨تـــرجـــمـة: 𝐂𝐇𝐄𝐘𝐌𝐀 𝐋𝐒✨
💫هــدوء مــاقـــبــل الـــعــاصـــفــة💫
            💫الـــحـــلـــقــــة 7 💫
هزت تيليفونها تعيط لليلى مكانش رد
طاهرة: تكون دايراتو سيلونس
امين: ايه وش راح ديري
طاهرة: ضرك نعيط منا ممكن تسمعني
امين: ههه من نيتك في هاذ الليل والناس راقدين
طاهرة: والله يا نتا هاذ الحومة عندهم كي الصباح كي الليل
بقى يشوف فيها هي هزت راسها وبدات تعيط:ليلى...ليلللللى...واا ليلى
تكى على الطموبيل وكاتم ضحكتو
طاهرة شافت فيه: سي امين روح راه راح الحال
امين ربع يديه:لا حتا تحل الباب ولا هيا تباتي فلوتيل طاهرة:اخااه لالا ها هي ضرك تحل ليللللى ...ليلى.... بقات تعيط كثر من مرة
#عند_ليلى
كانت في سابع نومة خامرة بقات تتحرك حتى حلت عنيها على صوت ختها غوبشت وناضت كارهة دلات راسها من الشباك: يعطيك موصيبة ماتخليش الواحد يرقد الهرية وشبيك وش تحوسي
طاهرة تلونت حشمتها قدام امين شافت فيه وتبسمت: هذاوين ناضت مهيش عارفة وش تقول مزالت دايخة  ليلى:  وااا اليهودية وش حبيتي من عندي علاش منوضتني من النوم ضرك، هاهي راحتلي الحلمة كيفاش راح نرجعها انا
طاهرة تخنزرت فيها: لوحي المفتاح يعطيك دقة من بعد ونتفاهمو نوريك الحلم كيفاش داير
ليلى  شافت امين خرجت عينيها حسابلها غير تحلم: منين دبرتي هاذ البوڨوص
طاهرة تشوف فيه :غير  زيدي عرفتي ونشدك مايبعدوني عليك غير مالك المصيبة لوحي المفتاح
ليلى: استناي ... راحت تجري جابت المفتاح وهبطت حابة تشوفو، حلت الباب وخرجت لعندهم لابسة بيجامة شورت وديباور كلش باين وشعرها مطلوق مخبل وقالت: اهلا وسهلا عرفينا بالسيد
طاهرة: ادخلي قبل ما نصرفقك
امين بقى يضحك قرب لعند ليلى ومد يديه: معاك امين سلمت عليه وهي تبحلق فيه: وانا ليلى الانسة ليلى  عازبة امين:هههههه متشرفين
ليلى : وش تقرب لاختي صاحبها صديقها احم حدد باش نعرف
امين كان راح  يجاوب قاطعاتو
طاهرة: سي امين مول لوتيل لي خدامة فيه
ليلى شهقت: احلفيييي يا المسخوطة  والله ماكي ساهلة نتي خار
طاهرة: اويلي اسكتي راه غير موصلني وقربت قرصتها وهمستلها في وذنيها: حابة تخرجيلي على خدمتي نتي ليلى: ااااي علاش تقرصي وانا وين عرفتو مول لاوتيل سمحلنا اسيدي راك عارف الليل والنعاس
امين:ههه ماشي مشكل اطلعو
طاهرة:شكرا اسي امين عذبتك معايا
امين:لا ماكاين لا عذاب لا والو تصبحو على خير طاهرة:تصبح على خير
امين:غدوة ارواحي مع 3 راح يتقلب السيستام تولي تخدمي فالنهار
طاهرة: اوكي سي امين بالسلامة
ركب فالطموبيل وستناهم  دخلو باش ديمارا
ليلى : اهدري قولي وش صرا علاش جايبك حتا هنا مول الاوتيل متقوليليش برك السيد طاح على راسو  طاهرة قعدت فوق السرير: اااح قلبي
ليلى قعدت قدامها: لا لا هاذالشي خطير اهدري
طاهرة شافت فيها وبدات تحكيلها وهي متبسمة
ليلى دارت راسها دايخة: ااااه قلبي الصغير لا يتحمل طاهرة:ههههههه كون تشوفي انا
ليلى شافت فيها: اختي دبرتي على روحك السيد طاح وطاح على راسو
طاهرة "وراني انا لي طحت ماشي هو
ليلى بدات تحلم: عرفتي ويديك يعيشنا فالنعيم يهزنا من هاذ الخربة ويدينا للقصر تاعو اووووف اتصوري لجاكوزي ولابيسين والخدامات والشوبينغ كل نهار ياااااااااي طاهرة:هههههه وطيارة خاصة وطموبيلات وكل نهار لبسة في شكل وفرنسا والمريكان مانبقاوش نخرجو منهم
ليلى تحمست وحضنتها  وباستها: ختيييي طيحييييه عيشك راه باينة عينو فيك
طاهرة خنقتها: بعدي خنقتيني الخراااا خنقتيني
ليلى بعدت: كن تصرا صح نخرج قلوب العديان والجيران  طاهرة تفكرت التبهديلة لي دارتهالها  قدامو شدتها من شعرها: @#$ تسبيني قدامو  شوهتيني وبهدلتيني يعطيك مصيبة
ليلى تتوجع: اطلقي وجعتيني هذاوين كنتي تضحكي  طاهرة قرصتها لفخادها وهي تعيط: باش تتعلمي تحتارميني :نوضي تهزي قودي ترقدي
ليلى تحك في بلاصة القرصة: تحوسي نرجعو كيما بكري   طاهرة: اتهزي ترقدي ولا نوض نكمل عليك
ليلى ناضت:هاني رايحة
طاهرة وقفت حتا هي دخلو للبيت ليلى تلاحت فوق السرير كملت رقادها وطاهرة بدلت عليها ودخلت قدامها بدات تتفكر فالشي لي صرا قطع عليها تفكيرها صوت المحجوب داخل وهو سكران كان يغني
محجوب وهو يميل ويغني بصوت ثقيل: شكوون نتي وش..كون تكوني علاش تهدري قطع عليه صوت طاهرة: مصيبة ان شاء الله
محجوب يشوف فيها: الزين تاع العالم، نتي زلة ارواحي نبوسك قرب ليها وهي دفعاتو: ما ناقصنيش مهابل ليل ليل
محجوب يميل: مقبوولة ازين وبدا يغني اغنية ستاتي: زين ولطاي كلشي كاين
طاهرة غير متخنزرة وتشوف فيه تلاح فوق الكانابي وهو  يغني غمض عينيه ورقد
طاهرة وهي تطفي في الضو: ترقد ماتنوض دخلت للبيت تلاحت قدام ختها حضنتها وباستها ورقدت وهي شادة في يديها
صبح الصباح بنهار جديد نفس الحال كانت راقدة حتى ناضت على العياط تنهدت وناضت قاعدة تحاول تستوعب منين جاي العياط، سمعت صوت ختها ومحجوب ناضت تجري حلت الباب وخرجت لقاتهم متقاتلين
طاهرة وقفت قدام ختها: وشبيكم على الصباح وش صرا ليلى وهي متخنزرة في محجوب: هاذ الشماتة لقيتو هاز صاكك يحوس فيه باش يدي الدراهم
💫يــــتـــبــع💫