لاتستفزي رجولتي لكي لا أبعثر أنوثتك

حلقة 09

✨لا تـســتـفــزي رجـولـتـي كـي لا ابـعـثـر أنـوثـتـك✨
   ✨بقــلــم:نــدى عـــلامــي✨
✨تـــرجـــمـة: 𝐂𝐇𝐄𝐘𝐌𝐀 𝐋𝐒✨
💫هــدوء مــاقـــبــل الـــعــاصـــفــة💫
            💫الـــحـــلـــقــــة 9💫
طاهرة:نفكر
تلاحت حضنتها: راح نروح، اووف خلاص نموت عليك  بعدت عليها: وش نلبس لازم نكون باهية راحت تجري للبلاكار حلاتو وجبدت اللبسة لي عندها هزتها :شوفي هاذ الكساوي ميصلحوش
طاهرة: وانا وش دخلني دبري على روحك
ليلى: خلاص انا نشوف وحدي غير خليني نروح برك  طاهرة: روحي كملي لايمي الدار وطبقي القش لي فالخزاين
ليلى: حاضر
طاهرة:هههه شهر وانا نقولك عليهم، محبيتيش وضرك ولات حاضر
ليلى:راه ناصر الزعيم هذا راحت تطبق في القش، فاتو ساعتين وجا وقت كل وحدة تروح لشغلها، تغداو ولبسو عليهم وهرجو في زوج
طاهرة: هيا روحي اليوم راح نجي بكري ونجيب في يدي العشا، نتي تخرجي على الستة يخي
ليلى:اه
طاهرة: وقت تخرجي فوتي عند مول  الحانوت اشري حاجة كوليها ما بين ما جيت  وبالعقل برك متشريش كلش منيش بنكة
ليلى وهي تبوس فيها: اوكي حبي
طاهرة تعدللها في شعرها: ديري عقلك
ليلى: اوكي هيا بالسلامة
طاهرة: بالسلامة بقات متبعة ختها وهي ماشية شوية وجبدت التيليفون عيطت للبارمان: خويا توفيق لاباس..الحمد الله..معليش تجي مورايا ...شكرا تلقاني قدام الجردة دركس .. وقطعت بقات تستنا فيه شوية وجا  ركبت موراه وكسيرا  للاوتيل... ربع ساعة وكانو فالباب  طاهرة هابطة وتهبط فالجيب لي طلع فوق فخادها:والله ماسخيت تعرف تسوق المسخوط تطير
توفيق تبسملها: وقت ما حبيتي نخرجو نضربو دورة طاهرة :ههه ان شاء الله علاش لا
توفيق: هيا انا نروح
طاهرة: روح اخويا شكرا
كانت راح تدهل شافتهم يفتحولو في الباب، حبست تستنا فيه يخرج، حبت تشوفو شوية... هبط بكامل اناقتو كي العادة ...تبسمت وقت شاف فيها وتبسم، كملت طريقها ودخلت سجلت حضورها  وراحت لغرفة الموظفين مالقات حتا واحد لأنو بداو  لخدمة الصباح، نحات الكاب  وشافت فالمراية باش تعدل روحها حتى تشوفو واقف قدام الباب متكي على الحيط ويشوف فيها دارت لعندو
امين:راكي باهية بلا المراية
طاهرة تبسمت: عارفة روحي
امين قرب ليها وهو مدخل يده في جيابه وحط يدو الثانية على شعرها وبدا يعدل فيه: خاص غير شعرك يتعدل وقت كنتي راكبة فالسكوتر خسرولك الري، شاقت فيه : شفتني
امين:كنتو قدامي كان عاجبك الحال هبط صباعو على رقبتها بالشوية و هي لحمها تبورش: وصلني برك
امين هبط يدو ودورها مور خصرها وقربها ليه: مالقيتيه غير هو يوصلك
طاهرة وعينيها في عينيه بلعت ريقها :انا غير... قاطعها وقت حط صبعو على شفايفها: ششش
غمضت عنيها وقت زاد قربها ليه وبدا يفوت في صبعو غير بالشوية هاذ الحركة طلغتلها السخانة  خصوصا وانو يدو الثانية تلعب في ظهرها حست بالحرارة، بعد شعرها رجعو للجهة الاخرى وطبع بوسة على رقبتها وبعد وشاف فيها حلت عنيها وشافت فيه حاب يقرب يبوسها من شفايفها بعدت: احم لازم نبدا الخدمة طولت
تبسم وهو يفوت في يديه على شعرو: ديما مزروبة
بقات تعدل في شعرها حتا هي : اسمحلي اسي امين نفوت
بعدلها فاتت ودار يشوف فيها من اللور وهبط عينيه شاف فلاريار تاعها ضحك على روحو على الافكار لي جاوه خرج طلع للمكتب وهي هزت الطابليت وطلعت دور  على البيوت لي مكلفة بيهم تشوف وش ناقص ووش زايد عندها اليوم لخدمة بزاف مكلفة ب125 شومبر و المطعم بدات خدمتها من بيت لبيت وهي مهيش عارفة انو  امين متبعها من الكاميرات فاتو ساعات عيات قعدت ترتاح حتى تجي عندها سعاد
سعاد:شوفي نتي راه سي امين كلفك باش نتي لي تهتمي بالحفل غدوة وبالتجهيزات منحبش حتا غلطة
طاهرة فرحت :لا ماتخافيش
سعاد تخنزت فيها: ونقصي من التحلوين ريحتك راهي مالية الاوتيل 
طاهرة شافت فيها: ونتي تعسي فيا ولا واش
سعاد: تردي عليا الهدرة
طاهرة خلاص ضرك  ترسمت وولات موظفة هنا وخصوصا وانها تحت حماية امين مول لوتيل: شوفي اسعاد سعاد:اييييه مابقيتش مدام سعاد خلاص طلع شانك طاهرة: خلاص الايام لي كنتي تحڨريني فيهم ونسكتلك ضرك ابداي توزني في هدرتك معايا واحتارميني لاحبيتي نحتارمك ونقولك مادم سعاد ومشات وخلاتها تغلي وحدها
#طاهرة_تحكي:
هذاوين ارتحت، الشارفة ضرك تعاودها لامين بصح ما عندو نا يديرلي، باينة عجبتو وحتا انا مننكرش انو عجبني اححح قلبي ومعامن طااح✨
دخلت للريسطو دات وش تاكل طبعا راح  يقطعوها من الخلصة تاعها هزت كلش وقعدت تاكل، شوية تفكرت اختها مسكينة باينة تمون كلات روز حافي ، وهي قاعدة تاكل فالشوارما، شافت فالساعة لقاتها الستة ونص، طلعت راسها لقات صحبتها غيتة :ارواحي نتي جابك ربي غيتة: وشبيك
طاهرة:نطلب منك وحد الطلب
غيتة: وي حبيبة لا قدرت عليه علاش لا
طاهرة:احم محتاجة 100 درهم اللخر تاع الشهر ونرجعها  غيتة جبدتها من صدرها ومدتهالها: هاكي اختي حتا نتي وقت نحتاج ديما تعطيني واخيرا تنازلتي وطلبتي من عندي هههه
💫يــــتـــبــع💫