انا جيهان بدأت حكايتي وانا عندي ١٦ سنه
بنت عايشه مراهقه زي اي بنت
طلباتي مستجابه اي حاجه بعوزها تاني يوم بتكون عندي عائلتي مبسوطه اوي عندنا شركه قاعدين في فيله ظروفنا كويسه جدا مكانه اجتماعيه
بابا مدير شركه وامي دكتوره
عندي اخ اكبر مني في رابعه كليه هندسه
بيحبني بطريقه
مدلعه من البيت كلو
بس طبعاً كان في حدود
يعني مثلا ... حجابي يتلبس الرفاهيه ملهاش دعوه بالدين وكلام مع ولاد ممنوع أصاحب أو ارتبط يعني ممنوع منعاً باتاً في عائلتنا
وانا معاهم في الموضوع دا انا مش شيخه بس عارفه أن دا حرام وان الحلال اكيد احلي رغم صغر سني إلا اني مكنتش بعمل حاجات غلط
يعني مكلمتش ولد في حياتي ولا هزرت مع اي ولد ....إلخ
( جيهان محمد احمد .... عايشه في القاهره ... في مدرسه إنترناشونال ... شعري بني وايفي طبيعي عيني بني بيضه متوسطه الطول .. داخله تانيه ثانوي )
قرايبي ماليش علاقه بيهم اوي من ساعه ما نقلت من الجيزه وروحت القاهره والتواصل معاهم قل وتليفوني ضاع وارقامهم اتمسحت وصراحه مكنوش قريبين فعشان كدا مهتمتش كتير
*صحبه عمري واقربهم ليا ريم قدي في السن اكبر مني بكام يوم مع بعض من واحنا في الفه كانت قاعده في الفيله اللي جمبي مامتها اللي هيا طنطي صحبت ماما وباباها صاحب بابا هيا وحيده ابوها وامها العائلتين كانو متعاونين في كل حاجه مع بعض *
مش قادره اوصفلكم لما عرفتها أننا هنمشي اي اللي حصل ... عياط وحزن محدش كان مصدق أننا هنتفرق لاء وهنروح بلد تانيه عدي الاسبوع وكان اوحش اسبوع وفي نفس الوقت اسعد اسبوع
بمعني كنا بنعيط أننا هنسيب بعض ولاكن في نفس الوقت كنا اربعه وعشرين ساعه مع بعض نخرج نتفسح نبات مع بعض
خلص الاسبوع ومشينا بعد عياط وحزن .....
روحت القاهره
اتعرفت علي بنت كانت بردو قاعده في الفيله اللي جمبي اكبر مني بسنه
بقت من اعز الناس اللي في حياتي
وكنت دايما بتواصل مع ريم
وبقو بيسان وريم كل حياتي حرفيا جزء من يومي
طبعا فوني اصلا كان في الوقت دا ضايع بس انا الحمدلله كنت حافظه رقم ريم
(هيبدأ الرعب )
كان يومي ماشي زي اي يوم عادي جيت من المدرسه كنت لسه في بدايه أولي ثانوي
كنت حرفيا مرهقه بطريقه حجز دروس ومدرسه وشرح وعشر مواد ميكس كفيل انو يهد حيلي
المهم جيت من المدرسه
روحت البيت
فطرت واخدت من بابا فلوس ونزلت كانت بيسان مستنياني تحت عشان نروح الدرس
طبعا هتسألو ازاي وهيا أكبر مني بسنه ... بيسو اكبر مني في العمر بس في المدرسه مع بعض لأنها متاخره سنه
نزلت وروحنا الدرس
كنت مكونه صداقات كتير اكمني اجتماعيه وبحب اتعرف علي الناس
دخلنا كان اول يوم شرح بعد الدرس
دخلت وطلعت بعد ساعه ونص
المستر ممل والحصه ممله بطريقه
خلصنا وقررت اني مش هاخد عند مستر العربي دا تاني وهجرب اي مستر تاني
ومن حظي كان في مستر معادو في الوقت دا
قررت انا وبيسان ندخل عندو بما أنها معجبهاش بردو المستر
دخلنا درس العربي وكان الشرح تحفه الوقت بيعدي بسرعه المستر مرح ويتاخد عليه بسرعه
فرحت اووي وقررت انا وبيسو نكمل معاه
بعدها دخلنا درس الرياضه
وكان شرح المستر فوق الممتاز فعلا متخصص في مجالو
عدي اليوم والحمدلله خلصنا كل حاجه ورانا
وكل واحده روحت علي بيتها
دخلت البيت وبدون مقدمات طلعت علي اوضتي
وقلعت ولبست لبس النوم
بعدين روحت قدام المرايا
انا عندي عاده من وانا صغيره لازم لما اكون فرحانه أو تعبانه أو حزينه اوقف قدام المرايا واتكلم مع نفسي
ووقفت كالعاده قدام المرايا وقعدت اتكلم أن اد اي اليوم كان متعب
خلصت كلام مع نفسي وسرحت شعري وفتحت التليفون اقعد عليه شويه بما أني صحصحت لما اتكلمت مع نفسي شويه (مش مع نفسي اوي يعني وهتعرفو السبب بعدين)
كلمت صحابي وجيت عشان انام
ولاكن حصل اللي مكنش المفروض يحصل
يا تري اي اللي حصل ؟
فوت وكومنتات يا قمرات ومتابعه للاكونت ❤️
اشوفكم في بارت جديد بإذن الله ❤️
مروه حمدي ❤️
أنت تقرأ
تلبسني جن عاشق (كافر)
Horrorبنت مسلمه يتلبسها جن كافر ( اي لا يوجد له ديانه يعبد الأصنام البقر وديانات اخري ) يعشقها ويريدها أن تترك الاسلام فهل ستفعل ام لا ؟؟ هل سمعتم عن الدائره المغلقه وهل يمكن أن يعلق أحد بداخلها ؟! هل يمكن أن يدور أحدهم في حلقه مغلقه لا يعرف متي تنتهي...
