بدأت جيهان تتابع مع دكتوره تغذيه
وهيا كلها أمل أن كل الوجع اللي كانت بتحس بيه اثناء الصلاه بسبب نقص الفيتامينات وأنها لما تتابع علي النظام دا هترجع تصلي تاني
كانت فرحانه
وفعلا بدأت عند دكتوره التغذيه
عدي شهر كامل وهيا متابعه معاها ووزنها ذاد
والدكتوره وقفت معاها الروتين
وقالت لها أن كدا وزنها بقا كويس جدا والفيتامينات والمعادن اتظبطت في جسمها
كانت فرحانه جدا
وشكرت الدكتوره
ورجعت بيتها
كان اذان المغرب شغال
دخلت أتوضت وهيا فرحانه أنها اخيرا هترجع تصلي تاني
كان عمر في مشوار ومتعرفش هيرجع امتي
كانت عايزه تفرحه أنها خلاص هترجع تصلي تاني
اتصلت عليه
جيهان : بفرحه عمر
عمر : نعم
جيهان : انا اتوضيت وهرجع اصلي تاني
عمر : بجد بس ازاي
جيهان : لما تيجي هحكيلك
عمر : انا في الطريق اهو نص ساعه واوصل
جيهان : بفرحه ماشي
وقفلت معاه وهيا فرحانه
لبست الاسدال استعدادآ للصلاه
كانت بتدعي ربنا وفرحانه
الله واكبر
بسم الله الرحمن الرحيم....... ومقدرتش تكمل
من الوجع
نفس الاعراض
جسمها كله بدأ يوجعها
وقعت علي الارض والدم بدأ يخرج من بوقها
فضلت تعيط من الحزن قبل الوجع اللي بتحس بيه
كانت فرحانه أنها اخيرا هترجع تصلي تاني
وتتقرب من ربنا تاني
لما دعت لاول مره من فتره كانت فرحانه أنها دعت
كانت الاول بتحس أن بوقها مربوط وأنها مش عارفه تدعي
بس المره دي دعت وكانت هتصلي
ليه كدا
اي اللي حصل
ليه بيحصل معاها كدا
ليه مش عارفه تقرب من ربنا
مكنتش بتفكر في الوجع اللي بيموتها قد ما بتفكر في الصلاه اللي مش عارفه تصليها والحزن مالي قلبها
فضلت علي الارض مكانها تعيط
وقفت نزيف
بس كان جسمها كله بيوجعها
سمعت خبط علي الباب عرفت أن عمر جي
لما مفتحتش
فتح هو بالمفتاح
دخل لقاها واقعه علي الارض
بتعيط وفي دم علي الارض
طلع يجري عليها
عمر : مالك يا جيهان
اي اللي حصل
شالها جري وطلع يجري بيها علي المستشفي
اول ما لمسها يالهوي علي الوجع اللي حست بيه
اضعاف الوجع اللي حست بيه لما كانت عايزه تصلي
أغمي عليها واخيرا عشان تتنجد من الوجع اللي كانت بتحس بيه
وصل بيها المستشفي
دخلت اوضه الطوارئ
وبعد وقت خرج الدكتور
كانت مستشفي غير اللي رحوها والدكتور غير اللي كشف عليها المراه اللي فاتت
الدكتور : اطمن هيا بخير
عمر : والدم يا دكتور سببه اي
الدكتور : حاله نفسيه دا التشخيص الوحيد انا لما فحصتها مطلعش عندها حاجه
بس لازم تتابع مع دكتور عظام
لان واضح عندها مشكله في العظام
وفي دكتور فاتح عياده خاصه
شاطر جدا اسمه ...." انصحك تاخدها عنده بكره
هيا فايقه دلوقتي وتقدر تاخدها وتروح بعد ما المحلول يخلص
وسابه ومشي
دخلها لقاها صاحيه وبتعيط
عمر : عشان خاطري متعيطيش
واحكيلي اي اللي حصل
مش كنتي هتصلي وفرحانه
جيهان : بعياط
مقدرتش يا عمر
اول ما بدأت وقعت علي الارض وجسمي كله وجعني وبدأت أنزف
انا تعبت
تعبت اوي كان نفسي اصلي نفسي ارجع اصلي زي زمان قيام الليل
والسنن اللي بين الفرض
نفسي ارجع اصلي واقرأ قرأن
اي اللي حصلي
وبعياط مش مستحمله
عمر : دا بلاء من ربنا يا جيهان
ولازم تصبري عليه وربنا بيجعل من كل ضيق مخرجا إنشاءالله هتتحل
وربنا هيشفيكي وهترجعي تصلي
ونصلي قيام الليل مع بعض ودا وعد
جيهان : يارب
عمر : يلا نروح بقا المحلول خلص اهو
جيهان : ماشي يلا
جي يسندها
جيهان : معلش انا همشي لوحدي
عمر : اللي يريحك
فعلا مشي جنبها لحد ما وصلوا للعربيه
ركبوا
وروحوا بيتهم
دخلت اوضتها شافت الدم اللي علي المصليه والأرض
عمر : ارتاحي انتي وانا همسحه
جيهان : بس
عمر : من غير بس ارتاحي وانا همسحه
سمعت كلامه وطلعت علي السرير
ونامت من كتر التعب
وهو نضف الاوضه ومسح المكان ودخل اوضته
يفكر في جيهان واللي فيها
كانت صعبانه عليه
ياعيني فعلا تعبت اوي
مش بتلحق كانت فرحانه ونفسها تصلي
اي اللي حصل
مش لاقي سبب منطقي دا حتي الأطباء نفسهم مش لاقيين سبب
دعي ربنا أنه يشفيها
وقام صلي
واتصل علي الدكتور يحجز معاه معاد
وبالفعل حجز وبكره ياخدها ويروحوا
تاني يوم ...
يتبع
مروه حمدي
أنت تقرأ
تلبسني جن عاشق (كافر)
Horrorبنت مسلمه يتلبسها جن كافر ( اي لا يوجد له ديانه يعبد الأصنام البقر وديانات اخري ) يعشقها ويريدها أن تترك الاسلام فهل ستفعل ام لا ؟؟ هل سمعتم عن الدائره المغلقه وهل يمكن أن يعلق أحد بداخلها ؟! هل يمكن أن يدور أحدهم في حلقه مغلقه لا يعرف متي تنتهي...
