جيهان : اكملك بس وانتي واحده واحده هتعرفي الحاجات اللي بتحصل
كنا مكملين حياتنا عادي
وفي يوم قررنا نسافر بلد تاني
وبالفعل سافرنا وكانت سفريه جميله وغيرت من نفسيتي كتير
بس لما رجعت بدأت كل حاجه وحشه تحصل أو بمعني اصح كل الحاجات الغريبه تظهر
انا بحب جدا الصلاه اللبس الواسع قرائه القرآن التقرب من ربنا الصدقه وحاجات تاني كتير
بس لما رجعت من السفر
بدأت واحده واحده اكسل تجاه الصلاه
مبقتش احب اصلي ولا اقرأ قرأن
بس كنت دايما بجاهد نفسي اني اكمل
بس مجاهده النفس كانت شيئ صعب ومقدرتش اكمل وقطعت الصلاه وهجرت القرأن
بس احساس الندم واللوم كان مش بيفارقني
انا صدقيني مسبتش الصلاه والقرأن بأيدي
كل ما اجي اصلي او امسك قرأن بتعب اوي
لحد ما بدأت حاجات غريبه تحصلي
زي اني بحس أن في حد معايا
حد بيتكلم في ودني بس بهمس وكلام مش مفهوم حد بيتنفس جمبي حد معايا في أوضتي
حد بيلمس علي شعري وعلي جسمي
الموضوع أتطور
ومبقتش مرتاحه وحاسه اني متراقبه
بحثت عن الأعراض دي وطلعلي أنه اضطراب ما بعد الصدمه
بسبب اللي مريت بيه مع اختي
واني بقيت بتوهمها معايا وجمبي
الدكتوره : انا فعلا شخصت حالتك كدا
دا اضطراب ما بعد الصدمه فعلا وفي مرحله متأخره
بس احنا هنقدر نعالجه بإذن الله طالما عندك العزيمه انك تخفي وتتعالجي
فبأذن الله هنعمل كدا
جيهان : يارب
الدكتوره : احكيلي يا جيهان عن نفسك اكتر حاجات بتحبي تعمليها حاجات مش بتحبيها وكدا
بدأت فعلا تحكيلها عن شخصيتها
الدكتوره : حبيتي
جيهان : ايوه هيا مره
الدكتوره : مين
جيهان : جوزي
الدكتوره : الله بجد ربنا يخليكم لبعض حبتيه قبل الجواز ولا بعد
جيهان : بعد
قبل الجواز مكنتش اعرفه
الدكتوره : اتجوزتوا ازاي
جيهان : في مره أغمي عليا في الجامعه وهو شافني ووداني المستشفي وبعد كدا اتقدملي اهلي حبوه جدا من الموقف اللي عمله معايا فاتجوزنا
والحمدلله أن اهلي عرضوا قرار رفضي ووافقوا ساعتها لانه بجد حد كويس جدا وشخصيته جميله
بيحبني وبيحترم عيلتي وبار بأهله
الدكتوره : ربنا يخليكم لبعض
جيهان : يارب
الدكتوره : الجالسه الجايه بعد يومين
جيهان : تمام ماشي
سمعت تليفونها بيرن عرفت أنه عمر
جيهان : الو
عمر : خلصتي
جيهان : ايوه خلصت
عمر : طب كويس
انا داخل علي العياده اهو اخرجي بره اعدي اخدك
جيهان : تمام ماشي
واستأذنت من الدكتوره وخرجت
فضلت واقفه شويه
وبعد دقايق كان وصل
ركبت معاه وروحوا
عمر : كانت القاعده عامله ازاي
جيهان : انهارده كانت جميله اوي
انا ارتحت فعلا للدكتوره
عمر : طب الحمدلله
عمر : قدرت تشخص حالتك
جيهان : ايوه قالت نفس اللي انا قولته اضطراب ما بعد الصدمه
بس شديد
بس اللي محيرني أنه مأثرش عليا طول السنين دي إلا من سنتين ودلوقتي
مش نعمه من بعد ما جيت من السفر
عمر: يمكن كنتي كابته في نفسك فتره كبيره
عشان كدا
جيهان : يمكن
وصلوا بيتهم ونزلوا
جيهان : انا هدخل اخد شاور
عمر : تمام ماشي
دخلت اوضتها ودخلت فعلا اخدت شاور لبست ترنج بيتي لونه احمر كان جميل عليها
سرحت شعرها ولمته كحكه وحطت زبده كاكاو وخرجت
عمر : اي الجمال دا
جيهان : بكسوف ربنا يخليك
عمر : جيهان
جيهان : نعم
عمر : تعالي اقعدي جمبي عايز اقولك علي حاجه
راحت قعدت جمبه
جيهان : نعم
عمر : انا عايز أتمم جوازنا يا جيهان احنا داخلين علي تسع شهور مراتي فيهم وحلالي وملمستكيش
انا بحبك ومتمسك بيكي وعايزك تكوني مراتي فعلياً مش كلام بس انتي دلوقتي الحمدلله كويسه وصحتك تمام وبتتعالجي نفسيا يعني شايف أن مافيش حاجه توقفنا ولا انتي اي رأيك
جيهان : عندك حق
وبكسوف انا موافقه
كان نفسه ياخدها في حضنه
بس قاطعته انا هدخل البس ...
قاطع كلامها
مش ضروري تلبسي اللي عليكي دا حلو
جيهان : بضحك
اللي انتا عايزه
عمر : انا مصدقت وبغمزه الايام قدامنا كتير
"ياتري الايام دي هتيجي ؟"
دخلت الاوضه
وهو دخل وراها وهو فرحان أنها اخيرا هتكون ملكه ومراته حقيقه مش علي الورق بس
قعدت علي السرير وهو جمبها
عمر : مش عايزك تخافي خالص
انا مش هضغط عليكي في اي حاجه
جيهان : وانا واثقه من كدا
اخدها في حضنه وهيا كذالك
حست بجسمها بدأ يوجعها بس حاولت تتحمل
فصل الحضن شاف علي وشها معالم التعب
عمر :بخضه مالك يا جيهان
جيهان : مافيش يمكن من التوتر بس
عمر : احنا ممكن نأجل اليوم
جيهان : مش همنعك من حقك عليا اكتر من كدا كتر خيرك انك صبرت دا كلو
باسها من خدها مسكت في البطانيه وهيا بتتحامل عليها من كم الوجع اللي بتحس بيه
باس راسها ولسه هيبوسها
بوقها كله جاب دم وقعدت تعيط وتصوت
وهيا مش قادره تستحمل الوجع
اتكلم وقالها
بتسليمه نفسك ليه انتي ملكي انا مش لحد غيري
ازاي تسلميه نفسك بالسهوله دي
انا قولت هتصديه
بس انتي كان نفسك فيه
كانت بتبص بصدمه ووقف صريخها
والوجه وكل حاجه مين اللي بيتكلم
حست بالوجع تاني بس أضعاف مضاعفه من اللي حست بيه الاول
اتكلم دا حاجه بسيطه من اللي هتحسي بيه لو لمسك تاني
أغمي عليها مقدرتش تستحمل
كان عمر عمال يحاول يهديها
اتصل جري علي الدكتوره النفسيه بتاعتها والدكتور اللي كانوا متابعين معاه
دخل الاوضه لقاها مغمي عليها
حاول يفوقها بس معرفش
فضل مستني الدكاتره
وصل الدكتور
ودخل جري علي اوضتها
ركبلها محاليل
ووصلت وراه الدكتوره النفسيه
الدكتور : اي اللي حصل
عمر : والله ملحق يحصل حاجه
كنت زي اي زوجين بحضنها
حصل اللي حصل دا
الدكتور : من مجرد حضن
عمر : انا مش عارف ليه حصل كدا بس اللي متأكد منه أنها فيها حاجه
لأنها كانت فرحانه ومبسوطه
الدكتوره :.......
يتبع
مروه حمدي
أنت تقرأ
تلبسني جن عاشق (كافر)
Horrorبنت مسلمه يتلبسها جن كافر ( اي لا يوجد له ديانه يعبد الأصنام البقر وديانات اخري ) يعشقها ويريدها أن تترك الاسلام فهل ستفعل ام لا ؟؟ هل سمعتم عن الدائره المغلقه وهل يمكن أن يعلق أحد بداخلها ؟! هل يمكن أن يدور أحدهم في حلقه مغلقه لا يعرف متي تنتهي...
