مكنتش اعرف هو اي دا مافيش اي تفسيرات في دماغي ومستحيل اسأل ماما أو اي حد
عدي شهر وكان شهر في إجهاد نفسي غريب
الشخص دا كل يوم يجي يتكلم معايا بقا بيتكلم طبيعي زي الناس العديه
بقيت واحده بعيده عن ربنا كل البعد ... بقت اي عباده بتقربني لربنا مبعملهاش
واللي بتبعدني عن ربنا بعملها
مكنتش لاقيه سبب لبعدي عن ربنا غير أن ربنا مش عايزني
ناقص شهر علي معاد جوازي انا وعمر
خايفه ومرعوبه من تهديدات الشخص دا
في مره كان عمر بيكلمني وكان بيقولي اني اخيرا هبقا مراتو وملكه
وياريتو ما اتكلم
التليفون فصل
والدنيا اتقلبت حرفيا الانوار بقت تفتح وتقفل الاوضه كلها كانت بتكسر حرفيا
اتكلم بصوت مرعب انتي ليا بس ولسه بيكسر في الأوضه
قعد يعيد..... الكلام انتي ليا ..... مش هتكوني ليه ....مش ههنيه .....هيموت صدقيني ....انتي ملكي انا .
انهرت حرفيا اي اللي بيحصل الاوضه بقت خرابه
خلاص مبقتش قادره اتحمل قومت من علي السرير
عشان اطلع من الاوضه
حاجه مسكاني مش عارفه تحرك ايدي ولا رجلي ولا قادره امشي حتي للحظه فكرت اني اتشليت من الصدمه ومن اللي بيحصل دموعي نزلت
كل دا حرفيا حصل في دقايق
كان الجو بليل هادي ومتأخر
سمعت صوت خطواتهم جريهم علي السلالم
لقيت نفسي اترميت علي الارض
لقيت ايدي بتجيب دم ورجلي اتعورت ازاي وحصل امتا معرفش
الباب اتفتح دخلت ماما ووراها بابا واخويا
وهما بينهجوا
وملامح الخضه والخوف واضحه علي وشهم
شافو منظر الاوضه الازاز متكسر ازاي البرفيوم متكسره علي الارض
المرايه متكسره لميت قطعه علي الارض الدم بينزل مني بغزاره
أغمي عليا واخيرا اد اي كنت بتمني أن يغمي عليا
صحيت في المستشفي
فتحت عيني كانت ماما نايمه علي الكرسي جمبي واخويا نايم علي الشاذلونج اللي في الاوضه وبابا مش موجود
اول حاجه عيني جت عليها الشاش اللي علي ايدي واضح أن الجروح عميقه الشاش مختلف اكتر من طبقه وعلي دراعاتي الاتنين
اول ما افتكرت اللي حصل بليل قعدت اعيط اتمنيت اني اموت في اللحظه دي ولا ان الموقف دا يتكرر تاني
الموت اهون من أن اللي حصل امبارح يحصل تاني
صحيت ماما وشافت دموعي نازله زي ما كأنها حست بيا
اخدتني في حضنها وهيا بتعيط وبتدعيلي
حتي الدعاء مش قادره ادعيه
مش قادره ادعي أن ربنا يخفف عليا ويبعد الاذي دا عني
انا أيقنت امبارح أن دا اكيد مش حاجه كويسه وانها هتأدي بموتي لأما جسديا لأما نفسياً
انا عارفه اني مش هقدر استحمل
مالك يا بنتي اي اللي حصلك
فوقت من سرحاني علي صوت ماما وهيا ماسكه ايدي وبتقولي الجمله دي
عيطت اكتر واكتر
صدقيني معرفش في ايه انا نفسي معرفش
كان نفسي اتكلم وقولها كدا بس حتي الكلام مكنش راضي يطلع
اتكلمت بصعوبه وانا بعيط
خليهم يدوني حقنه منونه يا ماما
منوم اي يا بنتي حرام عليكي قوليلي اي اللي بيحصل ولا اي اللي حصل
طب انتي واقعه في مشكله طيب
قولي ومتخافيش هنوقف معاكي بس متعمليش فينا كدا
عيطت وانا شهقاتي بدأت تطلع وتعليي وماما تهدي فيا
صحي اخويا علي صوت عياطي مخضوض وجري عليا وحضني
ويا ريتو ما حضني
بدأت اتشنج واجيب دم وجسمي يتنفض واعيط واصرخ الوجع اللي كان في جسمي المره دي مكنش يحتمل
اقوي من أي مره اقوي من أي وجع الأعراض كانت شديده عليا اوي المرادي
طلع اخويا من الاوضه جري ينادي علي الدكاتره ووراه ماما
شوفت بابا بيجري علي الاوضه
وعيني قفلت علي كدا معرفش اي اللي حصل بعدين
عند عمر
الو ازيك يا عمي
كويس الحمدلله انتا عامل اي
بخير الحمدلله كنت بتصل علي جيهان تليفونها مغلق من امبارح
معلش والله يا عمر جيهان في المستشفي دلوقتي عشان كدا معرفتش ترد يبني
ازاي يا عمي اي اللي حصل وازاي محدش يقولي
متتخضش يابني هيا الحمدلله بقت كويسه دلوقتي
تعالي انتا بس مستشفي الشافعي وانا هحكيلك كل حاجه
قفلت جري ولبست عشان اروح المستشفي
رايح فين يابني جري كدا
رايح المستشفي يا ماما لما اجي ابقا اقولك
فوت وكومنتات يا قمرات ومتابعه للاكونت ❤️
استنوني في بارت جديد بإذن الله ❤️
مروه حمدي ❤️
أنت تقرأ
تلبسني جن عاشق (كافر)
Terrorبنت مسلمه يتلبسها جن كافر ( اي لا يوجد له ديانه يعبد الأصنام البقر وديانات اخري ) يعشقها ويريدها أن تترك الاسلام فهل ستفعل ام لا ؟؟ هل سمعتم عن الدائره المغلقه وهل يمكن أن يعلق أحد بداخلها ؟! هل يمكن أن يدور أحدهم في حلقه مغلقه لا يعرف متي تنتهي...
