محمد : مالك يابنتي
جيهان : كويسه يا بابا
محمد : بعصبيه كويسه ازاي يعني فهميني
جيهان : بعياط كويسه يا بابا
مريم : متزعقلهاش يا محمد انتا مش شايف حالتها
محمد : انتوا ناويين تجننوني ازاي كويسه امال كل اللي بيحصلها دا اي انا عايز افهم
فرحها بعد كام يوم
المفروض تكون عروسه فرحانه بتجهز لاسعد يوم في حياتها صحابها حوليها
وتعمل حنتها
انا مشوفتش في حياتي واحده رافضه أنها تعمل حنه
اكتر من مره تنزف ولو حد لمسها تتجن
تكسر الاوضه ومتقدرش تتنفس وتتعب ويغمي عليها
دا كله معناه اي
جيهان : بعياط
مش بأيدي والله يا بابا دا كله مش بأيده
انا مش هعرف اتكلم
محمد : بعصبيه وهو بيرمي التليفون اللي في أيده انكسر ميه حته
يعني اي مش هتعرفي تتكلمي
في حدد مهددك يابنتي
فيكي اي
وجعتني قلوبنا عليكي مش مستحملين اللي بيحصلك
انتي بنتنا الوحيده
مش مستحملين نشوف فيكي حاجه
جيهان : بعياط لو قولتلك يا بابا هموت
محمد : يعني اي
جيهان : هيموتني
محمد : بخوف هو مين
جيهان : ....
لسه هتكلم وتقول كل حاجه
بدأ يخنقها تاني
مكنتش قادره تاخد نفسها
دموعها بتنزل
هيا دي النهايه خلاص هتموت
أهلها فضلوا يحاولوا معاها عشان تتنفس
سابها وهو بيقولها أو بمعني اصح بيهددها
لو حكيتي لحد هموتهم لاما هموتك
لو حكيتيلهم هيبعدوني عنك
وانا هأذي اي حد يفكر يبعدك عني وبعد كدا هأذيكي انتي عشان انتي السبب
محمد : انا هوديكي عند شيخ يابنتي يمكن اللي فيكي دا حسد
اوعي تخليه ينطق الكلام دا تاني هقتله
جيهان : اوعا يابابا تعمل كدا انا زي الفل اهو ومافيش فيه حاجه
جيهان : ماما
مريم : نعم
جيهان : نامي معايا
بالفعل نامت معاها
وعدت الايام وجي وقت الفرح
ياتري هيعدي بسلام ولا هينتهي بكارثة.
كانوا المعازيم كلهم متجمعين في القاعه مستنيين دخول العريس والعروسه
معداش وقت كتير ودخلوا واليوم عدي
من غير اي حاجه
من غير ما يظهر كانت مستغربه بس فرحانه
روحوا بيتهم
واتقفل عليهم بابا
عمر : جعانه
جيهان : بضحك علي توتره هيا اصلا متوتره اكتر منه
ردت
ايوه هموت من الجوع
عمر : هطلعلك الشيف اللي جوايا عقبال ما تاخدي شاور وتتوضي ناكل ونصلي
جيهان : حاضر
بالفعل دخلت اخدت شاور وهو حضر الاكل
أكلوا وهو دخل اخد شاور واتوضي وطلع كانت هيا أتوضت تاني عشان أكلت
ولبست إسدال
بس اول م حطت رجليها علي سجاده الصلاه جسمها كله وجعها ومقدرتش تستحمل وبعدت
كان هو بيكبر
سمع صوت عياطها
بصلها لقاها قاعده علي الارض بتعيط
عمر : بخضه مالك يا جيهان
جيهان : مش قادره اصلي
عمر : يعني اي
جيهان : بعياط انا بقالي كتير مش بصلي
بس مش بمزاجي والله اول ما بحط رجلي علي سجاده الصلاه جسمي كله بيوجعني
وبحس بروحي بتتسحب مني
عمر : مش عارف اقولك اي
انا مش فاهم اي دخل ده بده
بصي روحي نامي وانا هروح انام في الاوضه التانيه
هو فسر أن اللي حصل دا تمثيلية منها عشان مش عايزاه يقرب منها
تفكيره مش منطقي خالص
قعدت تعيط مكانها
يارب انا تعبت
فضلت تعيط لحد ما نامت
عدي اسبوع واتنين وشهر واتنين
ودا كله عمر ملمسش جيهان
كل مره كانت تتحجج حجه شكل
بس مكنش بمزاجها
كان بيهددها أنه لو لمسها هيموته
كانت كل حاجه بتعدي لحد ما جي اليوم وسألها السؤال اللي كانت خايفه منه وبتتمني ميجيش اليوم اللي يسألهولها فيه
عمر .....
يتبع
مروه حمدي
أنت تقرأ
تلبسني جن عاشق (كافر)
Horrorبنت مسلمه يتلبسها جن كافر ( اي لا يوجد له ديانه يعبد الأصنام البقر وديانات اخري ) يعشقها ويريدها أن تترك الاسلام فهل ستفعل ام لا ؟؟ هل سمعتم عن الدائره المغلقه وهل يمكن أن يعلق أحد بداخلها ؟! هل يمكن أن يدور أحدهم في حلقه مغلقه لا يعرف متي تنتهي...
