بقالي ست شهور بصلي من ساعه ما بدأت اصلي والاذكار اربعه وعشرين ساعه في بوقي لبسي واسع وبلبس اخمره اتغيرت ميه وتمانين درجه
مجاليش خالص في الست شهور دول ولا همس ولا لمس ولا اي حاجه
بس كانت في حاجه مدايقاني اوي مش حاجه واحد عمتا دي حاجات
يعني مثلا دايما مرهقه تعبانه عندي خمول وكسل مش طبيعي بدأت الجامعه دخلت المجال اللي بحبو مافيش فرحه مافيش شغف مافيش اي حاجه
ودايما عندي صداع وهلوسه وكوابيس يالهوي كوابيس بشعه وقله النوم يالهوي جاتلي فتره كان عندي فيها ارق مش طبيعي مع أن حياتي كويسه جدا ومافيش اي ضغوطات تسبب قله النوم دي
(اعراض تواجد الجن العاشق للانثي )
في يوم
كنت راجعه من الجامعه تعبانه
دخلت اوضتي غيرت وخلاص هنام
نمت علي السرير حسيت بأنفاس شخص في رقبتي
حاسه ان في حد بيلعب بشعري ايد بتلمس فخادي من فوق البنطلون
هنا اتفزعت وخوفت قومت جري اطلع بره الأوضه
حاسه بحد بيشدني
في حد بيرجعني لورا
مش عارفه أخرج من الاوضه مش عارفه اصوت ولا اعيط ولا اعمل اي حاجه
حاسه اني متكتفه علي السرير في ثقل فوقيا بس مش شيفاه في انفاس في رقبتي في حد بيلمس شعري انا حاسه بدا كلو بس مش شيفاه
بقت المواقف دي تتقرر يوميا
مره يداعب شعري
مره احس انفاسه علي رقبتي
مره يتلمس ايدي ورجلي
كانت المواقف بتتكرر يوميا
بعدت عن الصله عن القرأن عن الاذكار
عن كل حاجه ليها صله بربنا مش بتصدق مبقتش قادره اعمل اي حاجه اتقرب بيها من ربنا
مرت سنه علي نفس الوضع
كان دائما معايا بيهمس في ودني بكلام مش مسموع ولا مفهوم
دايما بحسو موجود معايا مش واخده راحتي في بيتي أو حتي اوضتي
مجرد التفكير انو موجود معايا في الاوضه بتفزعني مش قادره اتعود
نزلت من اوضتي عشان أفطر واروح الجامعه وانا حرفيا مش طايقه نفسي ولا عيشتي ولا اي حاجه وصلت لمرحله بقيت بكره فيها نفسي والدنيا والشخص اللي دمرلي حياتي من ساعه ما ظهر فيها
مبقتش بتواصل مع اي حد من صحابي مبقتش اقعد علي التليفون ولا بقعد مع اهلي اربعه وعشرين ساعه في اوضتي
اللي كان ناجدني المذاكره اربعه وعشرين ساعه بذاكر وبفكر في اللي بيحصلي
الوضع خرج عن السيطره خلاص مبقتش قادره اتحمل اكتر من كدا
فكره وجود شخص معايا في الأوضه بسشوفني وانا بلبس وانا بغير وانا قاعده مراقبني في كل تحركاتي مبقتش مطمناني مبقتش مريحاني بقت مسببالي ضغط كبير بطريقه مش طبيعيه
خلصت فطار وكالعادة تجاهلت كلامهم اني متغيره ومش علي طبيعتي
واخدت الفلوس ومفتاح العربيه وخرجت
وصلت الجامعه ركنت العربيه واخدت الشنطه
مشيت كان ناقص ربع ساعه علي المحاضره
روحت البوفيه اللي في الجامعه جبت دونتس قعدت علي الكرسي وبدأت اكل
لقيت حد جي قعد قدامي
برفع عيني لقيت ولد في قمه الوسامه
بصيت شويه واتكلمت
مين حضرتك
انا عمر
ايوه يعني جاي تقعد معايا لي
حابب اتعرف
اسفه مش بتعرف علي ولاد ممكن تقوم عشان مش عايزه حد يتكلم عليا
اسف لو ضايقتك بس صدقيني انا بحبك ومش بحبك بس لاء انا بعشقك من اول يوم جيتي في الجامعه وانا عارف انك محترمه وانا مش جاي عشان ارتبط بيكي بالعكس أنا جاي اعرفك أن انا بحبك وعايز يحصل بينا حاجه في المستقبل
وشي اتقلب الوان حرفيا ومسكت بطني حاسه بحد بيضرب فيها سكاكين
السكاكين حرفيا موجوده في كل جسمي بس بطني الالم لا يحتمل فيها
رجعت علي الارض قدام الجامعه كلها حرفيا
وبعدها اتحول الترجيع لدم
دم صافي بينزل من بوقي ومحستش غير ب احمد
بيشلني
والوجع بيزيد اكتر وهو شايلني
كل منطقه ملامسه جسمي بتتقطع
طب والسبب اي
مش لاقيه سبب منطقي
وصلنا المستشفي ودخلت الأوضه كشفو عليا والدكتور قال انو مجرد إرهاق
ومجرد تعب وهيروح
صدقت كلامه
وطبعا اهلي كلهم جم المستشفي جري واطمنو وشكرو احمد وانا طبعا شكرتو وقلبي وجسمي كلو بيتقطع من الوجع
مسافه ما خرج من الاوضه كل التعب راح
كنت هتجن بمعني الكلمه
لي لما طلع كل التعب راح
ولي لما لمسني جسمي كلو وجعني
وهل الوضع هيكون كدا مع كل الناس
لمست ماما محصلش حاجه
ولمست بابا محصلش حاجه
ولمست اخويا بردو محصلش حاجه
كلهم واقفين يبصولي بإستغراب
لو عليا كنت لمست الدكتور بس حرام
قطعت صدمتهم
انا عايزه اروح .....
فوت وكومنتات يا قمرات ومتابعه للاكونت ❤️
استنوني في بارت جديد بإذن الله ❤️
مروه حمدي ❤️
أنت تقرأ
تلبسني جن عاشق (كافر)
Horrorبنت مسلمه يتلبسها جن كافر ( اي لا يوجد له ديانه يعبد الأصنام البقر وديانات اخري ) يعشقها ويريدها أن تترك الاسلام فهل ستفعل ام لا ؟؟ هل سمعتم عن الدائره المغلقه وهل يمكن أن يعلق أحد بداخلها ؟! هل يمكن أن يدور أحدهم في حلقه مغلقه لا يعرف متي تنتهي...
