جيهان : بصدمه خمس شهور
عمر : ايوه خمس شهور يا جيهان
جيهان : كان نفسها تتكلم تقولهم أن خمس شهور عدوا عليها زي ما كأنهم خمس سنين
لحظه موت اختها قدامها
مفرقتهاش لاحظه طول الخمس شهور
اطمنوا أهلها عليها
دخل الدكتور اول ما جاله خبر أنها صحيت
الدكتور : حمدالله علي السلامه
جيهان : الله يسلمك
كشف عليها الدكتور
واطمن أنها كويسه
الدكتور : كدا بقا هترتاح اسبوع في بيتها
وتجيلي نبدأ اشعه وتحاليل
عشان نعرف اي سبب اللي بيحصلها دا
كلهم وافقوا الرأي ومشيوا واخيرا من المستشفي
روحت بيتها هيا وعمر
واهلها روحوا بس كانوا دايما بيطمنوا عليها
عدي الاسبوع علي خير
وفعلا بدأت تعمل اشعه وتحاليل
كان الدكتور شاكك أن عندها سرطان في الدم
فطلب منها تحليل
وطلب منها اشعه عشان يعرف اي سبب الكسور الداخليه اللي كانت في جسمها
الدكتور
انا شاكك يا مدام جيهان أن عندك سرطان في الدم عشان كدا طلبت منك التحاليل دي
والنتيجه هتظهر بعد تلت ايام
سمعت كلامه من هنا وحست الدنيا كلها بتلف بيها
سرطان في الدم
ليه يا رب كدا
دموعها بدأت تنزل
الدكتور : استهدي بالله يا مدام جيهان
ودا مجرد تخمين بس مش اكتر لسه النتيجه هتطلع وساعتها إنشاءالله خير
خرجت من عنده وهيا حاسه الدنيا كلها بتلف بيها
سرطان في الدم يعني اخري كام شهر
طلعت من المستشفى
روحت علي بيتها
دخلت اوضتها ونامت
فعلا كانت محتاجه بس تنام ومتفكرش في اي حاجه
عدي التلت ايام
وراحت عشان تعرف النتيجه
معرفتش ولا عمر ولا أهلها
دخلت المستشفى وهيا متوتره وخايفه
جيهان : سلام عليكم ورحمه الله وبركاته
الدكتور : وعليكم السلام ورحمه الله وبركاته
جيهان : حضرتك عامل اي
الدكتور : كويس الحمدلله
جيهان : ممكن اعرف النتيجه
الدكتور : الحمدلله طلع معندكيش حاجه
وطلعت انا اللي غلطان
جيهان : الحمدلله
الدكتور : كدا ناقص الاشعه
تيجي بكره مع جوزك عشان تعمليها والنتيجه هتطلع بعد اسبوع
جيهان : تمام شكرا يا دكتور
الدكتور : العفو علي اي
خرجت من عنده وروحت بيتها وهيا مبسوطه انها طلعت كويسه ومعندهاش حاجه
حكت لعمر كل اللي حصل معاها
ادايق لانه سألها كتير في التلت ايام مالها
بس هيا مكنتش بترضي تتكلم
جيهان : مكنتش عايزه اخوفك عليا
واهو الحمدلله طلعت كويسه
بكره بقا نروح عشان الاشعه
عمر : نروح وماله
بليل
كانت خلاص بتنام
حست بأنفاس حد في رقبتها
اتخضت وفي نفس الوقت خافت
جي تاني
حست بيه بيحسس علي ايديها
اتكلمت بخوف
جيت تاني لي
انتي كنتي مفكراني هسيبك
انا هفضل معاكي طول العمر
حسيت اني اذيتك كتير اخر فتره فعشان كدا بعدت بس انا كنت دايما معاكي ودايما هفضل جمبك ومحدش هيقدر يفرقنا
ولا يبعدك عني
انا نصك التاني اللي هيكمل معاكي لحد ما تموتي
انتا مين
اتكلمت جيهان بخوف
انتا مين وليه مش بشوفك
عشان انتي عمرك ما هتشوفيني
انا نصك التاني
اتكلمت بعياط
يعني اي نصي التاني
انتا بتأذيني انا بخاف منك
مش بشوفك ومش عارفه انتا مين
مش عارفه اعيش مع جوزي كأي زوجين طبيعين
اتكلم بتهديد
انتي اصلا مستحيل تعيشي معاه حياه طبيعيه طول مانا موجود لانك مش هتكوني لحد غيري
مش هتكوني ليه ابدا
انتا عايز مني اي
عايزك انتي
يعني اي عايزك انتي يعني اي
وفضلت تعيط
هيا فعليا خايفه
مش عارفه دا مرض ولا توهم ولا جنان
بس كل اللي تعرفه أن في حد بيرد عليها وبيكلمها دلوقتي
فضلت قاعده مكانها
وإحساس أنها شخص مش متزن عقليا مش مفارقها
حست انها بتظلم عمر معاها
وأنه مش ذنبه يستحمل مرضها
قامت خبطت علي اوضته
فتحلها وهو واضح أنه كان صاحي
جيهان : عايزه اتكلم معاك يا عمر
عمر : ادخلي يا جيهان دخلت اوضته وقعدت علي السرير
عمر : مالك احكيلي
جيهان : بعياط
انا حاسه اني شخص مش متزن عقلياً يا عمر
مش هتصدقني لو قولتلك اني كنت بتكلم مع حد من شويه
انا تعبانه مجرد التفكير اني بقالي تمن شهور معاك
فعليا مشوفتش فيهم انتا يوم حلو
إحساس اني ظلماك معايا دا بيقهرني
انتا ملكش ذنب بكل اللي بيحصل معايا
احنا ممكن ننفصل ونتا تشوف حياتك وتشوف نفسك مع حد يستهلك
انتا حد كويس والغلط من عندي مش من عند ....
قاطعها
انا قولتلك اني هفضل معاكي
ومش هسيبك
انا حبيتك فعلا
وانتي حد كويس
وهتتعالجي وهتبقي كويسه
وانا يستي مش مستعجل هفضل معاكي ووري علاجك سنه واتنين وتلاته لحد ما تتعالجي وتبقي كويسه
جيهان : بجد
عمر : طبعا بجد
يلا روحي نامي بقا عشان الجو اتأخر
طلعت من اوضته وراحت نامت وهيا مرتاحه
فعليا كلامه ريحها
يتبع
مروه حمدي
أنت تقرأ
تلبسني جن عاشق (كافر)
Terrorبنت مسلمه يتلبسها جن كافر ( اي لا يوجد له ديانه يعبد الأصنام البقر وديانات اخري ) يعشقها ويريدها أن تترك الاسلام فهل ستفعل ام لا ؟؟ هل سمعتم عن الدائره المغلقه وهل يمكن أن يعلق أحد بداخلها ؟! هل يمكن أن يدور أحدهم في حلقه مغلقه لا يعرف متي تنتهي...
