الدكتور : ممكن اعرف اي اللي حصلها وصلها للحاله دي
عمر : يعني اي الحاله دي مش فاهم يا دكتور ممكن توضح
الدكتور : دي اولا حد معتدي عليها بالضرب بس مافيش اثار ازاي معرفش
ثانيا ممكن تكون دي حاله نادره وهيا تقوص العظام وهيا أن الهضم نفسه حصل فيه خلل ادي للألم دا
وممكن بردو يكون تحليلي غلط
هيا لسه مخضعتش لاشعه
دا غير أن كان عندها نزيف داخلي
وسببه بردو مجهول
كل اللي اقدر اقولهلكم أن حاله بنتكم غريبه ومعدتش عليا طوال مسيرتي المهنيه
وان تشخيصها ومعرفه اللي بيحصلها دا محتاج وقت ومجهود
المهم محتاج اعرف اي اللي حصلها
حاكتله امها كل اللي حصل
الدكتور : تمام وسابها وخرج
ومن هنا بقت حالتها معقده اكتر ومحدش عارف يحل لغز تعبها
عملت تحاليل واشعه كتير
راحت عند دكتور عظام ودكتور تغذيه وغيرهم كتير
لاكن دايما كان يظهر أنها سليمه
شهرين كاملين بتتنقل فيهم من دكتور لدكتور
ولاكن من غير نتيجه مرحتش عند الدكتوره النفسيه خالص الفتره اللي فاتت اصلا مكنش عندها وقت
كان التعب يوم بعد يوم بيشتد عليها ومافيش سبب منطقي لتعبها
واخيرا راحت عند الدكتوره
بعد ما فقدت الامل
تاني جلسه
دخلت سلمت عليها وقعدت
الدكتوره : شهرين يا جيهان شهرين كاملين عليكي فيهم تمن جلسات مجتيش فيهم جلسه واحده
جيهان : بإرهاق واضح في صوتها
اسفه جدا بس تعبت الفتره اللي فاتت اوي
الدكتوره : واضح عليكي
جيهان : نكمل من عند موقفنا المره اللي فاتت
الدكتوره : اه ياريت
جيهان : كان عمي دايما يهدد بابا لحد ما جي اليوم اللي تهديده اتحول لواقع
كنا نايمين
سمعت صوت باب أوضتي بيتفتح كان نومي خفيف من وانا صغيره بصحي علي اقل صوت بيحصل جمبي
حسبتها ماما قولت جايه تطمن علينا
غمضت عيني عشان متقولش صاحيه ليه
الباب اتفتح واكتر من رجل دخلت منه ساعتها خوفت
لاقيت اختي بتصوت
فتحت عيني
لاقيت اكتر من تلت رجاله في الاوضه وواحد منهم ماسك شعر اختي
صوت وانا شيفاهم وخدينها علي بره وجريت وراهم
صحيوا بابا وماما واخويا
واطلعوا يجروا
شافوا واحد بيجر اختي من شعرها للدور الاول
طلعنا كلنا نجري علي تحت
لاقينا عمي قاعد علي الركنه
وفيه رجاله كتير
وواحد ماسك اختي من شعرها وفيه في أيده سكينه
كلنا كنا مرعبين
اتكلم عمي
وقال لبابا يمضي علي ورق تنازل عن الشركه ليه
بس بابا رفض لأن دا تعبه
هو اللي تعب سنين عشان يبني لنفسه اسم وسط الناس
فضل عمي يهدده أنه هيقتل اختي
بس بابا فكره مجرد تهديد
ومين اللي يقدر يقتل بنت اخوه
كانت اخر كلمه قالها عمي
انا لما بهدد بنفذ ولقينا اللي كان ماسك اختي
مسكها من شعرها ودبحها من رقبتها
وهنا أغمي عليها
وهيا بتفتكر منظر اختها والدم بيخرج من رقبتها وهيا بتبصلها بدموع بتنزل من عينيها
وهيا بتمسك ايديها ومش قادره تتنفس وماتت
جريت الدكتوره تنادي
علي عمر والممرضين
حاولوا يفوقوا جيهان
بس هيا كانت في عالم موازي
كانت في لحظه ذبح اختها
اللحظه اللي مخرجتش من ساعه ما ماتت من مخيلتها
شافت الراجل وهوا بيدبح اختها
كل حاجه زي ما كأنها حقيقه
عياط اختها وصويت امها
ابوها اللي اتشنك وأخوها اللي أغمي عليه
كل حاجه بتتعاد قدامها
ايد اختها اللي مسكتها وهيا بتترعش
كانت عايزه تتكلم بس معرفتش تتكلم
حطت ايديها علي رقبتها مكان الجرح وقالت
بحبك خليكي معايا
اخدتها جيهان في حضنها
وفضلت تصوت وتعيط
ماتت اختها في حضنها
الدم غرق هدومها
اتصفت اختها قدامها
قطعت النفس في حضنها
صحيت بعد وقت وهيا دماغها مصدعه ومتركب في ايديها محاليل
كانت امها قاعده جمبها بتعيط
اخيرا صحيتي يا جيهان
اخدتها في حضنها وهيا بتردد الكلمات دي
ايه يا ماما هو انا بقالي ميه سنه دول كلهم كام ساعه
لتصدمها امها
بقالك خمس شهور في غيبوبه يابنتي
الدكتور قالنا ممكن تفوق منها وممكن متفوقش خالص
جيهان : بصدمه خمس شهور
يتبع
مروه حمدي
أنت تقرأ
تلبسني جن عاشق (كافر)
Kinh dịبنت مسلمه يتلبسها جن كافر ( اي لا يوجد له ديانه يعبد الأصنام البقر وديانات اخري ) يعشقها ويريدها أن تترك الاسلام فهل ستفعل ام لا ؟؟ هل سمعتم عن الدائره المغلقه وهل يمكن أن يعلق أحد بداخلها ؟! هل يمكن أن يدور أحدهم في حلقه مغلقه لا يعرف متي تنتهي...
