بعد ماخذنا كل الي نحتاجه ومشينا بأتجاه الأنبار بالطريق انتبهت للشايب تصرفاته جداً غريبه وكلامه كذلك فجئه وبنص حديث دار ابيناتنا سكت ونظر الي بنظرات غريبه جداً وگال تتصور راح اتكون رحلتنا حلوه ؟ جاوبته بأستغراب وليش مراح اتكون هيج ؟
الشايب - انت ماسامع عن صحراء الأنبار ؟
اني - قصدك الدواعش؟ تره مااهتم لأن المنطقه مسيطره عليها قوات الجيش العراقي واني ادرى بهيج موضوع .
الشايب - تعتقد الخطر الوحيد بهل صحراء الدواعش؟
اني گلتله اي الخطر الوحيد الدواعش وانت اذا تيهتنا يا گوگل الصحراء (بأستهزاء) ضحك الشايب وگال لتخاف ما اضيعك اني بهل اثناء وصلنا لبداية الصحراء واشوف الناس اترحب بينا واتسلم وكأنما اني بنص اهلي وماكو شي غريب لحد هل لحضه
واني بحاله سارح بيها وعقلي صار بخيال واسع بخصوص هل صحراء ، فجئه الشايب رفع السايد البريك وهو ساكت گلتله شبيك؟؟ ليش وگفتنا ؟
ماجاوبني وبقه يناضرني بهل طريقه الغريبه وكملت اني مشي بالسياره نطق الشايب اخيراً گال لازم نرجع !!
گلتله مراح ارجع اني وصلت لهل مكان لازم اكمل طريقي مااجيت من بغداد لهنا حتى ارجع
الشايب - خلي نرجع اكو خطر علينا
اني - ما شفت اي خطر جاي اشوف رمل وشجر يابس بس!
الشايب - مصر ؟
اني - اكيد
سكت الشايب وضل يأشر بس بأيده ، انقطع الطريق وصرت ماشوف لا ناس ولا بيت ولا اشوف اي مضهر للحياة واني تعبت من السياقه وقررت اشوف اي مكان استراح بي .
اخيراً شفت راعي غنم ( بدوي) وقررت استراح يمه
ضيفنا البدوي واول شي نطق بي انتم وي رايحين ؟
الشايب سكت واشرله بلأتجاه بس
راعي الغنم اتغيرت ملامحه وگال من كل عقلكم ؟ وفجئه الراعي اتبادل نضرات وي الشايب وگال اتمنى ضيفتكم بلأگدر عليه لكن اني لازم اروح فأنتم كملو طريقكم .
اني شكيت بالموضوع ومشيت بأتجاه الراعي اسئله عن اسم المنطقه واستفسر اكثر
جاوبني الراعي منو صاحب الرحله ؟
اني - اني صاحبها .
الراعي - تعرف عن المكان شي؟
اني - لا !
الراعي - ليش تريد اتروح لمكان مايسكنه غير الجن ؟
اني : اجيت علمود الصيد !
الراعي - تصيد جن ؟
اني - ضحكت وگلتله شنسوي لعد ضوجه ، ومجنت اعرف كلامه جان حقيقي ! جان ع بالي يقصد ماكو ارانب وتعبير مجازي .
وصلنا للمكان المنشود ومن التعب قررت انام بدون مااسوي شي والصبح اطلع للصيد .
انتهى اليوم الأول.
