جاوب عزرا بكل برود احنه هنا مو لحتى انئذيك ولو ردنا انئذيك ما طلعناك من البير.
مهيمن - لعد شتردون مني؟؟
عزرا - هذا اكثر مكان راح تبقى بي بأمان .
مهيمن - ليش شكو بالصحراء ؟
عزرا - الصحراء مو للبشر الصحراء للعالم الثاني
مهيمن - يعني اگدر ارجع لمكاني ؟؟
عزرا - اذا تريد اتخاطر ابحياتك براحتك بس مراح اساعدك مره ثانيه .
مهيمن - اريد طلب منك بس
عزرا - يتنفذلك طلب واحد .
مهيمن - اريد ادليني ابمكان الشايب و مكان سيارتي.
ماحسيت اله دخت وفزيت لگيت نفسي يم سيارتي والشايب نايم فقدت التركيز وحسيت رجعت بالزمن ليوره لأن صار تقريباً ٥٠ ساعه ماطلعت الشمس !!
گعدت الشايب وگلتله انت وين جايبني ؟؟
گال شنو من اول يوم تريد ترجع ؟؟
استغربت الوضع كلش گلتله شنو اول يوم؟ تره صارلنا ٥ ايام هنا .
الشايب - ضحك وگلي ارجع نام ارجع ..
مهيمن - گوم خلي نمشي للبيت !!
الشايب - مااندل بالليل
مهيمن - يارب تخلص الليله على خير
مشيت انام وصافن على السماء وافكر شنو الي صار ؟؟ معقوله جنت ابحلم هلگد حقيقي؟؟
فجئه اسم شخص يصيح بأسمي ! صوت يشبه صوت عزرا ، بالبدايه سويت نفسي مااسمع بس گال
مهيمن ادري بيك جاي تسمعني تعال احسلك !
قررت اروح ليه ومشيت بأتجاه الشجرات والتقيت بعزرا
مهيمن - عزرا صحتلي؟؟
عزرا - اي
مهيمن - گول ؟ شتريد ؟
عزرا - اريدك تبقى هنا اليوم !
مهيمن - ليش ؟؟
عزرا - اتفرج على نفسك وانت نايم وأشر على مكان فراشي
شفت نفسي نايم وشفت شي يقترب من جسمي هناك ،
مهيمن - عزرا فسرلي شجاي يصير!؟
عزرا - هذا اسمه تناسخ الأرواح روحك هنا وجسمك نايم هناك
مهيمن - وهذاك شنو الي يتقرب مني ؟
عزرا - هذيج روح قديمه تريد تاخذ جسمك !
مهيمن - بس روحي يمك يعني هيج اسهل تاخذ جسمي صح ؟؟
عزرا - اي صح بس اني مااخليها اتسوي شي وجبت روحك يمي حتى تعرف هل جسم مملوك الي !
مهيمن - شكراً الك عزرا بس ليش دتسوي هيج وياي؟
عزرا - اكو تقريباً ملاين الأرواح تريد جسمك واني من ضمنهم .
مهيمن - انت هم تريد جسمي ؟؟
عزرا - اي
اني رجعت بهدوء وحاير شريد اسوي !!
بلش شكل عزرا يتغير وهو ينطق بكلمات غريبه فهمت منه بس (اني هنا عايش الجحيم واريدك اتعيش ابمكاني )
مجان بيدي شي غير اقره المعوذات بس ما نجح الأمر ضليت اتفرج على جسمي وعلى عزرا
شفت الشايب يحاول يگعدني وعزرا شفته خايف من هل شي
حاولت اگعد فقريت ايه الكرسي وغمضت وفجئه فزيت ابمكان غريب مكان مابي لا گاع ولا سمه
مكان اضلم وجان بارد كلش وبي عطر غريب
وماعرف منين عزرا طلع وگال اذا رجعت لجسمك مراح ارحمكم رجعت غمضت بلكي ارجع لجسمي
وصدگ نجحت وگدرت ارجع لجسمي
فزيت من النوم مرعوب والأرض تهتز بينا فز الشايب
وجه علينه قطيع مال قطط سود واگفات على رجليهن
الشايب مخروع منهن ويصيح مهيمن اصعد للسياره بساع
صعدنا للسياره ودنقره الأيات من القرأن السياره تهتز بينه صارت عاصفه منگدر انشوف شي من الجام
وصوت مرعب كلش بره القطط تطافر ع السياره
فجئه السياره اشتغلت وحدهي حاولت اتحكم بالسياره بس مادريت وين امشي لان ماشوف اي شي الشايب گال اتحرك لأي مكان بس خلصنا
حاولت اتحرك بس السياره طفت ،
