اول ما ردت انام وگف الشايب وگال ميصير اتنام هنا
گلتله هيه صحراء يعني وين انام ؟؟
الشايب - دقيقه بلش يرسم دوائر اكبار رسم ٣ دوائر
فرشلي بالدائره الاولى وفرش هوه بالدائره الثالثه سألته ليش؟؟ جاوب هل مكان مو النا ولتعلمني بشي انت ما اتفهمه اني! اني هملت الموضوع .
ومن التعب نمت بساع فزيت على هزه ارضيه قويه
انتضرت الهزه الأرضيه تخلص وماخفت من شي وگلت اني ابصحراء مراح يوگع جبل عليه وبقيت انتضر بس .
مرت نص ساعه والهزه بعدها وبلشت تقوى بشكل فضيع وگلت افضل شي ابقه نايم حتى ما اوگف وافقد توازني و أوگع مرت نص ساعه والهزه الأرضيه صارت كلش قويه بحيث ما تحتمل فباوعت للشايب نايم اصيح عليه ماگعد واني جاي اصيح ع الشايب الأرض انخسفت بيه وكأنما صرت اني ابقبر وجسمي كله اتشنج كأنما شخص ربطني حيل ونفسي ثگيل وبلشت اصيح!
ابو فلاح !! ابو فلاح !!!
اكتشفت ماعندي صوت وحسي انگطع حسيت اكو أيد قويه خانگتني لدرجه الأحبال الصوتيه احسها متگطعه ضليت مستمر واحاول اسوي شي واستمريت لمدة ساعه كامله وماكو اي شي يصير قررت اصبر يگعد الشايب ويساعدني .
ومن التعب نمت مره ثانيه ، گعدت على شخص يذب تراب عليه وبلشت اختنگ اكثر واني دااحاول اشوف هل شخص منو ومدا اشوف غير ضل اسود لرجال احدب رگبته طويله كلش ،
ضليت اصيح منو انت؟؟ منو انت؟؟ مارد عليه ابد
وبعده يذب التراب عليه ولمحت شوي من وجه الي هيه ابتسماته وعيونه بس !
وجان فد منضر مرعب كأنما ماعنده وجه بس عيون وحلگ طايفات ابفضاء داكن ، عيونه اتحسها طالعات من مكانهن و ابتسامته بارده ونضرات مرعبه جداً !!
ضل ينثر عليه الرمل لحد ما غطيت بالرمل وبلشت اختنگ وانگطع نفسي نهائياً !
وخلاص استسلمت للموت بلشت ابجي ع اختي الصغيره (فضه) و امي شنو شعورهم من راح يستقبلون خبر موتي!
اخر لحضات وعيي حسيت الطاقه رجعت الجسمي
وگدرت احرك رجليه فأجاني بصيص امل فقررت احفر !! بلشت احفر لحد ما وصلت الفتحه صغيره دخل من خلالها الهوه وغمى عليه !!
فجئه دخلت ايد من هاي الفتحه طلعتني من الحفره
وفزيت من النوم ع صوت الشايب !!
وهوه يگلي مو گلتلك لا تقترب من هاي الدائره ؟؟
مو گتلك هل دائره مو النا؟؟
بهل اثناء استوعبت اني جنت ابحلم والحلم كان اشبه بالحقيقه تماماً
رجعت نمت واني مرعوب من شكل الشخص الي شفته بالحلم
واني داافكر باوعت ع اديه شفت بيها اثار حبل
يتبع...
