صحيت على الشمس الي اذت راسي گاعد بنص دائره من الملح ، گعدت مئيس من رجعت او من حياتي ،
گعدت واني ماافكر بشنو اسوي اشنو اكل ، خلص الاكل ، الشايب خرف ومدا يعرفني بعد ، جسمي نحلان ، كلي تراب وتعبان كلش وجوعان كلش
الشايب يأشر على مكان معين صعدته بالسياره وهو ميگدر يحجي بس يأشر ، السياره بده يخلص بانزين منها وماعندي غير ٢٠ لتر حاطهن بالجنطه احتياطي
مشيت ومعتمد على اشاير الشايب واني عطشان كلش وجان املي الوحيد هو وردت اعرف جان يستحق لقب (غوغل الصحراء ) لو لا وصلنا المكان اشرلي اوگف وبده يأشر الي على اتجاه معين ويصيح بصوت تعبان ماي !! ماي !!
دامشي وشفت البير الي يقصده الشايب فرحت حيل
ورجع الي الامل بالحياة ركضت بأتجاه البير شربت ماي ارتويت غسلت شربت الشايب ماي وغسلتله
جان الماي قذر كلش ومالح بس جان منعش بنسبه الي وجان رحمه من ربي
طلعت تلفوني بلكي اكو شبكه وصدگ بالگوه حصلتها
اول شي فكرت بي اتصل على امي اطمنها عليه
اتصلت فتحت خط اختي فضه اسمعها اتصيح الو !! الو !! مهيمن ؟؟ الو !! اني اصيح بأعلى صوتي بس ما تسمعني وصوتها مشوش كلش لگفت منها التلفون امي اتصيح مهيمن وين انت ؟؟ ومدا تسمع مني شي
وبلشت امي تبجي واتصيح مهيمن !! رد عليه انت مهيمن ؟؟ رد الله يخليك !!
هاي الكلمات جانت كافيه اتخليني انهار بهل
*الاحداث الي مرت مع عائله مهيمن*
انتشراً صور لجثث مقطعين روسهم عددهم سبعه
اهلي عبالهم اني من ضمنهم !! امي جانت تعرف اني مو من ضمنهم بس جانت مؤمنه اني عايش واتحث ابوي حتى يدور عليه بالصحراء
الدوله رافضه اي تحرك بحجه اكو دواعش بالمنطقه !!
وگلو لأبوي خلاص ابنك مات حتلو ما كتلو الدواعش فأبنك مات من العطش او اكلته الذيابه
*مهيمن بالصحراء
اني تعبت وانهاريت من الاتصال وي امي جان هشي مؤذي كلش بلأخير اتجمعت قواي وگلت لازم ارجع وراي والده ممكن اتسوي اي شي حته اتشوفني مره ثانيه ووراي فضه اختي الي ما متعوده اله اتنام ابحضني
قررت ابقه قرب البير وهسا لازم اجيب اكل بأي ثمن
مشيت بأتجاه السياره وكلي طاقه وحيويه جريت السلاح وخليت الست طلقات وياي
ضليت ادور بالصحراء على شي اكله ما لگيت ضليت ادور اربع ساعات !!
اخر شي شفت حيه قررت اكتلها واجيبها وياي اكلها
وصدگ كتلتها وگطعت الجزء المسموم منها وجبتها وياي للشايب
الشايب ابدوره صلخها وشواها جنه جوعانين وما همنه اي طعم
اكلناها وجان طعمها جداً فضيع (زفره كلش)
ماتحملت طعنها وضليت اتقيء واني خايف من شي واحد بس وقت الغروب بلشت الشمس اتغيب وراح ترجع احداث عزرا و الجن والله اعلم بلي راح يصير وياي من جديد
طلعت تلفوني وبي شحن جداً قليل قررت اصور فيديو اودع بي اهلي وصورته و الفيديو الثاني لمعاناتي بهل صحراء
