بلش يقترب مني ..
مجان عندي حل وگلت اذا راح اكون مجنون فأريد اركع لله كأخر صلات الي المكان ضلمه حيل وماكو ماي اتوضه قررت اتيمم ( الوضوء بالتراب)
كملت وضوء ونويت اصلي وشفت الجن وزعيمهم بلشو يبتعدون عني حيل وكأنما خايفين مني حسيت نور طلع من مكان السجود الي بي اني بلشت الضلمه تختفي شوي شوي والجن وزعيمهم يحجون ويصرخون ابللغه غريبه وكأنما خايفين مني صليت ركعتين نذرت نفسي بيهم
كملت الصلاة وبقيت گاعد بالمنطقه الي بيها الضوه حسيت نفسي مسجون مرت اول ساعه على هيج حال ما اتغير كلشي قررت امشي لمكان الضلمه عسى ولعل الگه حل حتى اطلع من هذا العالم وجنت ادر راح اتأذه بس اكيد مراح ابقه للأبد بهذا المكان
اول خطوه جانت امنه بنسبه الي مصار شي فقررت اكمل مشي
وصلت لمكان كلش ضلمه بحيث اصبعي مااكدر اشوفه
حسيت الجو اتغير ،حسيت اكو ناس داير مدايري
بدو يتحسسون ابجسمي احس اكو ايادي هواي دا تلمس بيه ، المسات صارت دفع احس داانضرب من كل مكان واني مااشوف اي شي بلشو يخرمشون بيه ويضربوني ، بلشت اسمع اصوت مخيفه وضحكات وهلاهل ، بلشو يصعدون فوگ جسمي
جسمي ثگل حيل بحيث ما گدرت اگوم ويضربون بيه من كل الجهات وگعت بالگاع متمني النجاة من هل يوم اتمنيت بس يطلع الفجر حسيت اكو الاف الناس دا تطافر عليه بنص هلاهل ورعيد وضحكات عاليه ،
قريت سورة البقره بصوت عالي جان اخر امل الي القرأن الكريم وصدگ حسيت ابفرق هواي وابتعدو اغلبيتهم بس بعد اكو ثگل بجسمي قوي واني اقره بصوت عالي والضرب قوه اكثر كأنما يردون يسكتوني غمضت وگلت بلكي اسرح بعقلي وروح لغير عالم اي شي لأن الألم بعد مااگدر اتحمله
غمضت واخيراً انتقلت لعالم السواد بس جان موجود سعد !!
استغربت كل مره الگه بهل عالم عزرا
اترجيته ينقذني منهم لأن حرفياً راح اموت
سعد - محد يگدر يساعدك غير عزرا
مهيمن - وين عزرا شلون اگدر اوصله ؟؟
سعد - صيح بأسمه بنصهم صيح بأعلى صوتك
(عزرا اني خادمك اضهر لي )
وافقت واني اعرف عزرا راح يشترط عليه جسمي
ردت حل بأي شي بس كون اخلص منهم لان بلشو ياكلون بأصابيعي وحسيتهم وصلو للعضم
حسيت جلدي كله انوكل منهم
فزيت وصحت بألم عزرا اني خادمك اضهر لي !!
بلش النور يسطع وگمت اشوف الجن حسيت انرفع غشاء عن عيني وگدرت اشوفهم
منهم الي ياكل بأصبعي ومنهم الي يشلع بشعري ومنهم الي يعض ابضهري اشكالهم مرعبه وكأنما اشكالهم محروقه
واخيراً ضهر عزرا !!
مهيمن - انت تريد جسمي ؟؟
عزرا - جسمك بعد ما يفيدني صار اكل للشياطين
مهيمن - ساعدني وحكون خادم الك !!
عزرا - متأكد ؟؟
مهيمن - اي بس خلصني منهم
