رفعني بأيد وحده ...
عزرا - مراح اخليك اتموت ابسهوله !!
مهيمن - بعد الي شفته مااعتقد يخوفني شي .
عزرا - حجه بنبره غضب وگال راح تاخذ مكان اسعد الى الأبد وراح تتوسل كل يوم بيه حتى اقتلك !!
مهيمن - مراح انفذلك شي والله الحاميني .
عزرا - خلي ينقذك ربك مني !!
رجعني للشجرات واني ميت تعب وميت عطش ورابطني بسناسل من حديد
ضليت افكر شلون اگدر اخلص من عزرا ومنين يخاف ؟؟
دخل عليه مساعد عزرا الشيطان القزم وگال اكيد دتفكر شلون اتخلص من عزرا وشلون تطلع من هل عالم !!
مهيمن - ماخفي هشي وحتى عزرا يعرف !
القزم - لگيت جواب ؟
مهيمن - لسا !!
القزم - محد يعرف عزرا بگدي .
مهيمن - وتعرف الجواب ؟
القزم - اكيد !!
مهيمن - ناوي اتساعدني ؟؟
القزم - اي
مهيمن - وشلون اگدر اثق بيك ؟؟
القزم - انت اتمثل خطر على وجودنا حتلو بعدك متعرف بس اني واثق انت راح تتعلم بساع وتلگه الحل .
مهيمن - شلون اگدر اخلص من عزرا ؟
القزم - انت متگدر اتخلص من عزرا اذا ما اتكتله !!
مهيمن - شلون اكتله ؟
القزم - تحرگ ذني الشجرات !!
صار النهار واختفى الكل وبلشت احس بلأمان ابتحركاتي كذلك اليوم جوعان وعطشان بس اول قرار اتخذه احرگ الشجرات
وگفت عندي اخر عشر لترات بانزين والسياره تفرغ
يعني حبقه هنا على هيج كلام !!
قررت بالنهايه احرگ الشجرات وگلت اخلص من عزرا واحل مشكله البانزين .
حرگت الشجرات وحسيت صوت طبل صار وضحكات غريبه واختفه كلشي الشجرات وگع منهن ثمره اتفقدتهن طلعت الشجره (زيتون بري)
اتذكرت اني قاري قبل بساع الزيتون قادر يطرد الجن و الشياطين !
بس هملت الموضوع وگلت بلكي خلصنا من عزرا
اتجهت بأتجاه البير اريد اشرب ماي واريد اغسل اريد ارتاح شوي من كل الأشياء الي دتصير گعدت يم البير بعد ما شربت وغسلت منه وشربت الشايب كذلك واخذت السلاح بلكي احصل شي اكله
باقي عندي ٥ طلقات بس شفت من بعيد ارنب وگلت لازم اصيده من اول طلقه بس مجان الحض وياي وگدرت اصيده بس بأخر طلقه صدته گلت اهم شي اكل اليوم واحير اباجر شلون ذبحته وشويته وبلشنا ناكل .
باوعت الجسمي تعبان حيل واثار جروح بعدين گلت اذا متت هنا فمراح اموت ابسهوله .
صارت الدنيه مغرب واني صافن على الشمس وهيه اتغيب واعرف راح يصير شي بس بقيت ادعي عزرا مات وفعلاً غابت الشمس واني صافن عليها وبقيت گاعد .
