وعد الصبا ( تحت سماء الكواسر )

الجزاء 6

نزلت ابجي وامي كامشتني بابه واكفلي بنهايه الدرج من وثلت يمه شبكني وهوه يهديني و يوصي بيه

بعد.ابوج كاغي شلعتي كلبي بسج عاد اريدج تصيرين سباعيه بعد ابوج وكلبه ماريد بيوم ايكولون هيه هاي تربيتكم اريدهم كون يكولون ونعم من اهلهه العلموهه علزين وماريد بيوم يشكون منج ولا يتململون كون ام هله وهلاوين لا تكشين بوجهه خطار ولا اهل وديربالج تعلين صوتج علجبير يضل شيبه ومايتحمل الحجايه الرديه لو النبره الصوت الكاشه ولا تقللين بالصغير ينكسر كلبه بعد ابوج وكلبه لاتضنين هذا حجيي متثاكل منج لا بالله البزج بحجايه انه خصيمه هذا بيت ابوج شوكت ماردتي ادفرين الباب ودخلين وانه ادريج نسمه هوه بارد بصيف الله الحار من تمرين علبشر تريحين كلبه ضلج هيج ولايغير معدنج الضروف الذهب لو شما ينجار عليهه هوه ذهب

باسني براسي وكال ودعتج عد رب الماضيع ودايعه وحاوطني من جتافي بايده وتمشينه بعد مابوستني امي وبجينه هواي اخذني من يدبين اديهه كوه وسلمت عله خالاتي وبناتهم هم اخن ساعه بجي نسوان عمامي ماجن اصلا للحنه شوي وراحن بس مرت عمو الصغير اجتي ودعتني من خلصت الحفله وراحت طلعنه ولكيت اخوتي مصفطين بالباب وجوهم مغبره وضايجه بس جانو مصيطرين كل واحد اشبكه تطلع روحي ويااا بيجيت لحد.ماحس اطرافي نملن كوه سندت نفسي مابيهم بعدابن علي يبجي وراي ويصرخ ابو كامشه كوه مردني مرد صوته وهوه يصرخاريد اروح ويه عمه .خرعه عليه وراي طريق طويل يضل بالهم مشغول تمشيت بعد ليكدام وبابه يمشيني مثل ضلي معافني لكيت عمامي مهم واكفين كلبي نغزني شكد حبابين بس نسوانهم يخربن بينهم وكفو يبوسوني ويسلمون عمو ابو احمد يباوعلي بعيون مغوركه فهمت حجيهن بدون مايحجي مسح دموعه قبل ليوكعن وباسني وقادني بابه للباب الخارجي جانت سياره جمسي سوده عاليه واكفه بالباب حيل وجسار وجده واكفين بالباب من الداخل سلم عليهم وصاهم

بعد ماوصيك عله بنيتي هاي امانتي ليوم الدين عندك مامرخوص تاذيه ولا تكسر بخاطرهه ولا بيوم تزعلهه وتبجيهه حجه جدهم

امانتك بالحفض والصون بعد عمك وان شاء الله اتعود.علينه وعله عيشتنه وهلنه وتعيش مرتاحه
واهي بعيونه لاتعب رويحتك بالهم والتفكير اعز من بنواتنه واغله خلي رجليك بماي بارد

التفت بابه الي يطمني بنضراته مثل مااحنه اهلج هذول هم اهلج بعد ابوج لاتخافين وان شاء الله من يبدي دوامج اني انقل اوراقج لجامعه قريبه يمكم ندار لجسار بعد ماوصيك عله بنيتي بعد عمك

صار عمي امانتك بعيوني وهذا شاربي مو عليه لو خلفت حجايتي

حجيت بخنكه واني بعدني كامشه بايد بابه لعد ومامه متجي ويانه

لا يبوج امج بيهه خفقان ماتكدر للطريق الطويل والبنات يستحن يجن وحدهن ان شاء الله وره العرس نجيج كلنه لا تخافين بعد ابوج وكلبه هذا الشيخ جسار زينه شباب المثنى خله ايدي بايه وكله بعد ماوصيك عمي اشر جسار باصابعه عله عيونه قصده بعيوني اخليهه