وعد الصبا ( تحت سماء الكواسر )

لقطات من مستقبل القصه

نفتخت بوابه  السور الاخضر  ودخلنه جنت اختنك من افوتهه احس صرت احبهه دوانم المزروعه برتقال ونارنج  بالاطراف ومسويه سور يحيط بارض الكواسر الداخله اشجار النخيل التزود معمل التمور بالتمر ليصدروو لكل العراق لاحت كدامنه بوابه السوده الداخله بيتنه وبيت اعمامهم البصفهم كلهه الارض خضار واشجار ترد الروح هدواء يجبرك تتامل وتستنشق الهوه النضيف الينعش القلب

..................

ذكريات مبعثره تعصف في ارض الصحراء القاحله وتحرك تلك الاغصان المتناثره على جذوع الاشجار ليمتطي شيخ من السلاله النبيله ضهر جواده الادهم ويعدوخلف سليله الضائع فيجدها فيعودبها ويسلمها لراع ويصرخ عاليا مزمجرا بصوتهه الرخم (ان كنت موكد الحمل الوش اتكلي خلني علنوك وانه راعيهن وحارسهن ماضنيتك مو كد حمولنه يابو رسلان والرفعهن سبع بسبع لو مرت الوخ تكرر الصار احسب انك مالك لزوم عدنه يلتفت بغضب ماشي لجهه البيت فاتح شماغه الي جان لافه جراويه على راسه ورافع طرف شماغه فوك العكال عاكد الحواجب والنار تطلع من عيونه يشوف جدتهه تتلكا بالباب وتهلي برجعته هله يمه هله يبعد الكواسر كلهم بطيت بالبر يبعد امك يدنك عليهه بايس راسهه هله يمه انه موكتلج شغلي لفوك راسي وهساع خلصت ورديت يلتفتون كلهم لمصدر الصوت القوي بعد مسمعو يكول بعد الكواسر كلهم اجل شضلالنه حجيه لو صرنه من بكايه الزمن
........................
رجعت اغسل مواعين المكومه عبالك جبل كدامي اغسل واتافف ومعجبني الوضع وجهي مطعوج وين جنت وين صرت جنت كلاصي ماغسله هسه شوف حالي شاسوي اتعارك وارجع زعلانه لاهلي واكلهم طلكوني لا عيب اخاف يطلعون بيه ميه عيب ويكلبون الحق عليه واطلع اني الغلطانه بالنهايه وبابه يتاذه تعب ودلل هلسنين اجي اني وابهذله واشلع كلبه واسوي مشاكل بين العشاير شلو يربي ماكدر اتقلم ويه الوضع تذكرت عزه فوني نسيته بره من جنت كاعده بالحديقه يمه كلبي باوعت من باب المطبخ علممر الخارجي فارغه محد بيهه اصلا دنيه ليل كلهم نامو والدنيه تموت حر كمشو السبالت ونامو والولد.كلهم طلعو بعد العزيمه يودعون الضيوف يوصلوهم لاطراف المحافضه يالله يرجعون عدهم هذي من الكرم واني ذابه شالي علكرسي وماخذه راحتي ومابيه البسهه طككت ركبتي من الحر الحديقه بعدهه عشر امتار عن المطبخ تقريبا كلت اطكهه ركضهه اجيب فوني واجي ولا من شاف ولا من دره ركضت مثل الخبله وصلت للمكان اخذت فوني وحطيت ايدي عله كلبي خلصنه بقت بس ركضه ثانيه ونخلص احس دكات كلبي بحنجرتي من السرعه الركضت بيه هستوني طلعت من الحديقه للممر اريد اركض واسمع صوته داخل من الباب يسولف ويه واحد جاي ارجع اختل وره شجره لمحني بعينه جنه ذيب ولكه فريسه اني تجمدت بمكاني لابيه اركض ولا بيه اختل قلص عينه يركز هذي اني لو غلطان فتح عينه عله وسعهه مثل الاتاكدت شكوكه صاح بصوته العالي مزمجر اكف حدك عرضي حدر عباتك يمه متت رجليه بعد.ماكد اوكف ختلت وره شجره كلبي اجه يطلع من الخوف ثواني وهوه مزروع فوكاي هنايه تمنيت ميته ولا هذا الموقف تمنين اصير شفافه وميشوفني رفعت راسي اشوف عيونه يجدحن شرار حجه بين سنونه وهوه كامش نفسه كوه انه شكلت شرطنت هذيج النوبه يحجي وهوه ينزع بعكاله و شطفته وخلاهه علراسي ولفاني بيه لف اختنكت من قوه الفه ويكول والرفع سبع بسبع ان لمحت خيال خيالج احسبي انج مو بالحياة عتني من زندي وهوه يكول مفهوم بصوت ناصي بس متروس غضب مابقه دم بعروكي حته مكدرت اكله اي بس هزيت براسي بالموافقه طلع وهوه يرعد. طفه اضويه الممر بقه بس واحد بعيد عني وصاح تفضل تفضل ابو صياح السموحه منه اعذرني وحيده من اهلنه الصغار طالعه تلعب هنيه لاتواخذني يخوك والرجال يرد.عليه هذا من اصلك الطيب وشهامتك وغيرتك عله عرضك والنعم منك ابو ضيغم رد.هوه ماعليك زود يشيخ حنه نتعلم منكم كتلني افضول اشوف منو المتكلم مديت راسي بكد النمله رجال جبير بكد جدهم تقريبا مبين هيبه ورزانه مايقل عنه فاتو للمضيف مدري منين جبت القوه خلتني اركض راجعه للمطلخ ايدي عله كلبي ايرد.بس نفس يدخل ريتي ماكو بلعومي نشف من الخوف لكيت مي علميز صبيت وشربت نزعت شطفته ضميته ولبست شالي من الخوف شوي ودخلت فاتن انرعبت عبالي هوه كالت يا سوده عليه بغيتي وحيدج علوش هجي مصحتي لوحيده تعينج عجل اني اعينج ونخلص بساع يالله ايدج وياي غسلنه سوه وكملنه بسرعه هيه سريعه ما شاء الله دقابق كملنه وهيه تسولف واني بغير علم هسه شيكول شيسوي بيه احسن شي اسوي نفسي نايمه واني كشفني ورزلني اسوي نفسي تخربطت اي هذي هيه حاجتني فاتن يا شبيج ريمه مطروكه احاجيج وانتي سارحه ها لا ماكو شي كالت علوش وجهج اصفر من التعب جاوبتهه هسه انام وارتاح تصبحين عله خير باي ركضت للغرفه مندون اسمعلهه شردت .