.
.
.
اسمع صوت جسار يصيح باسمي
كومي بويه ..ريممه ...ريم ....غازلتي كومي بويه اذن المومن لاتطلع الشمس وتفوتج الصلاه
امممممم بس شوي واكوم
كومي عليتي كلبي
كمت مفتحه عين ومغمضه عين شعري مكوش مضافرته قبل لا انام جسمي بعده مكسر من الطريق
اااي كمت
تايالله كومي فد اعوفج تردين تنامين گومي جدامي لشوف
اوووي كون مموصيتك كعدني والله تعبانه
اجل اعوفج تنامين وتحملين ذنب عرفتي وكت صلاا مانهضتي اعله طولج
كمت وخري مني هذا يشيطان يكلي نامي وخر عابت لشكلك
اباوعله مبتسم مضيك عيونه ويسبح بسبحته هز راسه وراح وكف عله مصلايته اباوع طوله حلوو جسمه ضخم جنه معضل خصوصا زنده عريض ومبينات عضلات شنو يلعب حديد معقوله لا مشايفته والدشداشه حيل حلوه عليه تكعد وزن عله جسمه اشرلي بايده اروح اتوضه عزه بعيني صافنه عله مثل الحماره شجاني بهل الفجريه توضيت وكفت وراا اصلي خصلت وقريت دعاء العهد مثل مسوه هوه كمل والتفتلي ثاني رجل ورجل رافعهه متجي عليهه ايده اليسبح بيهه
خيرج بويه بغيتي شي گبل شوي
هاا لا شلون الف الموضوع ااااا اي انته شلون تگعد هجي نشيط من الفجر ومتنام هواي باليل نزعت جادر الصلا باوعلي
ابتسم نص ابنسامه دنك عله سبحته ورفع راسه
حنه متعلمين جسامنه ماتهوه الراحه هذا الله عطانياا امنه مونگضيهه نوم واكل اجل شنهو فرغنه عن البهايم يعزج الله لازم البني ادم يشتغل ويتعب ويذكر ربه كل يوم يتعلم شي من جبير يوعضه يو صديك يرافگه يو من حيوان يربيه ايه حته الحيوان الله خالگه وحاط بيه سبب اجل ما الغراب علم قابيل شلون يدفن اخيه ويضم سوايته يوم تنامين ونتي تعبانه يحلات النومه تغطين بساع مايتعبج التفكير والسهر
استحيت من نفسي جنه يقصدني
احتاريت شنو اجاوبه ردتت اتهرب من موضوعه والغمط السالفه سالته مبتعده عن الموضوع
اممم مساعه كلت يعزج الله شنو ارد عليك لازم
ابتسم وجاوب
نرد ب يعز گدرك
ااااا لعد يعز گدرك يشيخ
ابتسم دنك عله سبحته ورد
هههههههههه رحمه الله والديج
صافنه عله بنيه جسمه الضخم خاله ايدي جوه خدي واصبعي الخنصر بحلكي وسالته ابلاده
انته تروح للجم
باوع مركز بكلامي يستمع بامعان وعيونه تنقل بين اصبع البحلكيي وسبحته البيده كل شوي يدنك ويرجع يرفع راسه ويصفن شوي عله شفتي جاوب من كملت كلامي
شنهو هذا نوب
أنت تقرأ
وعد الصبا ( تحت سماء الكواسر )
Chick-Litذكريات مبعثره تعصف في ارض الصحراء القاحله وتحرك تلك الاغصان المتناثره على جذوع الاشجار ليمتطي شيخ من السلاله النبيله ضهر جواده الادهم ويعدو في عمق الرمال المتناثره لتطير ورقه نحو الشرق وتصل بيت فتاة تناثر شعرها النحاسي على وجنتيها الورديتان لتتا...
