وعد الصبا ( تحت سماء الكواسر )

38

.
.
.
.
.
جانو يركضون هويه ضوضاء الدكتوره والممريضين من يصيحون لازم عمليه فوراا لايصير عدهه تسمم
جسار شكله مبهذل شعره مخربط ودشداشته مفوحه دكمتين لفوك ممنتبه لنفسه يركض هيج وهيج وقع علوراق لبسوني لبس العمليات دموعي يصبن بدون صوت ليش ابجي مشاعري ملخبطه من الاكتأب العشته هاي الخمس اشهر المرن لو طفلي الفقدته

لازم ايدي يمشي ويه السديه يمشوني لغرفه العملبات
يبوس بيهه حالته مو احسن من حالتي الخووف مالي عيونه ولسانه يحجي عكسهن

جسار .لاتخافين بويه مامش شي يخوف هساع نصف ساعه ويطلعونج لاتبجين ابوي انتي عيونج راحن من الونين بسج زرفتي كلبي

اريد امي
الكلمه الوحيده النطقتهه واني ادخل

صار بعيوني هساع اخابرهم يجون وتشوفينهم

دخلت مدري شكد اشياء اشوفهه ملخبطه واصوات اسمعهه تختفي وترجع لحد مكعدت امي فوك راسي تبجي وبابه يم الباب واكف يم جسار ماكدر اجمع شكو وين اني شصار غفيت بعدين رجعت كعدت

اهلي ملتمين عليه امي تسال مخروعه

جوري . شلونج يوم موجوعه حبيتي امي فاتت ان شاء الله ماكوو شي يخوف

حجيت بثقل وين اني

جلال .هاا بويه شلون صرتي كومي بعد ابوج ونضر عينه ماكو شي بعون الله انتي بالمستشفه

تقدم جسار مني بملابسه السود وجهه تعباان باس راسي
جسار .سلامتج يابه ماتشوفين غير العافيه

بطني توجعني
اجل غير غسلوو بطنج همزين ربج ماتسممتي وصار فيج شي الوش ماتحجيتي ماكلتي بطني تاذيني الوش ضليتي ساكته

اكو احساس مو حلو بداخلي شي يحجي براسي كارهه قربه مني يمكن لان بسس اهماله الي ذيج الايام الفاتت احجي كوه وارد عليه
انته تعبان والمشاكل فوك راسك نوب اني اجي اجي اتشكه واتعبك

رد بصوته الحنون يخليني اكل بنفسي عله الدفكر بيه
وشنهي يو تعبت انه اركض للوادم الغربه لليل ونهار تبين الج ماروكض هساع يو صاير بيج شي انه شاكول شاحجي شنهوو حالتي تغدي عكبج فرفح كلبي وانه اسمع ونينج يومين صارن اخلهم يخدرونج وتنامين حته لا اتوجعيت ادريج ماتحملين وجع روحج ترفه

دنكد مستحيه اهلي يباوعون وهوه ناسي الدنيه كلهه ومنطلق يحجي بكلب محروك

فرك وجهه ستاذن وطلع كال اشوف الدكتوره تجي تفحصهه

امي كعدت يمي مبتسمه تمسح عله راسي

جوري .جنت خايفه عليج ادري بزوجج زلمه معدل بعد كلب امي بس من شفت جسار شلون خبص المستشفا من تونين وجهه يجيب الدكتورات يلتمن عليج يكلهن وخرن الوجع منهه يمشي وينطي مخله عامله مخله ممرضه بس حته يهتمن بيج وميقصرن ولد عمه انكلبو كلاب علينه حته بيبيته اجت بعربانه جابوهه ساعه وراحت اطمنت وكلبي برد