وعد الصبا ( تحت سماء الكواسر )

بارت 20

لاحت من بعيد ملامح السور الاخضار المحاوطه مزارعهم والبيوت بس مدخلنه من البوابه الرئيسيه افتر بينه من وره واكو باب ثاني دخلنه منه وفتر وره بيتنه من باب الترك ساعد رزان تنزل هيه وبدلتهه ومدري شنو همسلهه وراح استقبلنهه البنات ودخلنهه للستقبال واني طرت لغرفتي ذبيت ملابسي وكويت شعري سرحته ماحب الكسره البيه اخاف يعيبن عله منضره كملت تسريحه وخليت اكسسوار نام عله جانبه طلع يجنن وصار اطول وصل لجوه الورك من تسرح اختاريت فستان اخضر زيتوني جان حيل بسيط ومبيه شي بس كلوش عريضه من جوه حيل ووعله طولهه فتحه بس اذا مشيت حيل تبين وردانات تول شفاف بف ولبست اكسسوارت ناعمه ماحب الهوسه
لبست خلخالي وكعب اسود جسار دزلي احضر ملابشه واحيجي ابن داغر ياخذهن صفطت الرادهن وخليتهن بكيس حلو ونزلتهن ويااي نزلت اطكطك بكعبي خايفه لا اوكع ايد لازمه فستاني لا اعثر بيه وايد لازمه ملابس جسار وكل شوي اباوع لجوه لا ادوس عليه واتخزه البنات جانن واكف يم باب المطبخ مقابيل الدرج هنه شافني وطكتنه اطيااف بهلهوله سطرتنه سطر النسوان كلهن مدن روسهن من الاستقبال عزه بعينج متت كمت اتعثر كل شوي بعد ماكدر امشي الانضار كلهه علي وصلت يمهه اكرص بيهه

ولج اسكتي خزيتينه حابجي كلهه تباوعلي كاافي

اطيااف .ولج جنج ضوه تكتلين كلبي دهرج كون شني الجمال

فاتن .قل اعوذ برب الفلق تف من عيونج وخر خل احصنه عيون النسوان نكسه اذا صار فيهه شي اخلي جسار يجسر مفاصل

اطيااف .يساعد كلبج خووويه يمه هاي ام الصالون مكيجتج شلون مكبره عيونج وهنه كبار صايرات مال هايشه

فطسنه من الضحك اجيت اوكع بالكاع لو ما النسوان يباوعن

تاله .دهرج كون اجل هيج اليتغزل دست بطن الفرخه دوس ولي غااد

نور. خيه لاتكفين يمي انه عوزي وتجين تكسرينه بالدفرات شايله روحي وهذول المسكوعبن يسحولون فيه

والنبي كلكم حلواات تجننون عين النبي عليكم فدوه نور ابن داغر حيجي انطيه هذن ملتبس جسار رادهن حيلبسون يم راجح

مرام .ولج ليش ماخليتهه يجي هنا يشوف الكيك عله اصوله جا هد الزلم وكعد.كبالج والعباس حامد بالتواسيل خلاني اطلع الا اخذ حصته يالله ارتاك يكول اجل راجح يعرس وانه لا

دنك وجهي اشتعل من كلامهن ههههههوالبنات يداهر ويااه

نور .اجل شبيه حضي من الصبح وجهه مدلغم عليه والله شلون كتله تعبانه مافيه شده اله وهوه يريدله حيل كلب وجه ونام عااد اني كيفت هم لفيت راسي ونمت شلع كلبي هلزلمه لايشبع ولا يقنع يبيهه دوه ثلث مرات باليوم وانه مالي حيله والله

فاتن .ههههههههههه اجل اخضي حيطه لا يطكج بوحده الهه حيله

نور .يااااع جا غير احركه واحركهه متحمله ضيمه من ذاك اليوم لهذا اليوم ويكوم يحط وحده عله راسي اطك وموت