ကြွေရုံးကပြန်ရောက်တော့ ရေချိုးလိုက်သည်။ ညစာပြင်ဆင်ရန် ဆင်းရမည်ဖြစ်၍ တီရှပ်အဖြူရောင်ခပ်ပွပွကို အောက်ကကြက်ေသွးေရာင် ဘောင်းဘီတိုလေးနဲ့ တွဲဝတ်ကာဆင်းလာသည်။
သူများအိမ်မှာနေတယ်ဆိုတော့လည်းအိမ်မှုကိစ္စတွေကူညီပေးရမှာပေါ့။ ဘယ်လိုပဲဖြစ်ဖြစ်ရဲမတိုင်ပဲ ထားထားတာကိုပဲ ကျေးဇူးတင်ရမည်။
မီးဖိုေချာင်ထဲရောက်တော့ အိပုံနဲ့ တခြားကောင်မလေးနှစ်ယောက်ကအလုပ်ရှုပ်နေသည်။
" အိပုံ...ကြွေဘာကူညီပေးရမလဲဟင် "
" အာ...မမကလည်း ရပါတယ်၊ ဒါကအိပုံတို့ လုပ်နေကျအလုပ်တွေပါ၊ မမဗိုက်ဆာနေပြီလားဟင် "
" ဟင့်အင်း၊ ကြွေကကူညီလို့ရအောင်ဆင်းလာတာ "
" ရပါတယ်မမရဲ့၊ ပြီးတော့မှာပါ၊ ဒါပီးရင် အကိုလေးကိုထမင်းစားဖို့ အိပုံ သွားခေါ်လိုက်မယ် "
" ကြွေသွားခေါ်လိုက်ပါ့မယ်၊ အိပုံကထမင်းပွဲ ပြင်ထားလိုက်နော် "
" ဟုတ်ကဲ့မမ "
ကြွေအပေါ်ထပ်သို့တက်လာသည်။အခန်းပေါင်းများစွာ ရှိနေပြီး အပေါ်ထပ်တွင်မိမိအခန်းကလွဲရင် ဘယ်အခန်းမှာ ဘာရှိမှန်း
မသိသောကြွေ အတော်လေးစိတ်အိုက်သွားသည်။
ကြွေပထမဆုံးအခန်းတံခါးကိုဆွဲဖွင့်လိုက်သည်။ စာအုပ်စင်နှင့် စားပွဲတစ်လုံးရယ်၊ ကွန်ပြူတာရယ်သာ ရှိသည်။ ကြွေလည်းနောက်အခန်းတံခါးတစ်ခုကိုဖွင့်လိုက်သည်။
အိပ်ယာတစ်ခုရယ်၊ ဗီဒိုရယ်နှင့်မှန်တင်ခုံတစ်လုံးရှိနေသည်။ အခန်းကလူမနေတာကြာပြီထင်ပါသည်။ အနံ့အသက်သိပ်မကောင်း၊ ဒီအခန်းမဟုတ်လောက်ဟုထင်၍ ပြန်ပိတ်ဖို့လုပ်နေစဉ် ဓာတ်ပုံတစ်ခုကို မြင်သွားသည်။
ကိုကြီးနှင့်အမျိုးသမီးတစ်ဦး၏ပုံဖြစ်သည်။ ကိုကြီးက ထိုအမျိုးသမီး၏နဖူးကိုနမ်းနေသည့်ပုံဖြစ်သည်။ထိုအမျိုးသမီးကအတော်လေးချောသည်။
* ကိုကြီးကပိုင်ရှင်ရှိတာကိုး...အင်းပေါ့လေ၊ဒီလောက်ချောပြီး ထက်ထက်မြက်မြက်လည်းရှိတာ ရည်းစားမရှိဘဲမနေပါဘူးလေ*
YOU ARE READING
ဖူးစာ❤️
RomanceDon't leave me even tho I told u to leave, Cause u are my destiny baby ❤️
