أحفاد الطوبجي

البارت 12

ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد

🔥🔥البارت الثاني عشر 🔥🔥
              💔تشتت💔

خرجت فريده من حضن قاسم بكل وجع ودموعها نازله

بصلها قاسم وهو تايهه و مصدوم و موجوع و مضايق من نفسه حاسس ان كل مشاعره و افكاره مشتته قلبه واجعه علي فريده وحاسس انه ظلمها مضايق من زهره ومش لاقي تفسير للي عملته فضل واقف ساكت باصص لفريده لكن عقله بيحاول يلاقي إجابه لكل الاسئله

مسحت فريده دموعها و بهدوء راحت علي علبه السجاير بتاعتها قعدت علي الكرسي ولعت سيجاره وفضلت باصه بعيد عنه.

راح قاسم عليها وسحب كرسي وقعد قدامها بصتله فريده

قاسم....عارف ان مفيش اي كلام ممكن اقوله يقدر يعوضك عن اي حاجه وحشه شوفتيها بسببي وعارف كمان انا لو فضلت اقولك اسف بعدد السنين اللي راحت مش هيفيد بأي حاجه بس حقيقي يا فريده انا اسف

فريده....اسف علي ايه يا قاسم خلاص انسي اللي حصل حصل بمزاجنا او غصب عننا كنا هنعيش كل اللي حصل ده يعني انت ملكش ذنب

قاسم...لا ليا يا فريده يمكن في اطراف كتير غلطت في حقك قبل حقي بس انا كنت من ضمن الناس دي ويمكن لو انا مكنتش بعدت وقتها واديتك فرصه تتكلمي مكانش كل ده حصل

فريده.....كلمه ياريت عمرها ما بترجع اللي فات يا قاسم وانا عمري ما زعلت منك

قاسم.....بس اللي انا عملته في حقك يا فريده حقك تفضلي طول العمر كرهاني ومتسامحنيش انا مش عارف ازاي هقدر اسامح نفسي مش عارف ازاي هقدر اتعامل مع زهره مش عارف اصلاً المفروض اعمل ايه فريده انا تايهه يمكن زمان اللي حصل بينا انا غلطت فيه بس مش هدافع عن نفسي صدقيني يا فريده وقتها انا كنت موجوع حاتم فضل فتره يحاول يقنعني اني مينفعش اكون معاكي كان طول الوقت بيحاول يشككني فيكي عمري ما صدقت وكنت بقوله فريده مستحيل تكون كده وقتها انتي كنتي قريبه من سامح وسامح كان بيعزك اوي وكنتي البنت الوحيده اللي هو قريب منها وده اللي خلاني اصلا في يوم اتخانق مع سامح ووصلت المشكله بينا لوضع وحش حاتم قدر يوقعني فيه زي ما قولتي ولما حصل اللي حصل جه قاللي انك هتقابلي سامح وده وقتها اللي جنني مكنتش اعرف طبعا ان حاتم اللي قالك تروحي لسامح هو لعبها صح بس انا غلطت كان لازم اصدقك واسمعك بس وقتها مقدرتش اتحكم في نفسي كنت بقول لنفسي انا خسرت صاحبي واتخانقت معاه عشانك وفي الاخر انتي تبعيني كنت مصدوم فيكم انتوا الاتنين عارف انه مش مبرر بس ده اللي حصل كمان صدقيني يافريده انا مبعتكيش ولا ارتبطت بزهره علي طول
كل الحكايه ان زهره بالفعل كانت قريبه مننا بحكم صداقتنا القويه كنت بحس انها بتهون عليا وهي وقتها مكانتش بتسيبني يمكن ارتباطي بيها جه بعد وقت مش بسيط لكن وقتها لاحبيتها ولا هي قالت انها بتحبني