#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد
🔥البارت الرابع والعشرين🔥
🌀كارما🌀
بعد ما فشل زيد انه يوصل لقاسم قرر انه يرجع علي الشركه يطمن مراد واخواته و يشوف شغله اللي سابه
وصل زيد واول ما مراد واخواته عرفوا انه وصل راحوا وراه علي مكتبه.
مراد....طمني يا زيد ايه اللي حصل
زيد....مسك راسه من الوجع والله ما عارف يا مراد هي تبان عدت علي خير بس انا عارف انها معدتش علي خير
سالم....هي فزوره يا زيد ايه اللي حصل بينهم
زيد....قاسم واجهها انا يمكن مسمعتش كلامهم كله لما كنت بحس صوتهم هادي ببعد لما الصوت يعلي كنت بقرب منهم احسن النقاش يتطور بس عدت علي خير يمكن قاسم قرر ان علاقتهم من اللحظه دي تبقي عشان خاطر جنه وعُدي بس لكن بردوا ان مفيش اسوء من كده يحصل خير واكيد الوقت كفيل يصلح اللي حصل بينهم
مراد....طيب دي حاجه كويسه انا كنت خايف من اخوك قاسم بطبعه هادي بس في عصبيته عمره ما حكم عقله ويمكن ده اللي خلاه بعد عن فريده زمان كنت خايف مواجهته لزهره توصل للأنفصال
زيد....موصلتش بس تقدر تقول قاسم قرر انهم هيتفصلوا من غير إنفصال
نادر.....ده كلام ساعه غضب وبعدين الموضوع لسه في اوله وسخن هو بس يهدي ويعدي بينهم وقت هيرجع زي الاول انت عارف ان قاسم بيحب زهره
زيد.....عارف عشان كده قولت انها عدت علي خير بس المشكله مطلعتش بس في زهره
ياسين.....يعني ايه تقصد فريده؟
زيد....لا زهره قالت لقاسم ان روح كانت عارفه
ياسين....روح😳
زيد....يوم كتب كتاب فريده زهره راحت تشوفها من بعيد كانت حاسه من ناحيتها بالذنب واليوم ده رجعت منهاره وروح شافتها و أضطرت زهره انها تحكيلها كل حاجه وروح طبعاً نصحتها انها متجبش سيره وتكمل مع قاسم بس طبعاً قاسم لما عرف كان هيتجنن ازاي روح تعرف ومتقولش.
مراد.....ايوه بس حتي لو روح عرفت انا شايف انها اتصرفت صح وقتها كانت هتعمل ايه تاخد زهره من ايدها وتحطها قدام قاسم وتقوله مراتك خدعتك و كانت سبب في بعدك عن فريده لا طبعاً روح كانت صح.
سالم....انا كمان شايف كده وبعدين كلامها لا كان هيقدم ولا هيأخر هو اتجوز وفريده اتكتب كتابها لو كان عرف وقتها مليون في الميه كان طلق زهره
زيد....عارف وعارف كنان ان روح مغلطتش بس قاسم الوقت عامل زي اللي وقع في حفره كل ما يحاول يطلع يلاقي حد يعرفه هو اللي بيحاول ينزله فيها من تاني
نادر....ايوه يا زيد بس لو هيزعل من زهره او يزعل من نفسه او حتي يزعل من صاحبه مينفعش يزعل من روح لان موقفها صعب انا عارف روح كويس لا يمكن يكون ليها يد في خراب اي بيت حتي لو كانت علاقتها مش حلوه بزهره مستحيل كانت تخرب عليهم
أنت تقرأ
أحفاد الطوبجي
Romansaفي مملكة الطوبجي كلاً فى ملكوته سارح♥️ كنت أحلم أن أبني معكِ بيتاً تكونين أنتِ أميرته فابَنيت معكِ قصراً أصبحتىِ ملكه متوجه علي عرشه♥️ أما أنا... لم أكن أدرك يوماً أن بعد كل هذا النفور تقتحم قلبي بتلك البساطه♥️ أما أنا... ينزف قلبي مراراً كلما رأيتك...
