#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد
🔥🔥البارت العشرين 🔥🔥
ديماً في مسيره حياتنا بيبقي في لحظه حلوه لازم تمر لحظه بتتحفر جوانا عمرنا ما بننساها مهما طال العمر بنفضل نفتكرها ونبتسم تفاصيلها بتتطبع جوانا لا يمكن تتمحي حتي لو بقت ماضي بتفضل ذكري جميله كل ما سكينه الحياه بتسرقنا بيرجع طيفها يمر قدام عينينا ونتمني لو يرجع الزمن ويفضل واقف عند اللحظه دي♥️
بالظبط هو ده كان شعور منذر في الليله دي اتمني لو الزمن يفضل واقف عند اللحظه دي فرحته كانت كبيره جداً علي قلبه متخيليش ابداً انها تيجي بالشكل ده♥️
بعد المشاعر الحلوه اللي مرت علي الجميع قعدوا من تاني لكن المرادي قعد منذر وهو مرتاح و متطمن
كاريمان.....طيب يا جماعه بالمناسبه الحلوه دي و جمعتنا مع بعض عايزه اقول كلمتين ممكن
روح....طبعاً ممكن اقعدوا يا ولاد
كاريمان...انا طبعاً مش قادره اعبر عن فرحه قلبي بمنذر وفيروز ولا قادره اعبر عن فرحتي بالمشاعر الصادقه الجميله اللي شيفاها في عيون الكل بس كل اللي اقدر اقوله الحمد لله منذر ده فرحه عمري اول ما عيني شافت أتمنيت كتير افرح بيه واطمن عليه والحمد لله ربنا حققلي امنيتي دي
يمكن الكلام اللي هقوله مش وقته وصدقوني مش عايزه انكد عليكم بس انا لازم اقوله عشان في قلبين ♥️♥️
هنا لازم يطمنوا و يرتاحوا قلب روح وقلب راجح باشا.
يمكن من فتره علاقتي بيكم مكانتش احسن حاجه وعلاقتي بفيروز بالاخص كانت مش حلوه خالص يمكن غلطت في حقها و غلطت في حقكم كمان بس مش عيب اني اقول اني غلطت الغلط اني افضل مستمره و أكابر حقيقي من قلبي بقولها انا كان في ايدي كنز مكنتش حاسه بقيمته اوقات مبنحسش بقيمه الناس اللي في حياتنا غير بعد ما ربنا يحطنا في اختبار قوي ويمكن الاختبار اللي اتحطيت فيه ده كان ابني
واظن اصعب اختبار تمر بيه اي ام لما تتوجع علي ابنها وقتها انا مريت بظروف كتير صعبه واكيد كلكم علي علم بيها وجودي في مستشفي الامراض النفسيه بعد صدمتي في موت حسام
كان بالنسبالي زي لحظه الإفاقه بعد العمليه اللي هو بتحاول تفهم ايه اللي حصل وانت لسه مش واعي ولا إدراكك كامل بكل حاجه حواليك يمكن انا وقتها الموضوع كان مختلف معايا كنت مصدومه ومش مصدقه ولسه عندي حاله رفض لكل اللي حصل بس كنت حاسه بكل حاجه بتحصل حواليا حتي لما كانوا بيدوني مهدئات عشان انام كنت حاسه كنت بشوف كل موقف حصل في حياتي سواء حلو او وحش وانا نايمه و مع كل وجع اتوجعه وانا شايفه ابني ميت في حضني كنت بشوف صوره فيروز💔 كأن ربنا قاصد يربط صوره فيروز بوجعي وبيقولي ده ذنبها وقتها قررت اني لاول مره اقف قدام نفسي واقول بعلو حسي اني كنت غلط اني ظلمت و أستقويت كتير وعرفت وقتها ان لا ظلم بيدوم ولا حتي القوه بتدوم ووقتها فوقت لنفسي لما منذر دخلي في يوم وعيط في حضني وانا تايهه ومش معاه بس كنت سمعاه قاللي انه محتاجني وانه لسه عايش ولو حسام راح فا هو لسه موجود وقتها قررت اني ارجعله واخده في حضني بس كان لازم قبل ما ارجعله ارجع لنفسي وطلبت منه اعمل عمره وطلبت منه كمان قبل ما اعملها اجيلكم واطلب منكم تسامحوني في الحقيقه كنت شاكه انكم ممكن متقبلوش ولو قبلتوا عشان خاطر منذر كنت متوقعه الاقي غضبكم مني باين عليكم
أنت تقرأ
أحفاد الطوبجي
Romanceفي مملكة الطوبجي كلاً فى ملكوته سارح♥️ كنت أحلم أن أبني معكِ بيتاً تكونين أنتِ أميرته فابَنيت معكِ قصراً أصبحتىِ ملكه متوجه علي عرشه♥️ أما أنا... لم أكن أدرك يوماً أن بعد كل هذا النفور تقتحم قلبي بتلك البساطه♥️ أما أنا... ينزف قلبي مراراً كلما رأيتك...
