أحفاد الطوبجي

البارت 26

#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد

    💔البارت السادس والعشرين💔
           🔥إنهزام العجز🔥

إحساس العجز إحساس بشع والشعور بيه شعور مميت خصوصاً لو كنت عاجز عن مساعدة شخص روحك متعلقه بيه

صعب تشوف حد منك في امس الحاجه ليك وانت وضعك مش سامحلك حتي إنك تقرب منه وقتها بس بتتمني  الموت علي إنك تكون واقف عاجز ومتكتف 💔

لكن إنك توصل لإنهزام العجز نفسه وتحارب لاخر نفس عشان تنقذ شخص غالي عليه دي أعلي درجات الحب وصدق المشاعر❣️

زيد....بأنفاس متقطعه وصوت شبه متقطع وغير مفهوم  مممم منذر
منذر رد عليا

منذر كان فاقد الوعي وفي دنيا تانيه وحتي لو كان واعي مستحيل كان يقدر يسمع صوت همس زيد اللي يكاد يكون طالع بصعوبه💔

لكن زيد مستسلمش المكان اللي كانوا فيه شارع ضلمه عِمدان النور موجوده علي مسافات بعيده ضوء القمر كان ليه الفضل في إضاءه الشارع ولو بنسبه بسيطه الشارع كان واسع لكن الحركه فيه كانت شبه معدومه لان المكان كان مليان ڤلل لكن كلها تقريباً لسه مش ساكنه واللي كان ساكن كان بعيد عنهم وباقي الڤلل تحت الإنشاء

المسافه بينهم كانت حوالي خمسة عشر متر منذر في يمين الشارع جنب عربيه زيد وزيد في يسار الشارع جنب الرصيف المسافه بينهم تبان بسيطه

لكن بالنسبه لوضع زيد والحاله اللي كان عليها كانت مسافه صعبه جداً

لكن زيد مستسلمش كان هيتجنن ويطمن علي منذر عايز يعرف حصله أيه عايش ولا ميت.

حاول بكل قوته يشد جسمه ويسحبه عشان يروحله.

زيد.....منذر  مم نن منذررررر رد عليا متعملش فيا كده💔 ااااه ممنذر

سند زيد بمعصم أيده علي الاسفلت وحاول يسحب جسمه لأول مره يحس بتقل جسمه كل جزء فيه كان حرفياً متكسر كان نفسه يسيب نفسه ويستسلم زي منذر لانه حرفياً كان زي اللي بيقاوح الموت ولسه روحه متعلقه بالحياه لكن تعلقه بالحياه كان واقف علي إطمئنانه علي منذر ومساعدته🥺

فضل يحاول الخطوه اللي كان بيمشيها كانت تتقدر حركتها بالسنتيمتر من شدة ضعفه💔

ومع كل سحبه لجسمه يبص علي منذر وينادي عليه يمكن يفوق لكن لا حياة لمن تنادي 💔🥺

العرق كان مغرقه كأنه كان بيمارس رياضه عنيفه

محاولته في تعديه الشارع الكام متر دول استغرقت من زيد مدة 10 دقايق كاملين مروا علي زيد كأنهم عشر سنين من تقلهم.

لحد ما أخيراً وصل جنب حرف رجله

مسك زيد رجله وهو متمدد علي الارض وحاول يهز فيه