معشوقتي متوحده.

Part ; 3

" عند عائلة هتِاف "
هتِاف وهي تعبانه من الدوام وكانت تأكل : اهخخ جوعانه حيل.
ابو هتِاف : كيف الجامعة معك ؟
هتِاف وهي تأكل : حلوه بس اليوم عندي كرف .
ام هتُاف ابتسمت : كفو شدي حيلك يا بنتي .
ابو هتِاف وهو يشوف إتصال : بروح عن اذنكم .
هتِاف : غريبه بابا قام من الطاوله عشان إتصال.
ام هتِاف: وانتي شعليك ابلعي واسكتي .
هِتاف : حاضر من عيوني .
.
.
ابو هتِاف : انت شتقول ؟؟ انهبلت انا عندي بنت ومرتي كيف بعيشهم !!!
ابو نايف : عاد هذي مشكلتك يا ابو هتِاف حاول تصلح غلطتك ولا الشركه بتخسرها صدقني .
ابو هتِاف بـ عصبيه جنونيه : ماراح تروح مني مفهوم !!
ابو نايف ابتسم بـ خبث : اجل اسمع انا بساعدك واعطيك مهله بس بيكون عندي شرط .
ابو هتِاف بـ إستغراب : وش هو شرطك ؟؟
ابو نايف : بعدين اقولك الحين مشغول باي .
ابو هتِاف رمى جواله على الاريكه وقعد وهو يمسك راسه بـ تعب : حسبي الله عليك من رجال يا ابو نايف .
.
.
كانت تمشي بـ الفستان وهي تبتسم وشافت أصيِل قدامها ومدت يده لاجل تمسكه لاكن سرعان ما سمعت صوت فتاة صغيره وهي تقول (أصيِل لي،أصيِل لي،أصيِل لي ) لفت تبي تشوف أصيِل لاكن انصدمت لما شافت أصيِل مسك بيدين فتاة صغيره وكان يبتسم لها بـ حب قامت من نومتها وهي معرقه وشافت مويا وشربتها وهي تتنفس بسرعه وسمت بالله وقامت ..
ام ريما بـ صدمه : عسى ما شر شفيه وجهك أصفر !
ريما وهي مصدعه من الحلم : مدري يا ماما كأني شفت حلم ارعبني.
ام ريما بـ فضول : وش هو الحلم ؟
ريما بدت تشرح لها كل شي : متخيله ماما كانت بنت صغيره وتقول ان أصيِل لي واحس مدري تشوشت من الحلم .
ام ريما صارت تضحك بقوه : معليه يا بنتي هذا كابوس تصير دايم قومي افطري .
ريما وهي ما زالت تفكر بالحلم : تمام يلا .
.
.
عند عائلة أصيِل "
بشاير وهي تلعب بـ جوالها بالببجي : بيسان تعالي شوفي هذا يبي يهزمني الحقي ساعديني.
بيسان وهي تلعب : والله لا اموته اصبري علي .
أصيِل دخل عليهم وابتسم : ماشاءالله تذبحون مين!
بشاير وبيسان قفلو جوالاتهم وبلعو ريقهم لان أصيِل حلف لو يشوفهم يلعبون ببجي يحرمهم من الجوال وصارو يناضرون بعض .
أصيِل جلس على الاريكه بـ تعب : شفيكم !
بشاير تكلمت : صراحه كناءءءء
أصيِل وهو ينتظرها تتكلم : وش كنتو ؟
بيسان تكلمت بسرعه : كنا نلعب لعبه عاديه .
بشاير بلعت ريقها : اي اي صح اخوي كيف ريما؟
أصيِل مجرد ما جت بباله ابتسم : صارلي يومين ما كلمتها بقوم اخذ اتصال ويكلمها .
بيسان وبشاير مع بعض : متى ناوين تملكون !!
أصيِل بـ تفكير عميق : افكر بعد شهرين شرايكم؟
بشاير : ايي الله وناسه ببداء اسوي دايت .
بيسان وهي تناضر لجسمها : احس اني سمنت لازم ننحف يا بشاير .
بشاير : اي اكيد .
أصيِل يذوب من التعب : بروح انام طيب ؟
بشاير وبيسان : طيب .
.
.
بشاير وهي ماسكه قلبها : اشوا ما إنقفطنا واحنا نلعب ببجي .
بيسان وهي تنفخ : والله كان رحنا ملح بيده .
بشاير : امشي نكمل لعب بغرفتنا أصيِل الحين بينام .
بيسان : يلا قدام .
.
.
" عند عائلة ابو كاران "
ابو كاران : شفيكم ساكتين ؟
سلطان وهو يلعب بالملعقه : مالي مشتهي شي .
ام كاران بـ عصبيه : اقول ابلعو واحمدو ربكم .
سلطان وهو يبتسم وصار يبلع وهو مشتهي من ماك: ابشري يالغاليه .
دانيه قامت : الحمدلله شبعت .
سلطان قام وغمز لها : وانا شبعت .
ام كاران ناضرت فيهم وعصبت : اقعد انتي وهي يلا اقعدو عارفه لكم تبون تطلبون من ماك ذبحكم المطاعم .
كاران وابوه ماتو من الضحك : هههههههههه .
سلطان : والله تعودت على ماك شسوي .
دانيه وهي تحاول تاكل : ماما ابي سلطه .
ام كاران تسكب لهم : يلا اكلو هذا الاكل صحي مو اكل المطاعم اللي مافيه خير .
.
.
" عند ام طلال وفادي "
ام طلال ابتسمت بـ خبث : جبت معك اسكريم !
فادي ماسك كيس مليان اسكريم : يب .
ام طلال : ادخل وعطها وخوذها طيب !!!
فادي : طيب بس قبل كل شي وش بتقولين لابوها؟
ام طلال بـ فكره : معليك راح اضبط كل شي .
فادي : طيب .
ام طلال وهي تشوف الساعه وقالت بنفسها : المغرب يجي ومعي وقت .
دخل فادي وانصدم من جمالها وفتح فمها وفهى فيها صح كانت صغيره سن بس تجذب كل من يشوفها وتقدم وهو معه كيس مليان اسكريم وطلع حبه لاجل يقدر يخليها تطلع معه ..
فادي اقترب منها : شموخي تبين اسكريم .
شموخ ابتسمت ومدت يدها وهي تاخذ الاسكريم .
فادي بلع ريقه : طيب قومي معي عشان اذا قمتي اعطيك بعد وانتي تحبين الاسكريم صح !
شموخ هزت براسها بـ أي وقامت معه وطلعت وركبها بالسياره وخلاها تنزل راسها لاجل ما احد يشوفها معه وام طلال فتحت الشباك حق غرفة شموخ وسكرت الباب عشان ابو طلال ما يلومها وراحت وهي تحس بسعاده عشان شموخ راحت من حياتها ودعت انها ما ترجع ابداً وراحت تسوي اكل وتنتظر قدوم عيالها وهي فرحانه *
.
.
في المغرب "
ابو طلال رجع وهو تعبان : وين الغداء ؟
ام طلال راحت للمطبخ وهي تحط له : يلا جايه .
ابو طلال ماسك رجوله بتعب : شموخ كيفها !
ام طلال بلعت ريقها : معليها نايمه .
ابو طلال ارتاح وهو يقول : طيب انا باكل وبنام .
ام طلال جابت له الاكل : بالعوافي حبيبي .
ابو طلال استغرب منها : اليوم وضعك غريب فرحانه .
ام طلال خافت : هاه لا وين انا دايم كذا .
ابو طلال : مدري بس دايم اشوفك معصبه بس يلا معليه ويسلم يدينك .
ام طلال : بالعافيه .