معشوقتي متوحده.

Part ; 43

" عند ديالا ومنى "
منى : صارلنا 3 سنوات هنا انا ما اقدر اتحمل بسافر بامريكا .
ديالا : ادري ان زواج مروان صدمك بس انا مقدر اروح.
منى : صارلك 3 سنوات تراكضين وراه ولا عطاك وجهه!
ديالا وهي تفكر : تدرين صادقه ضاع عمري وانا انتظره.
منى : انا بحجز لـ إمريكا تبين حياك الله .
ديالا دق جوالها : اصبري انتي .
منى : طيب .
ديالا ردت : هلا يا يبه ؟.
ابو ديالا : وين الغيبه صارلك 3 سنوات بالسعوديه ؟
ديالا : اليوم بحجز طياره مع منى وبنجي .
ابو ديالا : يكون زين لك تقدمو لك ناس .
ديالا فرحت : جد خلاص جايين ان شاء الله .
منى بـِ إستغراب : شنو فرحك ؟.
ديالا : تدرين انتي صادقه لو بقعد انتظر أصيِل ما بستفيد شي خلينا نروح لا تقدمو لي ناس .
منى حضنتها : مبروك يا روحيي .
ديالا : يبارك فيك .
" بعد وقت جهزو شناطهم وراحو لامريكا وكانو مبسوطات مره "
.
.
" عند الجامعة "
نزل سلطان وهو متوجهه يدور على هتِاف وكان سطام قاعد بالسياره ولمح زول بنت تمشي وفهى فيها ،،
سطام قام : اهلين انتي اخت طلال ؟.
سمر إبتسمت : ايي هلا فيك .
سطام وهو يحك دقنه : جيت مع اخوي سلطان عشان بيخطب هتِاف .
سمر ابتسمت : مبروك .
سطام وهو خاق على خجلها : يبارك فيك .
سمر : عن اذنك بروح .
سطام : لحظه !
.
.

" عند سطام وسمر "
سطام : تبين اوصلك معنا ؟.
سمر ابتسمت : عادي .
سطام : لا عادي خليك معي ولما يجون سلطان وهتِاف نمشي مع بعض شرايك !.
سمر هزت بالايجاب : اك مافي مشكله .
سطام فتح لها السياره وقعد جنبها : ايي كيف الجامعه معك !.
سمر ابتسمت : حلوه .
سطام ابتسم على خجلها : الواضح تهتمين بدراستك كثير .
سمر وهي منزله راسها : لان ماعاد في شي بالحياه يدوم غير الشهاده .
سطام حزن على حالها : شدعوه سمر معليك اهدي .
سمر وهي دموعها تنزل  وتمسحهم: لا عادي .
سطام قرب منها وهو يعطيها مناديل : تفضلي .!
سمر : دايم احلم فيها مدري ليش .
سطام بـِ إستغراب : مين هي ؟.
سمر وهي تناضر بـِ عيونه : شموخ اختي الصغيره .
سطام استغرب : مين هذي ووينها هي ؟.
سمر بدت تشرح كل شي له : بس هذي السالفه .
سطام انفجع من القصه : احس غلط انكم تأذونها وهي طفله وبهذا العمر .
سمر : تدري انا مستغربه ليش تجيني باحلامي ولما فسرت الحلم قالت خويتي انك ظالمتها .
سطام : مدري شقولك بس حتى لو كانت هي قتلت ابوك يعني هي طفله متوحده ما تدري عن نفسها .
سمر فتحت جوالها وهي تشوف صورها : هذي اختي .
سطام ناضر لها : ماشاءالله تبارك الله من صغيره مزيونه كيف لو كبرت .
سمر خزته وسحبت جوالها : تسلم .
.
.

" عند أصيِل كان قاعد وهو يفكر له 3 سنوات ما لقى اثر لـِ شموخ وكأنه هالسنوات مشت بسرعه وصار يفكر كيف يلقاها وشلون ،،
مروان : أصيِل .
أصيِل قام من كرسيه : ارحب مروان .
مروان جلس : دورنا بكل مكان ما لقينا اثر لشموخ !
أصيِل بـِ حزن : لازم نسوي شي .
مروان : وش بنسوي يا أصيِل صارلنا كثير ندور ولا لقينا شي لها حتى بكل مكان ما لقينا شي لها ونزلنا قصتها ولا لها اثر مو معقوله .
.
.

" عند الجامعه "
طلعت هتِاف وشادن مع بعض وهم مبسوطات ،،
شادن : اقول شرايك نروح كوفي وبالليل نحتفل!
هتِاف والفرحه مُش سايعتها : تمام ما عندي مشكله.
سلطان وهو شافها وحط ركبته بالارض ورجله الثانيه وفتح علبة الخاتم وكان الخاتم الماس : هتِاف توافقين تتزوجيني!
شادن وكل الطالبات والطلاب بدو يصفقون وهم يشجعونها توافق ،،
هتِاف دمعت عيونها وهي حاطه يدها بفمها : حبيبي.
سلطان وهو يبتسم : ابك رجلي راحت فيها موافقه علي!
هتِاف وهي تبكي من الفرحه ونطقت : موافقه موافقه موافقه وكلهم صفقو لهم وسلطان لبسها الخاتم وشالها وهي يدور فيها والكل كان يصفق لهم وسطام شغل اغنيه وعله على الصوت لاخر شي وهو ينزل وسمر نزلته وصار يرقص مع سمر قدام الكل وكلهم يصفقون وهتِاف تحس الدنيا مو شايلتها من الفرحه وسلطان شالها وركبها بالسياره وركبو كلهم وراحو متوجهين للكوفي وبعدها للبيت ،،
.
.

" عند بيت طلال وسمر "
سمر نزلت وهي رايحه وام طلال شافتها وهي تركض للصوب اللي وراء الباب وسمر دخلت وخذت ملابسها ومنشفتها وراحت للحمام الله يكرمكم وام طلال شافتها فرصه وهربت من البيت .
.
.
شموخ كانت تتعالج عند اكبر الاطباء بالاسطنبول وكانت تتمشى وهي تخالط كل اللي بالمستشفى وهي شوي شوي تتعالج وكانت مستمره معهم وهي تركز بدراستها وكانو يهتمون فيها والعجوز تأخذها باخر الليل وتعطيها اكل وتخليها تنام ولما يجي الصبح تأخذها للمستشفى وهالحال استمر 3 سنوات وكانت العجوز تهتم فيها رغم إنها كانت تضربها وكأنها بنتها بس ما ترضى عليها وراحت وهي تفكر بهدفها بعد سنتين راح يتحقق هدفها .
.
.
#معشوقتي_متوحده