معشوقتي متوحده.

Part ; 7

" في الجامعه تحديداً "
توجهه سلطان عند هتِاف ونظرات الحقد بعيونه : هي انتي .
هتِاف خزته : نعم وش تبي ؟؟
سلطان ناضر لـ شنطتها الماركه وكان بيده عصير وقرر يكبه كله عليها : الصراحه في شي تحتك كأنها حشره.
هتِاف بـِ خوف قامت تنزل راسها وتناضر : وين يماهه!
سلطان فيه الضحكه وكاتمها : هذي هذي هنا .
هتِاف انجنت : وينها يماهه .
سلطان قرب واشر على شنطتها : هنا هنا .
هتِاف لفت للشنطه وفجأهه انكب عليها العصير وعلى شنطتها اللي شرتها بـ فلوسها وشافت الكل يناضر فيها ويضحك .
سلطان يضحك بقوه : اردها لك واعلمك كيف تكبين علي قهوتك الحاره على الاقل كبيت عليك شي بارد .
هتِاف رصت على إسنانها : جد انك وقح يا حقير .
سلطان : مو اوقح منك اربيك انا .
الكل كان يضحك عليهم وهم ميتين ضحك .
هتِاف بصراخ : مافي شي يضحك مفهوم انقلعو احسن ما اجرم فيكم يا كلاااب .
.
.
رعد : اوف اوف شسويت حمار انت ؟؟!
سلطان : اللي يحط عقله بـ عقلي اربيه انا .
رعد : الا قول كيف امور الشركه معك !
سلطان : يا رجال كرف الجامعه والشركه كلها فوقي.
رعد : الا اقولك سلطان البنت اللي كانت مع اللي تهاوشت معها شسمها ؟
سلطان بـ عصبيه : انا ما اعرف اسم اللي تهاوشت معها تبيني اعرف اسم خويتها !!!
رعد : يا رجال علزق وقوم عني مريض انت "وراح"
سلطان بـ صدمه : هذا شفيه عشان بنت عصب !
.
.
" عند هتِاف وصاحبتها شادن "
شادن : بنت غسلي شعرك كله عصير .
هتِاف بـ غضب : صدقيني ماراح اخليه يتهنى .
شادن : انتي وهو من اول ما دخلتو الجامعه وهواش .
هتِاف وهي تفك شعرها اللي انخرب من العصير : صدقيني يا شادن هو قليل ادب اللي بداء بس ما افوته له .
شادن بتساؤل : اللي معه شكان اسمه !
هتِاف بتحلطم : شادن تكفين انا اصيح من الموقف وانتي تسألين عن اسم السخيف هذاك !!!
شادن حست على نفسها : طيب اصبري بساعدك .
هتِاف : يلا .
شادن راحت لاقرب مكان جابت صابون وشامبو وكلمت امها تحط لها ملابس وقالت لها خليه السواق يجيبهم وسكرت منها وراحت عند هتِاف "
.
.

" عند مركز الشرطه "
دخل أصيِل ومعه شموخ اللي تلف يمين ويسار وجلسها بالمقعد وقالها : خليك هنا .
أصيِل طرق الباب : ممكن ادخل !.
الشرطي : تفضل .
أصيِل دخل وشاف طلال : السلام عليكم سمعت انكم تبحثون عن بنت قاصر ؟
طلال قام : اي وينها ؟
أصيِل : الحين اجيبها لكم .
طلال قام معه وشاف شموخ اخته : شموخخ ؟؟
أصيِل اذنه ترددت باسمها : شموخ شموخ شموخ .
طلال سحب شموخ من يدها بقوه وبـ عصبيه وبصوته العالي : وين كنتي هاهه بسببك ابوي تعب يا حقيره .
شموخ تحاول تسحب نفسها وصارت تلف يمين ويسار الخوف يداعبها : اتركني اتركني اتركني .
أصيِل دفه بقوه : هي انت حدك عليها .
طلال مسكه من ياقته : انت مين عشان تتدخل بيني وبين اختي!!!
أصيِل دفه بقوه : هالبنت هذي متوحده ولا اسمح لك تسوي كذا فيها .
طلال انصدم بقوه : كذاب اختي مو متوحده هي كذا .
أصيِل : ههه تعلمني انا دكتور للامراض التوحد واختك فيها هالمرض التوحد .
طلال قام من مكانه وصار يناضر لـ شموخ وهو يحس الندم يأكله ويأكله كيف لو درا أبوه إن شموخ بسبب الوحده صارت متوحده : يعنييءء شموخءء متوحده؟
أصيِل بتوتر : ايي اختك فيها توحد وما يصير تتأذى منك.
طلال قرب من اخته وهي تبتعد عنه وصار يتذكر الماضي ،، "نرجع للماضي "

#فلاش_باك
كان طلال صغير وشاف إمه تبكي بحرقه ودخل ولقى ابوه شايل طفلته الصغيره وقرر ينتقم لامه وبيوم من الايام ابو طلال قرر يسافر لاجل يوفر لعياله لقمة العيش وكانت ام طلال تكرهه شموخ وكان كرهه طلال كبير لاخته هو وسمر لما تدخل معهم المدرسه تعرضت للتنمر من الاطفال وصارت تقعد بروحها وهي خايفه وحتى في المنزل شموخ وهي طفله تعمقت بالوحده وكانت تقعد كثير لحالها وتتأمل السماء لما ولا عمرها صار عندها صحبات كانت وحيده من هي وصغيره بسبب ان زوجة ابوها واخوانها ما يحبون امها وام شموخ لما ولدتها توفت بسبب نزيف وشموخ كانت تتعرض للضرب من اخوانها ومرت ابوها .

.
.

عند مركز الشرطه "
"نرجع للواقع"
نزلت دمعه حاره حرقت خده : شموخ تعالي ابوي ينتظرك هناك .
شموخ بـ خوف مسكت أصيِل لانها شافت حنيته عليها : لا لا لا .
أصيِل شافها خايفه وقرر يروح معها : خلاص بروح معكم .
طلال : تسوي خير يا دكتور مشينا .
أصيِل مسك شموخ : يلا .
.
.
"عند هتِاف وشادن "
شادن : الحمدلله خلصتي جبت لك كل شي .
هتِاف : تدرين كنت بموت والله الحمدالله جبتي الاغراض عشان اقدر اروح .
شادن : هذا الكيس حطي فيه اغراضك اللي توصخو .
هتِاف حضنتها : شكراً لك يا شادن والله صح تروشت بمويا بارده بس جد شكراً لك .
شادن ضحكت وضربت كتفها : من متى بيننا شكر !
هتِاف شالت اغراضها : تدرين توني اتدكر امي وصتني اروح عند هالعنوان عشان اخذ اغراض مهمات .
شادن : يلا مشينا .
.
.
" عند سلطان ورعد "
سلطان : دقيت على الوالده وقلت لها اني عازمك عندي.
رعد : قدام عشان مشتهيه الغداء والله .
سلطان : اضبطك يا ورع .
رعد : اقول امش بـِ سيارتك .
سلطان : قدام يلا .
.
.
" عند مروان وريما "
ريما : كأنو أصيِل تأخر ؟؟
مروان : الحين بدق عليه .
ريما بتوتر وتفرك يدينها : اي دق عليه .
مروان دق ولاكن الجوال مغلق : ما يرد .
ريما : شكله انشغل لي زمان عنه والله .
مروان : معليك العياده كرف وكذا .
ريما : لا عادي بس ممكن تطلب لي تاكسي !
مروان : ابشري والله .
.
.
توقعاتكم💙🫶🏻.