ورحت الها بستها براسهه واعتذرت وكلتلها كلشي كاله علاء القذر وكلتلها امسحيها بوجهي واعذريه ومن هاذ الكلام وهي نزعجت منه هاذ شنو وضعه
غزل_ يعني شنو من بشر يتحرش بي واني مادري بي
مصطفى_ والله اخذت حقج منه وكتلته ورزلته وطردته من البيت بعد شتردين
غزل_ سد الموضوع
مصطفى_ مو تدللين أمري شتردين غده اطلبلج
غزل_ ماريد زقنبوت
مصطفى_ لا تردين زقنبوت وتزقنبين غصباً عنج
غزل_ ماريد هي كوه
مصطفى_ شبيج مو على بعضج
هي راحت واني لحكتها ودي افتهم لكيتها كاعده على الكرسي الي بالغرفه حاطه ايدها جوه حنجها وصافنه بالكاع
مصطفى_ الصفنه مو الج
غزل_ مصطفى اب الله عوفني بحالي
مصطفى_ لو افتهم شبيج
غزل_ مابي شي
مصطفى_ لاا صدكتج كولي لا تضمين
غزل_ مصطفى عوفني حايره بزماني
مصطفى_ شبيج ماتكليلي
غزل_ ماا
مصطفى_ بكيفج
عافتني وراحت صفنت بالمرايه واني صافن عليها بشنو تختلف عن اختهه هم ملامحها بريئه وهم تنكط براءه صحيح لسانها طويل وترد وتكتل همين تخاف وتنكط براءه مو مثل اختها ملامحها بريئه وتنكط خباثه وسم
مصطفى_ غزل فهميني ليش ضايجه
غزل_ مصطفى تعوفني لوو
مصطفى_ لو شنو كملي
سكتت وراحت واني المحيرني شبيها اليوم كالبه خلقتها عليه هاي بمكان ماتفرح اني راح اخطبهه نزلت لكيتها بالصاله كاعده لوحدها دتبجي وحاطه
راسهه بين رجليهه شفتها حسيت اكو شي ورحت صعدت لغرفتها شفت تلفونها عالجربايه واخذته وهي حاطته بدون باسورد جاييلهه مسج من محمد" غزل ترجعين بعينِ واغاتي لو انشر كل صورج وها بعد متحجين... اني ضجت ونزلتلها وحضنتها
غزل_ مصطفى عوفني
مصطفى_ ادري بيه هالعار ديهددج
غزل_ شنو؟
مصطفى_ اي شفته شلون يهدد بيج وبصورج ولتخافين مراح يكدر ينشرها
رجعت تبجي اني دمي فار على محمد خابرته كلتله اني اريدك بفلان مكان تعال بسرعه وكفتله بالمكان الي انتضره بي لحد ما اجه دمي فار كلش وماكدرت
اسيطر على اعصابي وضربته راشدي
محمد_ خخخ هاي ليش تضرب
مصطفى_ البنيه راح تصير على ذمتي وانت تحبهه وتهدد بيهه
محمد_ اي حقي تخوني وويه صديقي شكد قبيحه هاي الخيانه لعد
مصطفى_ وانته خيانتك اقبح تخونهه ويه اختهه
محمد_ بس أ....
مصطفى_ عيب عليك تريد بنيه وتهددها وهي متريدك ياخي هي كوه
محمد_ بس
مصطفى_ تفضل هاي فلوس وتمسح صورها وياويلك يامحمد اذا اشوفك ناشر صورهه اكتلك بالقندره وروح اتهنى ويه اختهه وعوفهه بحالها
انطيته ضهري ومشيت لكيتهه بعدهه تبجي رحت حضنتنها وهاي الاجواء
مصطفى_ لتبجين اخذ حقج منه
مصطفى_ شبيج بس لانبلع لسانج احجي
غزل_ لالا مانبلع
مصطفى_ محمد صلوات طلع عدهه لسان وتحجي
غزل_ اممم
مصطفى_ هسه انتي تبجين علمود محمد خليولي
غزل_ شجاب محمد بالنص
مصطفى_ جا مو مهددج بصورج
غزل_لا شنو مهددني واني مادري
مصطفى_ يجوز مهددج وانتي متدرين وماشايفه الرساله
غزل_ يجوز
مصطفى_ زين ليش تبجين
غزل_ مابي شي بس مشتاقه لأمي
مصطفى_ اهوو مو هي مرادتج الي ميريدج لتريديه
غزل_ مصطفى
مصطفى_ رُوح مصطفى
غزل_ ترا هاي امي مو شي عادي
