غزل_ اي والله حضل هيج اتصرف
مصطفى_ عفييه طيحي حضه بسوالفج
غزل_ ههه والله لو ما هبه جا هسه انت ممصدكني
مصطفى_ اي والله
غزل_ صدك هيه وينهه هبه
مصطفى_ راحت بس ضلو ناريمان وحور
غزل_ هاا ليش مخليتهه تبقه
مصطفى_ ههه انتي شسالفتج ويه هبه حتى كمتي تحبيهه اكثر مني ترا انتي متزوجتني ما متزوجه هبه
غزل_ هيه سوالفهه حلوه مو مثلك تتغزل بي لو تسوي وضع رومانسي
مصطفى_ يي لعد غير زوجتي
غزل_ انعل ابوك لابو زوجتك
مصطفى_ عادي
غلست عليه وتمددت فوك الجربايه هو اجه تمدد يمي وشغل بالتلفزيون فلم رعب واني مو مال افلام رعب كلش خوافه هذيج المره ابن خالتي سوه بي مقلب
ضليت بصدمه يومين مو نوب اباوع وياه وضليت منتبهه ويه الفلم مو طلعت الجنيه صرخت وخليت راسي بكتف مصطفى
مصطفى_ هههه مادري بيج هلكد خوافه
غزل_ دوخرر
مصطفى_ اني اوخر لو انتي مدخله راسج بكتفي
ضحك وخله ايده على ضهري وفجأه دخلن الحيايه ناريمان وحور
ناريمان_ هاي شصاير هنا
مصطفى_ وانتي شعليج طلعو برا
حور_ شبيهه غزل خايفه اكو شي؟
مصطفى_ لا تدخلن واطلعن برا
ناريمان_ حاضر يلا خنروح
سمعت صوت الباب انسد هو ضل يلعب بشعري واني صافنه بلكاع ومجلبه بي
مصطفى_ فديت الشفايف الترجف
غزل_ ها؟
مصطفى_ خليج بهاي الحاله خليج بحضني لا تكومين اني ماصدكت انتي بحضني واخيراً
حسيت نفسي هواي تعبانه وانطيته ضهري ونمت الصبح رحت سبحت وطلعت من الحمام بدلت ومشطت وسمعت صوت صريخ ناريمان ومصطفى
يرزل بيهه نزلت بسرعه لكيت قايمه القيامه رحت وكفت يم باب الغرفه الي ديتعاركون بيهه
مصطفى_ اني الف مره كلتلج لا تسوين هاي السوالف لو تموتين ماتزوجج هسه تلملين چوالاتج وتمشين منا وبعد ماتجين خطار للبيت ماتوصلين كحبههه
ناريمان_ اني احبك اريد اتزوجك ليش تسويي بييههه هيج
مصطفى_ ماتفتهمين انتي ماتفتهمين اني فصخت خطوبتي منج ياكحبه طلعييي برا بيتييي انتي وحويره
جنت واكفه مصدومه هاي ناريمان ماعدهه كرامه لمحني مصطفى اجه يهدي بيه واني برود وصدمات
مصطفى_ اهدي اهدي ماكو شي
غزل_ كل هاذ وماكو شي
مصطفى_ بس مشاكل بسيطه
غزل_ بس بالنسبه الي جبيره
مصطفى_ غزل لا تكبرين الموضوع
غزل_ عندي فكره تخلص من هاي السيره
مصطفى_ شنو هي؟
غزل_ طلكني واتزوجهه وعيشو حياتكم
مصطفى_ صدك تحجين غزل ماتحبيني؟
غزل_ لا شلون ماحبك وادري راح اترس مخدتي دموع تالي الليالي على حضي وحض المكروده ماري وحض امي بس عيش حياتك
مصطفى_ مستحيل اعوفج ولا تفكرين اعوفج
جرني لحضنه وادري بنفسي سويت دراما وكبرت الموضوع بس عبرن من يمنه حور وناريمان يردن يرحن للبيت مصطفى خزرهن وهن كبل طلعن
