مصطفى_ ما اولي
غزل_ انجب لا اكوملك بالقندره وان كمتلك محمد ما يخلصك من بين ايديه
مصطفى_ ماتكدرين انتي ماتكدريلي
غزل_ انجب
مصطفى_ على نفسج
غزل_ دروحح
مصطفى_ ماروح
خليت ومشيت مثل الي واثقه من نفسهه وجريت هبه من ايدهه وكعدنه عالتخم نسولف واجت ناريمان جايبه الجاي حطته علميز ورادت تروح
غزل_ وين وين؟
ناريمان_ هاي الجاي وجبته شنو تردين
غزل_ انطيني الجاي وانطي هبه هم
ناريمان_ ففففف
غزل_ يلا
هاي انطتنه جاي كعدنه نشرب ونسولف صار العصر رحت بدلت هدومي لبست بنطرون اسود وقميص احمر ومشطت شعري وطلعت بسرعه وصلنه للصالون
ام الصالون_ وين العروس
غزل_ اني العروس
ام صالون_ ما شاء الله تعالي كعدي على هاذ الكرسي
اشرتلي على الكرسي كعدت حطتلي مكياج وسوتلي شعري ولبست البدله جانت حمره وطويله للكاع بس حلوه اجت امي حضنتني
امي_ الف مبروك حبيبتي غزوله
غزل_ يوم الالج
امي_ شنو يوم الالي؟ هههه
غزل_ وين ماري اريدهه؟
امي صاحت الماري اجت وكفت يمي
غزل_ يوم الالج انتي ومحمد
ماري_ مم اشكرج
غزل_ اي وتحبينه ويحبج
ماري_ يلا اني رايحه
غزل_ روحي لازمتج اني
وصلت لبيتهم مو سوو الحنه ببيت مصطفى باوعت لناريمان تباوعلي وتخزر بي خزرتهه وضليت اركص اني وساره بمكان ماري لان عود غيرانه ساره فرتني عود ضحكت عليهه
صار الوكت الي لازم نرجع بيه للبيت اني رجعت لبيتنه واخيراً قبل مصطفى وصلت لبيتنه بدلت هدومي ومسحت المكياج ونمت كبل كعدت الصبح رحت سبحت ولبست فستان احمر قصير نزلت اسوي ريوك
سويت بيض وچاي وكعدت اتريگ اجتني امي تهلهل من وجه الصبح ضحكت عليهه" كللللوش احله عروسس كاعده من الصبح طالعه جنج كيمر
غزل_ اشكرج امي
امي_ فدوه شلون عروسه احسد مصطفى عليج
غزل_ يمه كافي اخجل
امي_ خليني اتباهه بتي الحلوه
غزل_ يمه هههه
امي_ اريدج تكسرين خشم بنات خالج
غزل_ تمام تمام هههه
سوت لنفسها ريوك وكعدت ماري تتريك ويانه وسعد طلع للشغل ماري من وره خشمهه تباركلي مادري شبيها عزه العزاني بس لا حطت عينها على مصطفى ادري بيهه ام الولد هاي
ماري_ يلا شبعت
امي_ انتي شأكلتي علمود تشبعين؟
ماري_ اي مو شبعانه
غزل_ يلا كومي خاتونه ادري بيج حاطه عينج على واحد
ماري_ شنو؟
غزل_ اي ادري بيج حاطه عينج على ابو الصوف
ماري_ شبيج غزل؟
غزل_ عبالج ماعرف سوالفج؟
امي_ ياا غزل شبيج
غزل_ اختي واعرفهه ماشفتيهه اول ماختفيت عن محمد راحت وخطبته هسه اكيد حطت عينهه على مصطفى
ماري_ اهوو يلا اني رايحه
غزل_ عساج مارجعتي
