كعدت يمه وضليت اسولف وياه وناكل خلصت وكمت
مصطفى_ وين رايحه؟
غزل_ اغسل غير؟
مصطفى_ بهل سرعه تشبعين
غزل_ بس ماشتهي اكل هواي
خليت ورحت اغسل اماعين صعدت فوگ بالغرفه لكيت لميس كاعده شلتها جانت هادئه شلتها و نزلتها بس نزلت ضلت تصرخ بقيت شايلتها افتر بين ما
اسويلها حليب واجاني مصطفى
مصطفى_ انطيني ياهه اشيلها بين ما تسويلها حليب
غزل_ اخذهه بعد احسن
مصطفى_ طالعه على امها عدها خدود
غزل_ تشبهك بالخشم والحلگ
مصطفى_ صدك
غزل_ اي والله شوفها
مصطفى_ فديتها حبيبه ابوها
غزل_ لعد واني؟ هههه
مصطفى_ انتي روحي وكلبي وعمري وغرامي ودنياي وشمسي وقمري وامي واختي وبنتي وحبيبتي وزوجتي
غزل_ مصطفى لا تبالغ
مصطفى_ ما ابالغ بس هاي الحقيقه
غزل_ تفضل هاي حليبها
مصطفى_ راح اخذها
اخذها وراح ضليت مرتاحه فتحت موبايلي لكيت ماري دازتلي رساله" اخذتي حقي بردتي كلبي خيتووو
غزل_ تدللين لعبتها عليه
ماري_ عفيه خيتي
غزل_ الي يأذي اختي مايلوم الى نفسه
ماري_ عفيه تعب امي ماراح بلاش
غزل_ تدللين خيتي محتاجه شي؟
ماري_ لا ممحتاجه
غزل_ باي
ماري_ بايات
قفلت موبايلي ورحت وكفت بالبلكونه لكيت مصطفى شايل لميس ويفتر بيها بالحديقه انتبهلي اني فوگ أشرلي علمود انزل رحت نزلت وكفت يمه
مصطفى_اشتاقيتلج ولله
غزل_ شنو سالفتك تشتاق بسرعه؟
مصطفى_ مو كلبي بس انتي يحبج ويشتاقلج وينبض الج
نزلت راسي خجلانه هو لزم ايدي وباسهه وخلاها على صدره واني ضليت منزله راسي رفع راسي بيده وكال" هاي انتي شلون مامخليج ملكه جمال
غزل_ شدعوه مصطفى لا تبالغ جمالي جدا عادي
مصطفى_ كل هاذ البيج وعادي؟
غزل_ اي
مصطفى_ احبج.. تحبيني؟
غزل_ اي
مصطفى_ كولي والله
غزل_ والحسين اي
جرني من خصري وحضني وحضنته من رگبته سمعت صوت عباس يصفگ بايديه وكال" الله الله عليكم يالرومانسيين
مصطفى_ عباس هههه
عباس_ شعبالكم لعد انتم اكبر رومانسيين
مصطفى_ غزل اخذي لميس وفوتي جوه نامت
غزل_ تمام
خليت ودخلت خليتها على كاروكها ورجعت اراسل بماري
ماري_ ماسمعتي
غزل_ شنو
ماري_ ام محمد متحلفه بيج بس تلزمج تشكج نصين
غزل_ مو تايهه الايدها حتى تضربني
ماري_ ايي والله عليمن شايفه روحها
غزل_ عبالك هي ملكه جمال العالم هي ام (&*#$!)
ماري_ عيب ولج
غزل_ مبين من شكلها ابد مارتاحلها
اجه مصطفى وسحب الموبايل مني
غزل_ مصطفى جيب الموبايل
مصطفى_ ماا جيب
غزل_ جيب
عباس_ انطيه الها ولا تشلع قلبها
