غزل_ اهووو يلا اني حكللها
خليت ونزلت رحت كلت للخدامه تسويله ريوك وصعدت ردت ارجع انام غفيتلي بس 10 دقايق وفزيت من صوت مصطفى"اكعدي شنيمج من الصبح
غزل_ يعني انت عفت الدنيا كلها واجيت عليه
مصطفى_ اي
غزل_ عوفني بحالي لا ولله اكطع القندره فوك راسك
مصطفى_ على كيفج سوندوس
غزل_ سندس شنو اني اسمي غزل حتى اسم حبيبتك محلو
مصطفى_ ثوله
غزل_ لا مو ثوله
مصطفى_ اهووو يلا مو ثوله
غزل_ غصباً عليك
مصطفى_ يلا جهزي نفسج حنروح
غزل_ وين نروح
مصطفى_ يم هبه
غزل_ مصطفى شدعوه الدنيا صبح
مصطفى_ هي خابرتني تكول تجون هسه
غزل_ تمام
رحت غسلت وجهي وطلعت لبست بنطرون بيجي طوخ وقميص ابيض سويت شعري كيرلي ولبست حذاء رياضي ابيض وحطيت عطر
مصطفى_ شهل كشخه
غزل_ دوخرر
مصطفى_ ليش تكفخيني
غزل_ وين كفختك ما كفختك
مصطفى_ والله كفختيني
غزل_ بشنو كفختك؟
مصطفى_ بريحه عطرج الحلوه
غزل_ دوخر احسلك
مشيت من يمه صوفر نفخت هوه ووكفت بدون ما اندار عليه كلتله" شلون حيخليني انزع البرجلي واكطعه عليه... ضحك ضحكه خبيثه
مصطفى_ انزعي اللابسته يالله تنزعين البرجلج
فهمت قصده وفكيت عيوني بصدمه والتفتت عليه
غزل_ شنو ولك؟
مصطفى_ يعني مايصير اتَشاقه
غزل_ اتشاقه بس مو هيج يمعود
مصطفى_ غير رجلج واريد اتشاقه وياج
غزل_ مو هيج الشقه الخاطر ربك مو هيج
مشيت اخذت لميس وركبت بالسياره حطيتها على الكرسي الخاص بيهه وكعدت انتضر مصطفى اتصلت علي هبه ورديت عليها
هبه_ يمته تجون
غزل_ هسه جايين
هبه_ تمام انتضركم
سدت الخط واجه مصطفى ركب بلسياره وحركها ومشه
مصطفى_ لزمي ايدي هي قندره
غزل_ لو تموت
مصطفى_ لعد اني حلزمها
لزم ايدي واتذكرت من محمد بيوم خطوبتنه راد يلزم ايدي ويكعدني يمه بس ماسمحتله ضليت اتذكر اكثر واكثر وصافنه لحد ما وصلنه لبيت هبه نزلت شلت
لميس جانت نايمه ودخلنه للبيت استقبلتنه هبه جانت كاعده بالطرمه تنتضرنه
غزل_ شگعدچ هنا بهل حر
هبه_ عادي
غزل_ بشرفج ليمته انتي كاعده هنا
هبه_ قبل 10 دقايق
غزل_ زين
هبه_ يلا فوتو جوه ليش واكفين هنا
دخلنه جوه كعدنه بالاستقبال اجتي هبه تحجي وياي سولفت وياهه شوي وصارت الساعه 11 راحت هبه تسوي الغده رحت وراهه اساعدها وضلينه نسولف
ونحضر الغده استوه الغده الساعه 12 الضهر صبينه الغده وكعدنه ناكل خلصنه كمت اغسل وخلصت رحت اغسل الاماعين و هبه دتسوي الجاي كعدنه
بالهول نشرب چاي لكيت كلاص زايد كلت اكيد هبه مخربطه اجه واحد كعد يم مصطفى جان شكله غريب عيونه سود واسمر ولابس اسود وجان
