رجعنه للبيت اني صعدت الغرفتي وبدلت هدومي مسحت المكياج وساره رجعت للبيت واني حطيت راسي ونمت كعدت الصبح رحت سبحت لبست فستان احمر ومشطت شعري وحطيت مكياج ونزلت
ناريمان_ صباح الخير بعروستنه
غزل_صباح النور
ناريمان_ تدرين مصطفى جان خطيبي و...
غزل_ اييي مو كلتي الف مره طكت روحي مصطفى ومصطفى الى متى تبقين بلا كرامه وتصفين مو فصخ خطوبتج عوفيي بحاله
ناريمان_ هاهيه ماجيب طاري بعد
غزل_ اي هيج صيري
مشيت صادفتني هبه بطريقي" هله بعروستنه الحلوه ما شاء الله طالعه ايه من الجمال
غزل_ اشكرج هبه
هبه_ والله طالعه صاكه تروحلج فدوه ناريمان
غزل_ ستوهه اجتي كلتلي تدرين مصطفى جان خطيبي رزلتها رزاله مال غسل ولبس
هبه_ حيل تسوين بيهه
غزل_ بشرفج مو رزلتها رزاله
هبه_ ايي حيل وابو الزايد.. صدك انتي باجر حنتج
غزل_ اي والعرس وراهه بيوم
هبه_ مبين مستعجل الاخ هههه
غزل_ ههههه
هبه_ دوم
غزل_ بوجودج يالغاليه
مصطفى_ صباح الخير
غزل_ صباح النور
هبه_ صباح النور
مصطفى_ يلا اني رايح للشغل
غزل_ روحه بلا رده
مصطفى_ هههه ليش ولج
غزل_ امشي امشي لا اكطع القندره على راسك
مصطفى_ يلا باي
ابتسملي وراح وراهه اجه عبدلله باوعتله صاير طبيعي تعجبت منه
عبدلله_ هبه روحي سوي ريوك غزل اريدج بموضوع تعالي للهول
غزل_ تمام
لحكته للهول شعده كعدت على التخم وباوعتله
عبدلله_اتمنى تسامحيني على الي صار قبل خطوبتكم
غزل_ ليش شنو سويت انت؟
عبدلله_ لا تغشمين روحج اني تحارشت بيج هواي واتمنه تسامحيني
غزل_ مسامحتك
عبدلله_ مو من كلبج؟
غزل_ مسامحتك من كل كلبي بس عوفني اولي
عبدلله_ يلا تمام مادام سامحتيني
خليت ومشيت ورحت للمطبخ يم هبه
هبه_ شجان يريد منج عبدلله
غزل_ اعتذار
هبه_ اعتذار ليش هو شمسوي؟
باوعت الهه ماريد اكول له الموضوع الاساسي
غزل_ لا بس تعاركنه قبل الخطوبه
هبه_ هااا
غزل_ اي
دخل عبدلله يتريك سدينه الموضوع
عبدلله_ عاشت ايدج هباوي
هبه_ بالعافيه
عبدلله_ الله يعافيج
غزل_ اكلك عبدلله ليش متتزوج ناريمان
عبدلله_ مجايز من روحي
غزل_ ههه ليش ولك
عبدلله_ مسودنه ماسولفتلج شسوت بيوم خطوبتها من مصطفى
غزل_ ليش شسوت؟
عبدلله_ بيوم حفله خطوبتهم مصطفى شاور بت خالي وهي عود تغار كبت الغيره عدهه وكومي وكتلي بت خالي
غزل_ ههههه
هبه_ لو من حركت فستانهه علمود مصطفى يشتريلها فستان ثاني
غزل_ هاي مخبله لتخلوهه تتزوج بعد
ناريمان_ ترا سمعتكم تحجون علي
عبدلله_ وشنو المطلوب
ناريمان_ ترا حرام عليكم تحجون علي اني بريئه واني مثل الطفله ازعل بسرعه ممم زعلت منكم لا تحاجوني
