ضليت سهرانه طول الليل ابجي لحد ما اذن الفجر كمت صليت ونمت كعدت العصر
حسيت نفسي مشتهيه شي حالي كمت سبحت ولبست روب مشطت شعري حطيت مكياج خفيف ولبست بنطرون وتيشرت اسود واخذت 25 من امي اشتري بيهن طلعت اتمشى للاسواق وجان الجو حلو والهوى يضرب بوجهي وشعري يتطاير وصلت للمحل ولكيت محمد واكف يم باب المحل كلبي فز 12 فزه وخزرلي ودخلت للمحل اشتري كملت وطلعت لزمني وردت افلت بس لزمني كل قوته وباوعتله خزرلي
محمد_ اني مو كتلج لا تجيبين طاري؟
غزل_ اي
محمد_ لعد ليش كتليهم؟
غزل_ مو همه هددوني ورادو يغسلون بعارهم واني اعترفت لان ادري بيك راح تطيرهم
محمد_ وهسه شلج بهل حلويات كلهن مو مضرات على صحتج؟
غزل_ خرا بي وبصحتي
محمد_ لا دا احجي جديات ترا كلش مو زين تاكليهن بحدج وحيضرنج ياذن سنونج وانتي مكثره بالاندومي وبعدين معدتج حتاذيج وتعيشين عالمغذيات
غزل_ اكلهن كلهن شعليك انته؟
محمد_ مو دا اخاف عليج
غزل_ تخاف علي من الاكل بس ما تخاف علي من تكتلني وتأذيني وتكسر بخاطري تدري امس مانمت الليل كله ابجي
محمد_ اريدج تقنعين اهلج اجي اخطبج
غزل_ بس اني ماريدك تخطبني!
محمد_ مشكلتج مو مشكلتي المهم اني اريد اخطبج
غزل_ دروح طز بيك وبخطبتك
محمد_ تردين اسوي بيج مثل امس وازود؟
غزل_ اكيد لا
محمد_ لعد انجبي وقبلي بيه
غزل_ اكيد لا اني ماحبك
محمد_ هاج هاذ حسابي شوكت ماتوافقين كولي لي
غزل_ ان شاء الله
خذيت منه الورقه ورحت للبيت واني افكر اذا قبلت بي اذا تعصب مني حيضربني ويعذبني عذاب ما اتمناه العدوي وحيخليني اشتغل بالبيت طول اليوم واني اتعاجز واحب النوم من كثر حبي للنوم حتى بطلت من المدرسه ونوب لفيت راسي ونمت كعدت بـ9 بالليل على صوت ناس جوه مشطت شعري وحطيت عطر ونزلت جان شكلي مرتب وشفت ابن خالتي علي وخالتي يسولفون وامي تسولف وياهم علي شافني ضحك وغمزلي واني خزرته ورحت للمطبخ دا اسوي اكل لان كعدت ميته من الجوع وجان احس اكو واحد ديمشي بالمطبخ درت راسي بسرعه لكيته علي واني تذكرت شلون غمزلي وانفعلت وعصبت وكتله
غزل_ انته هيو شبيك تغمزلي؟
علي_ مو شفتك ياحلو
غزل_ ونوب يكولها بوجهي الادبسزز
علي_ سبيني شلون ماتردين لان السب من حلكج يطلع مثل الورد ياريت لو ابوس هاي الشفه
غزل_ اني اعلمك
انفعلت كلش ورحت سطرته براشدي خليته يفرك بخدع ودفرته بطنه ودفعته بالكاع وطكيتها ركضه للغرفه حتى الطبخه نسيتها عالنار ونوب رجعت نزلت اكمل اطبخ ورجع للمطبخ باوعتله
غزل_ شكلك انته ماتوب
علي_ لا دخيلج اجيت اشرب ميه
غزل_ سم وزقنبوت بطنك
هو زعل وطلع صفنت وكلت" هسه هاذ مازعل من الكتله زعل من كلمه وجان تدخل امي وتصيح بي
امي_ ولج هاي شمسويه لعلي؟
غزل_ هو غمزلي بالاول
امي_ اي مو حيصير خطيبج
غزل_ يمه احجيلج ياهه من الاخير اني ماريده
امي_ صخام براسج ليش
غزل_ بكيفي ماحبه ماينبلع
