مصطفى_ خو ما بعدج تبجين
غزل_ لا شوي
مصطفى_ ولله حيرتيني انتي
غزل_ هسه لو مات جدك شتسوي
مصطفى_ الله لا يگولها
غزل_ ماتنجب غير انته جدك مهكر الموت
مصطفى_ هسه عوفينه من هاذ الموضوع ليوين تردين توصلين
غزل_ للكمر
مصطفى_ صايره حشاشه
غزل_ استغفر الله والشكر اسكت يكولون ليش ساكته احچي يحجون على حچيي
مصطفى_ استغفر الله والشكر؟ طيح الله حضج
غزل_ كافي انت اللاخ طيحت حضي
كعدنه نسولف وبنفس الوكت نتعارك بالكلام صار وقت الغده تغدينه وخلصنه وكعدنه نسولف صارت الساعه 4 العصر اجت هبه جايبه لميس اخذتها
جانت نايمه صعدتها بكاروكها وخليتها نزلت ضليت اسولف ويه مصطفى وهبه
.........................................
مرت السنين صارت لميس عمرها 4 سنوات دخلت طب واضل ادرس وجانت تجي هبه يوميه تاخذ لميس تحبها هوايه تخطيت سالفه حور ماتت
وراحت لدار حقها حبي زاد المصطفى اكثر واكثر رجعت من الكليه لميس تلگتني بالطجرمه تنطيني ورده
لميس_ ماما هاي ورده
غزل_ يعمري انتي اول مره اشوف ورده شايله ورده
مصطفى_ شلونچ ويه الطب
غزل_ على الله ان شاء الله انجح
مصطفى_ ان شاء الله يلا لميس تعالي
غزل_ وين ماخذها؟
مصطفى_ اشتريلها محتاجه شي؟
غزل_ لا الله وياك
دخلت جوه ضليت ادرس وادرس لحد ما خلصت رحت سويت عشه حطيته وكعدنه نتعشه خلصت رحت نمت باچر عندي عطله واليوم خلصت دراسه
گعدت بالاربعه الفجر على صوت ضحكات جوه نزلت بهدوء شفت اثنين زلم گاعدين بالصاله استغربت هذول منو وشجابهم بهالليل التفتت شفت وراي
مصطفى ديضحك اني كلشي ممفتهمه من الموضوع
غزل_ منو هذول وشديسوون مصطفى؟
مصطفى_ لا تخافين هذول اصدقائي رجعي نامي
غزل_ تمام
خليت ورجعت نمت كعدتني لميس الساعه 8 الصبح
لميس_ ماما كومي سويلي ريوك
غزل_ الى انه جا وين ابوج
لميس_ بابا كاعد يم جماعته الملطلطين
غزل_ هههه عيب ماما منو علمج على هاذ الحچي؟
لميس_ بابا غير
غزل_ اني اعلمه لابوج
لميس_ ماما تعالي سويلي ريوك
غزل_ هسه بس خلي اسبح
رحت سبحت وبدلت ملابسي نزلت اسويلها ريوگ واني واگفه على الطباخ حسيت واحد حضني من خصري
غزل_ مصطفى وخر عيب
مصطفى_ ما وخر
غزل_ وخر لا تشوفنه لميس
مصطفى_ خلي تشوفنه
غزل_ تقبل بنتك تكبر وتصير گحبه
وخر من يمي وگال" لاا وألف لا
غزل_ لعد بعد لا تسوي هيج شغلات كدامها
مصطفى_ بس هيه اذا شافتنه مو رومانسيين عبالهه احنه مانحب بعض
غزل_ سوي احجي كلمات رومانسيه ماعندي مشكله بس لا تسوي هيج شغلات كدامها
مصطفى_ يلا هاهيه ماسوي
