"මෙතන තියන සිතියම දිහා හොඳට බලන්න. නොර්වේ වල තියෙන කොල පාට දීප්තිමත් අවුරෝරා බලන්න අපෙන් ශිෂ්‍ය කණ්ඩායමක් ගිය අවුරුද්දෙ ගියා. නොර්වේ වලින් මෙහෙට ආපු කෙනෙක් විදිහට එලී ඔයාලට ඒ දේවල් විස්තර කරයි."
ගුරුතුමා එලීට විස්තර කිරීම භාරදෙනකොට පන්තිය ඉස්සරහට ගිය එලී තමන් දන්න දේවල් විස්තර කරන්න පටන් ගත්තා. වැම්පයර් වරුන් ලෝකයේ විවිධ ප්‍රදේශවලින් පැමිණ තිබුණු නිසා තම තමන්ගෙ ප්‍රදේශය ගැන විස්තර කරන එක ඔවුන්ටම බාරදුන්නෙ හැම කෙනෙක්ම මේ වගේ දේවල් ගැන දැනගන්න ඕන නිසා.
"උතුරු ආලෝකය අපිට බලන්න පුළුවන් නොවැම්බර් වල ඉඳලා පෙබරවාරි වෙනකම්ම. ඒ කාලයන් වලදි රාත්‍රී කාලය දිග නිසා අපිට හොඳින් උතුරු ආලෝකය බලන්න පුළුවන්. ඒ වුනත් ඒ ප්‍රදේශවලට සංචාරය කරද්දි නොවැම්බර් වල ඉඳන් මාර්තු වෙනකම්ම යන්න පුළුවන්. ගොඩක් හොඳම අවස්ථාව තියෙන්නෙ මාර්තු මාසයේ."
එලී තමන්ගෙ විස්තර කිරීම දිගටම කරගෙන යද්දි ජිමින් හිටියෙ කෙල්ලගෙ එහෙමෙහෙ යන තොල් දිහා බලාගෙන. ඔලුව හරවන හරවන පැත්තට යන ගොතපු කොණ්ඩ කරලත් එක්ක තිබුණු වෙනස්ම නෝර්වේ ජාතික පෙනුම නිසා කෙල්ල තවත් ලස්සන වෙලා පෙනුනා.
මේ වෙලාවෙ ටේහ්යොන්ග් හිටියෙ කියාගන්න බැරි තරම් බයකින්. පන්තියේ හිටියත් කොල්ලාගෙ ඇස් දෙක තිබුණෙ යුෆාරා ළඟමයි. ජිමින්ගෙ නිශ්ශබ්ද බවත් එක්කම කෙල්ල ගැන හොරේ අහුවෙයි කියන බය ටේහ්යොන්ග්ගෙ අවධානය නැත්තටම නැති කලා. කාලෙකට පස්සෙ පාඩුවේ වැඩ කරගෙන හිටපු ජංගුක් විනාඩි දහයක විතර ඉඳන් බලාගෙන හිටියෙ ටේහ්යොන්ග් දිහා.
"මොකද මේ අර කෙල්ලව ගිලින්න වගේ බලාගෙන ඉන්නෙ? කලින්ම කිව්වා නම් එයාව මෙතන ඉන්දවගන්න ඕන කියලා මම ජිමිනා හිටපු තැනට යනවනෙ."
"අනේ මේ එහෙම මඟුලක් නෙවෙයි."
ජංගුක් අහපු ප්‍රශ්නෙත් එක්ක කොල්ලා ආපහු තමන්ගෙ පාඩමට අවධානය දුන්නෙ වෙලාව ගැනත් සැලකිලිමත් වෙන ගමන්. උදෑසන දහය වෙනකම් තිබුණු පාඩම අවසන් වෙනවත් එක්කම යුෆාරා තමන්ගෙ පුටුවෙන් නැගිටිද්දි ටේහ්යොන්ග් ඉක්මනින්ම ජිමින් ලඟට ගියා. ජිමින්ගෙ මූණෙ කවදාවත් නැති හිනාවක් තියෙද්දි ටේහ්යොන්ග්ගෙ බය තවත් වැඩි වුණා.
YOU ARE READING
Wish For Queenmare || KTH ✓
Fanfictionවැම්පයර්වරුන් අනතුරක. ක්වීන්මෙයාර් යනු කුමක්ද? ඔවුන්ට තිබූ ලොකුම ගැටළුව එයයි. This is my original work so don't copy! |Vampire X Horror fiction| Sinhala
