ටේහ්යොන්ග් යුෆාරා දෙන්නව පුංචි මේසයක් ඉදිරියෙන් බිම ඉන්දවපු පූජකවරිය ඔවුන්ට ඉස්සරහින් වාඩි වුණා. පූජකවරියගේ පෙනුම ඕනම කෙනෙක්ව බය කරන්න පුළුවන් විදිහෙ පෙනුමක්. සමහර වෙලාවට වයසක අයගෙ පෙනුම ඒ විදිහට අපිව කලබල කරන්න පුළුවන්. මුල ඉඳලම ඇයගෙ ඇස් තිබුණෙ ටේහ්යොන්ග් ලඟ. හරියට ටේහ්යොන්ග්ව කියවන්න උත්සාහ කරනවා වගේ.
"ක්වීන්මෙයාර් වගේ දෙයක් ප්‍රතික්ෂේප කරලා මගේ ලඟට ආපු පලවෙනි කෙනා. ඇයි එච්චර වටින දෙයක් ප්‍රතික්ෂේප කරන්නෙ?"
"මට ඕන නෑ හිර කාරයෙක් වගේ ජීවත් වෙන්න. මට ඕන නිදහසේ ඉන්න. මට ඒකෙන් ගැලවෙන්න උදව් කරන්න."
ටේහ්යොන්ග් කියද්දි පූජකවරිය බිම බලාගෙන ඇස් දෙක වහගත්තා. ටේහ්යොන්ග් කියන්නෙ බලාගෙන ඉඳලා ඒතරම් පුරුද්දක් නැති කලබල කෙනෙක්. පූජකවරියගෙ හෙමින් වැඩ ටේහ්යොන්ග්ගෙ හිතේ තරහක් ඇති කලත් කොල්ලා සන්සුන් විදිහට ඉන්න උත්සාහ කලා.
"වැඩිපුරම ආදරේ කාටද?"
"ආහ්........."
"මම ඇහුවෙ වැඩිපුරම ආදරේ කාටද කියලා. ඔය දෙන්නම කියන්න. මුලින්ම ඔය කෙල්ල."
පූජකවරිය යුෆාරාගෙ පැත්තට අත දික් කරද්දි කෙල්ල ටිකක් ගැස්සුණා. ඒත් උත්තරයක් දෙන්නම ඕන මෙතනින් ඉස්සරහට යන්න නම්.
"මට එහෙම කෙනෙක් නැහැ."
යුෆාරා කිව්වෙ ජීවිතේ වැඩි කාලයක් අනාථයෙක් විදිහට ගත කලාට පස්සෙ පවුලෙ කිසිම කෙනෙක් නැති නිසා. යුෆාරා හැමදාම හිටියෙ තනි කෙනෙක් විදිහට ඒ නිසා කෙල්ලට ආදරේ කරන්න කියලා කෙනෙක් හිටියෙ නැහැ.
"එතකොට ඔයා.....?"
ටේහ්යොන්ග් ටිකක් වැඩිපුර කල්පනා කලා. නම්ජුන් කිව්වා වගේම තමන්ව ප්‍රේහේලිකාවක පටලවන්න උත්සාහ කරයි කියලා ටේහ්යොන්ග් හිතුවා. ඒ නිසාමයි කොල්ලා තමන් දෙන උත්තරේ ගැන ගොඩක් හිතුවෙ.
"මම වැඩිපුරම ආදරේ මට."
"හ්ම්........ තමුන් හරිම ආත්මාර්ථකාමී කෙනෙක්. කෙල්ලෙ..... පේනවද මේ කොල්ලා හරිම ආත්මාර්ථකාමීයි. තමුන් තවදුරටත් මෙයාට උදව් කරනවද?"
YOU ARE READING
Wish For Queenmare || KTH ✓
Fanfictionවැම්පයර්වරුන් අනතුරක. ක්වීන්මෙයාර් යනු කුමක්ද? ඔවුන්ට තිබූ ලොකුම ගැටළුව එයයි. This is my original work so don't copy! |Vampire X Horror fiction| Sinhala
